وش سبب التفتفه ....... أوجوا المساعده

السلام عليكم
بالنسبه لخوي (shagyteacher) :)

أنا رحت لصاحب ورشه فاهم قالي البلف حق تانكي البنزين
وسعره 150 ريال هذا أهم شي
وللتأكد افتح غطاء البنزين والسياره تشتغل إذا كان يطلع هواء
يكون عندك بلف البنزين عطلان
بس أنا ما غيرت إلى الأن مشغول لأنها تبي لها وقت بالورشه
حوالي يوم وعليها....
2- اسلاك البواجي ، بس انت تقول غيرت ولا نفع
3- رأس المكينه يكون غير مغلق بأحكام
بس إلى الأن لم أعمل شي والله يسهل

والله يوفق الجميع
|3| |3| |3|

انا مدري لاكن ان كانت السياره وانت ماشي تتفتف غير صفايه البنزين
اوك

كانت عندي نفس المشكله وغيرت:
1- البواجي
2- اسلاك البواجي وهي مهمه ولازم تتغير
3-وكانت المشكلة موجود ولاراحت وان كانك من السعوديه لاتحط الا بنزين 95 الاحمر لاتحط الاخضر والحمد لله راحت التفتفه واذا كنت من خارج السعوديه عب من النوع الممتاز

السيارة اذا تطلع دخان أسود مع التقطيع :السبب من
البواجي والأسلاك
فلتر الهواء وقد تكون القناة التي تسحب الهواء مسدودة وموقعها يكون في آخر ماسورة الهواء.
فلتر البنزين
البخاخات
مواصير الاكزوست أو العبارات قد تكون مسدودة

وأتمنى أن تكون مشكلتك بسيطة باذن الله.

رح للي وضبـــها يكشف عليها
البلوف ووجيه المكينه يمكن مو نفس المقاس

الله يعطيكم الف عافيه

بس بالنسبه لخوي zaed 1

فيه عندي ثلاث بواجي فيها زيت

ممكن يكون من وجه المكينه والمكينه
موضبه قريب

والله يسهل :)

للتفتفه عدة اسباب
منها //
البواجي
اسلاك البواجي
صفاية البنزين أو الليات اللي توصل من التانكي لطرمبة البنزين يمكن يكون فيه سدد
فلتر الهواء

وترا وانا اخوك خبرتي قليله
لكن هذا اللي انا اعرف
وان شاء الله الاخوان ما يقصرون

ما ادري ليه اتوقع انه من البنزين 91 اغلب من اشتكى من التفتفة يحط هذا البنزين الي يكون كربون ويعدم الثلاجات على رأي الميكانيكة , وان لم يكن كذلك شوف البواجي واسلاكها وتاكد من عدم وجود زيت على اي واحد منعها وبعد كذا انتقل للمنظمات .