هـل تمتـلك سيـاره أمـريكيـه ؟؟ أدخـل وأخبرنا ما نوعهـا وما نـظرتـك لها وماهي عيوبها؟؟

عندي جمس 94 وارد بالبيد 454 القير فيه

مرة يغير زي العسل ومرة يبقى في نمرة

واحدة مايغير ... مابقينا حيلة

ولم نجد الحل ممكن ان شاء الله هنا عندكم الحل

تحياتي للجميع

ماشاء الله تبارك الله

يعطيك خيرها ويكفيك شرها

السلام عليكم ورحمة الله وبركاته

انا عندي فورد كراون فكتوريا


ممتازه جدا جدا جدا


موديل 2002

كانت مع الوالد ومحافظ جدا وخذتها انا ماشيه 76000

والحين 83000


والسياره ممتازه جدا

ولا شفت منها اي خراب
والفرامل ممتازه

والمكيف ممتاز بس الكتروني والحين فيه خراب بسيط


ومكينته ممتازه وتسارع الغير ممتاز وهذا شي معروف

والعزم ممتاز

وانا من خذته وانا كارفه دوران سرعه تدعيس ولا جاه اي شي


ومشيته 5000 في شهر



وتقبلوا تحياتي

ماشاء الله تبارك الله

بس هو شوي ماغط موتره خصوصاً بسحب الجلنط

اعرف واحد معه كابريس 2002 LTZ الكابريس شاريه مستخدم وماشي 60 الف كم
والآن صار الكابريس ماشي 116 الف ولا عيووووووووووب ووله الحمد والرجال يمدح في الكابريس حيل

الكلام هذا من لسان الرجال مباشره

واحب انوه للأعضاء (( إستخدام عن إستخدام يفرق ))

وتراه معذب موتره انا ركبت معه مره
سرعه جنونيه
لمبة الزيت شغااااااله
يسحب جلنط والسياره فوق ال 20 ويطلع صوت قوي (((( طق )))) من ناحية الكفرات الخلفيه

هذا ما لدي واحببت كتابته في موضوعكم


سلفستر

ماشاء الله تبارك الله

يعطيك خيرها ويكفيك شرها

سلام الرحمه والبركه
املك لومينا ال اس مديل 2004
السياره ماشيه 30 الف
مزاياها
استجابتها سريعه
صرفه بمقارنه بباقي السيارات مثل كامري غراندي او مكسيما او مغنا
قليل جدا كانه صرف اربعه سلندر
مشيها غلط في الشارع
ما شفت ايه مشاكل لحد الان
السيارة لو انها فاشله لما اخذتها الدوريات
لانهي اقوى محرك في فئة السته سلندر
محركه مجنون>>>>> انت مجنون مو السيارة :D
طبلونها جميل جدا بمقارنه السيارات من فئتها
عيوبها
غير راسيه
مراتبها الامامين ( مو بقعده اوادم)
الدفرنس شافت

عدم الرساوه ؟؟ والخفه ؟ صارت سياره آسيويه ؟؟
وتأخر الدعسه ؟؟ غريبه والله

يمكن الثقل اللي تقصد شكلك اذا ديورت تزحف بك السياره يبي لك فتره عشان تعرف لها كذا واحد صارت له

بس الاضاءه فعلاً بايخه عند الفورد مدري وش السبب ؟؟

شكراً لكم جميعاً|3|

ماشاء الله تبارك الله

يعطيك خيرها ويكفيك شرها

السلام عليكم ورحمة الله وبركاته
ابدخل في العيوووووووووووووووووووب دغري ( على طول )
1ــ عدم الرساوه وخاصه في المنحنيات
2ــ الخفه الزائده ( يلعب فيها الهوا يمينا وشمالا ) وخاصه في السفر
3ــ تأخردعسة التجاوز ( 3 ثواني تقريبا ثم تشبك )
4ــ تركيز ثقل السياره في مقدمة السياره فقط مما يؤدي الى عدم اتزان السياره من الخلف
5ــ ضعف الاضاءه الاماميه ( عيب مشترك )
............بالنسبه لاشياء الاخرى لم اتطرق اليها ( لانها معروفه لدىالجميع )
* السيلره فورد * قراند مركيز * 2000*استخدام *

املك ميركوري قراند مركيز سماوي 2001

والحمدالله مافيها عيوب ... كامله والكامل الله

وافكر اشتريلي G M C

ماشاء الله تبارك الله

الله يعطيك خيرها ويكفيك شرها

يعطيك العافيه

الفورد كراون فكتوريا وجراند ماركيز

هذي السياره الي اعجبتني وحسيت فعلا انها سياره عمليه...

هذا الجواب المختصر وشكرا

ماشاء الله تبارك الله

الموتر ماقصر والله
وإذا على قطع الغيار صدقت والله بـ الصدام
انا كان معي صابونه 95 امريكي صدمت به وانكسر الصدام الامامي وشريت صدام جديييد بقراطيسه بـ 75 ريال تقريباً|1|
بس بصراحه هبل بي قسم بالله يوم معي واسبوع بالورشه
لاني انغشيت فيها |5|
ومسوي لها فحص كمبيوتر وطلع لي كل شي تمام
ونص السياره توليف في توليف
السلف حق جمس والمكيف حق جمس
ومدري وش بعد يعني الموتر رايح فيها
والسياره الظاهر جتها صدمه شنيعه

يعني راعيه غشني والمصيبه انه شايب

بعدها توبه اشتري سياره استخدام امريكي اللي بالمعارض والصالات

يعطيك العافيه |3|

بسم الله الرحمن الرحيم
لي عادت تجارب مع السيارات المريكية سوف إذكرها
1
السيارة كابرس موديل 1991 الون رصاصي شبه جديد برجهام
كن عداد السيارة 3000 كم
السيارة ممتازة وعملية تصدقون ولا مرة فتحت الكبوت إلا لتغير الزيت فقط
استخدمة السيارة 6 سنوات يعني جددة الاستمارة مرتين
إيجابيات
1) عزم ممتاز
2) تكيف ممتاز
3) فزة السيارة أفضل من الممتاز
4) الرحة حيث يركب 6 أشخاص براحة طبعن بالغين
5) دفع خلفي
6) قطع غيار كانت جي إم يعني ما غير إلا فلتر الهواء كل 40 البواجي ماغيرتها الا والعداد فوق 100 الاف فلتر البنزين شد بلد المساحات كنت إخذ الوحة ب 40 بس كانت تجلس 3 سنوات
ويرات البوجي شد بلد ما غسلت المكينة إلا مرة وحدة
7) صرفية متوسط أعبية ب50 أسبوع
8 ) قطع غيار رخيصة حت البدي تصدقون صدام ب 75 الشمعة ب 70 الله يديم الرخص
السلبيات
1) الزجاج الخلفي مايفتح كله على الأخر ب إلى الربع
2) مكائن الزجاج الخلفي تخترب بسرعة
3) التكيات حق البواب تطلع بكل سهولة
@@@@@@@@@@@@@@@@@
السعر الشراء ب 50 الاف
البيع ب 11 الاف
@@@@@@@@@@@@@@@@@@@@@@@@@@
كابرس بوكس موديل 1996 الون أبيض مستعملة عداد 150 الاف كلاسك
عام 1998 سعر الشراء 32 الاف
نفس موديل 1991 بس الفرق
1) مراوحتين كهرباء بدل الميكنيكية
2) القير صار إلكتروني 4L60
3) الطبلون إكتروني
@@@@@@@@@@@@
القير أفضل من موديل 1991 حيث تبديلة سريع وعزم أفضل من القديم

تصدقون رحت علية الامارات وقطر أكثر من 10 مرات و مشوير الدمام والخبر والرياض
بعته ب 11500
العداد 280
وكان الرديتر خربان
وراس المكينة نص عمر

ماشاء الله تبارك الله

انا اكثر موديل للكوابر احبها هي:
76..75..73..72..71..70..69
جداً حلووووووووووووووووووووووووووه

يعطيك الف عافيه وشكراً لمشاركتك

عيب السيارات اللي تجي من امريكا تكون معدومه يعني مثلاً مصدومه او غرقانه
وتجي هنا ويصحونها

لكن الورشه اللي اعرفها اذا انت بالرياض في ورشه اسمها ورشة الجميح ممتااااااااااازه
مع مخرج 17 ونت جاي من مخرج 16 تلف يمين سييييييده اشارتين ورى بعض اتركها وامش قدااام
تجيك اشاره تلقى على يمينك محلات مطابخ وكذا تديور معها امش قدام شوي اول لفه يمين او ثاني لفه شارع طويل تلف معه تلقى الورشه على يسارك

ارجو اني افدتك

شاكر لك على مشاركتك

بعد عشرة عمر مع السيارات الامريكيه وتجارب للكابرس موديلات
78 84 90 95
والجمس 2006 وماركيز 2004

لم اجد افضل واجود واروع واقوى من كابرس 1984 م
سياره امتلكتها وبعتها ولن انساها ماحييت

تحياتي

ههههههههههههههه رد براحتك مافتحت الموضوع الا عشان تردون على راحتكم|1|

والله يرحم الوالد ويسكنه فسيح جناته
بس ماشاء الله الكابرس شكله كان نظيف

بس حسافه راح
والحمدلله على كل حال
والجمس اللي شريتوه شكله اللي مستخدمينه قبلكم 30 واحد
والموتر اذا كل شوي من واحد لواحد يخربه

يعطيك العافيه