السلام عليكم ورحمة الله وبركاته...
اخباركم شباب؟ ان شاء الله بصحة وعافية...
انا طلعت السوناتا قبل عشرة ايام..
ومشيت عليها 1000 كيلو لكني لاحظت بعض الاشياء اللي ما عجبتني في السيارة...
اولا السيارة فيها رجة مو طبيعية. وخاصة اذا كنت داعس بنزين أو بريك. وتكون الرجة في الدركسون ودعسة البنزين والبريك وعصا القير.
وتعشيق القير صاير كانه قير عادي يعني بين النمرتين تثقل السيارة.
واذا كنت ماشي فوق 60 ودعست بريك قبل ما توقف السيارة بلحظات تنتع كانها بتطفي وتوقف فجاة ( كاني داعس البريك للاخير).
والسيارة فيها صوت ويكون واضح اذا عشفت القير لورى.
واذا طفيت السيارة تهتز.
وبصراحة صرفية البنزين بصراحة كانها كابرس تسعاوي.
انا حصلت جنود 17 وعريضة وبعض الشباب نصحوني اركب كفرات مقاس 235 ( اعرض مقاس) عشان تروح الرجة .
يا ليت تفيدوني بنصايحكم.
انصحك تبلغ كل هالملاحظات الوكالة في اقرب تشيك
ضروري لاتخليها وانشب لهم لاتطلع السيارة الا وكل المشاكل منتهيه واذا استهبل عليك موظف الاستقبال مباشرة اطلع لرئيس الصيانة
كل هالمشاكل بسيطه وتنحل بسرعه لاكن اذا اهملتها يتترتب عليها عواقب وخيمة
الله يوفقك واسمحلي على التاخير
بس مثل ماانت شايف الرابطه نايمة
هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 709x370 وحجمها 186 كيلو بايت .
