تجربتي مع اكورد 2007 ستة سلندر

أخوي ( إنفنتي ) ، أشكُر لك سعة صدرك ..
وكما تفضلتَ هو مجرّد حديد ولا يستحق منّا كل هذه المناوشات .

تقبل تحاياي القلبية .

احب الكوري : انت معطي الموضوع اكبر من حجمه الله يهديك بس ، تراه حديد .

الحمد لله حسبت اني الوحيد اللي مو متقبل الوضع

ماشاء الله


الله يعطيك خيرها ويكفيك شرها

ياشباب وش بلاكم قلبتوا الموضوع تحدي ، تراها تجربة وياصاحب الماجنا اعترف ان الماجنا قوية لأني شفت لها قومة مع التيما وقامت عليها .

أحرق الماجنا وعلى مشهد من الجميع إذا الأكورد قدر يقدم مستوى مع الماجنا .
وهذا تحدي وأنا أتحمل نتائجه مهما كانت .

ماشاء تبارك الله والله يباركلك فيها يالغالي ...
وهي سيارة جودتها عالية ومواصفاتها حلوووووة لاكن مستحيل قوتها توصل الى لومينا اس اس لو ايش ماصار

من واقع تجربتي انا عندي لكزس LS400
اللومينا اس اس وبصرررراحة جربت معاها قومة وخط واكثر من مرة اصلا مافي مقارنة اللومينا مستواها عالي جدا ومستحيل تقوم ولا حتى تمسك خط معاها لو تفحط انا بسيارتي جربت معا اكورد 6 سلندر قومة وخط وكنت متأكد اني بطرحها بحكم سيارتي 280 حصان ومكينتها 4لتر بس كنت ابغا اشوف مستواها بصراحة طاحت من عيني بعدها ما اتوقعتها كذا مستواها عادي جدا حدها ماجنا ومكسيما
والالتيما انا جربت وقد نزلت عنها موضوع الستة سلندر اتوماتيك اقوم عليها بفارق بسيط تقريبا فرق سيارة فقط او اقل والخط كمان بالقوة ابعد عنها فرق سيارة او اكثر وهي بصراحة جبارة اما القير العايدي بصررراحة تقولي باباي يالكزس تعطيني 3 عواميد زي الطيبين يعني التيما واس اس وخر عنهم ولا تجيب طاريهم سيارات فوق مستوى الاكورد حتى الافالون مستواها زي الالتيما القير العادي

يعني بالعربي اذا مسكت معا التيما قير عادي لو مسافة بسيطة فسيارتك بطلة وقوية وانا والله ماني مكذبك لاكن الله ماشفناه وبالعقل عرفناه انا بالقوة طرحت التيما اتو وطرحت اكورد ستة سلندر بالراحة والاس اس والالتيما القير العادي لعبو فيني (( الاعتراف بالحق فضيلة )) والافالون بدون مطارحة باين انها قوية لانها 280حصان وقيرها تترونك ومكينتها 3.5
يعني انسى وانا ودي اجرب معاها مع اني عارف قوتها

الله يباركلك في سيارتك ويهنيك فيها لاكن ذولي مستواهم فوووق عن الاكورد مع حبي لها وكنت بشتريها قبل اللكزس وشكرا على مشاركتك

اولا يعطيك خيرها ويكفيك شرها

ثانيا فيه كلام ما بلعته على خفيف

لومينا SS قلتله باي باي ؟؟
افالون تروح عليه ؟؟
ألتيما 6 سلندر تخاف ؟؟

اسمحلي يا صاحبي
شوف بصراحه يا غالي انا اصدق عيوني واللي اعرفه
الالتيما اوتو تمشي مع الافالون لما 160 وبعدين تروح الالتيما
الافالون تمشي مع الـSS لما 120 حوالي مسافه 300 متر بعدين تروح اللومينا

انا اثنين من اخوياي عندهم اكوردات 6 سلندر
وكلهن حقت خطوط يعني العزم توب
ألتيما 6 اوتو تمسح وجيههم

(قلنا الاكورد قويه بس مو للدرجه نمسخها)

مشكور اخوي على الموضوع
مع خبرتي المحدودة بالياباني
اشوف ان شركة هوندا افضل السيارات
اليابانية من حيث التقنية=((تطبيق المعرفة على غرض علمي))

تقبل تحياتي..:cool:

أحب الكوري : كلامك على عيني وراسي لكن برضه انا اقول لك هذا اللي صار معي ومافيه داعي اني اكذب واتكلم ممكن راعي اللومينا اس اس مهو سواق هذا شيء راجع له وبعدين بالنسبة للأفالون منت راضي ترضخ للأمر الواقع وش دراك انه مافصل او فصل حتى الأكورد فيها مانع انزلاق ممكن برضه مثقل عليها وممكن لو فصله كان علوم ، لاحظ احنا لو نتكلم عن المقاومة راح يطول الكلام لأنها تعتمد في الأخير على كرف المكنية وعلى السواق وعلى المهارة وعلى حط قلبك في الدرج وعلى ثقل السيارة سواء ثقلها الحقيقي او ثقلها بوجود عدد ركاب و............و............... وماراح ينتهي الموضوع ، لكن اقول مشكور وماقصرت على مرورك الكريم وانا مصدقك في كل الكلام اللي قلته وماعندي استعداد اكذب نفسي والشيء اللي صار امامي .

مشكوووووور

مشكور على ردك ياخوي لكن بالعقل روج جرب تسارع هنادي كم يوصل وشف تسارع اللومينا اس اس يكون في علمك تسارع اللومينا 6 ثواني بس لكن الأكورد 8 ثواني وشوي حسب مجلة سعودي اوتو وراح أجيب لكم العدد إذا انكم تحبون تجارب شخصية أكثر من المقروءة فاللي من أهل الرياض يروح شارع الضباب او طريق الملك عبدالعزيز ويشوف بأم رأسه على قولتهم يشوف الأكورد كيف انها بدون قيمه في المقاومات أبد اللي ماسق سوقه هناك الاس اس والألتيما والأفاون والماجنا بالنسبه للسيارات المعتاده أما أصحاب الأكوردات تلقاهم يصورون ويتفرجون مايقاومون لأنهم ماكلين مقالب من الألتيما إذا جينا للمنطق مكاببن النيسان مشهوره ومعروفه للجميع بقوتها مقارنة بالأكورد الفارق أكثر من 30 حصان و500 سي سي مع اعتبار فارق الوزن الأتيما أخف بكثير ونحط فارق القير الألتيما 6 سرعات نسب قصيره يعني تلعب بالأكورد لعب وأنا أقول الأتيما راح تقطع الأكورد بعد ال80 إلى درجة ماراح يشوفها الأكورد إلا إذا راعي الأتيما ضغط بريك غير كذا مستحيل ومن واقع تجربتي تقاومت مع أكورد بالأزيرا والله والله والله والله إنه ماشافني يوم تعديت ال160 والقومه ولا هو حولي فرق بينه 3 سيارات في القومه هذا انا مجربها لا يو تيوب وبعدين اللي يسوق الأفالون مافصل المانع انزلاق لانه يفرق ثانيتين في التسارع


ملاحظه هذا حوار أرجو تقبله بصدر رحب وإذا حسيت اني أخطيت صحح لي ونتقبل التصحيح بصدر رحب

أحب الكوري : انا قابل انتقادك لكن اللي مكتوب في الكاتلوج عن الاحصنة الإجمالي 275حصان يعني مافيه داعي اجيب اي معلومة غلط او العب على الشباب والتوبترينك ماله داعي ومعاك اتواماتيك ماتحتاج له وغير كذا يأخي ماشاء الله قير الهوندا يعطي دفع قوي للمكينة ماشاء الله احس ان معي عادي وهذا والله من واقع تجربة خاصة ، وبالنسبة لردك الثاني ماله شغل ابدا بموضوعي لأنه اصلاً واضح ان فيه تعصب للهونداي وانا حاب اعرض تجربتي بالسيارة عشان يستفيدون الشباب مع ذلك انا راح ارد عليك بكل صدر رحب واقولك ياحبيبي والله الذي لاإله إلا هو اني مجاكر لومينا SS موديل 2005 وهبلت به ماتوقع ان اكورد تسوي زي كذا كيف الاكورد مع الازيرا والسوناتا V6 يعني لاتعليق ، برضه اعرف واحد من الشباب معه اكورد 2005 لاحظ يعني اقل قوة من اكورد 2006و2007 يقول ملحم في صدام المكسيما مع ان المكسيما 3.0 والـ4سلندر 2.4 والموضوع يطول ، برضه بالنسبة للأفالون انا شايف مقطع فيديو في موقع youtube مقاوم اكورد 2007 ستة سلندر مع افالون 2007 قامت الاكورد وبفارق وابحث في هذا الموقع وراح تلاقي المقطع .

وارجوا ان تأخذ ردي بصدر رحب لأن الموضوع تجربة مو تحدي ومطارح ، مع كل الاحترام والتقدير لمحبي هونداي .

الشي الثالث انا معي أزيرا 2006 والحين ماشيه أكثر من 100000 كم والحمد لله ماشتكيت منها أبد والسياره أروع مايكون بس اللي يقول إنه راح عللى سوناتا 6 سلندر أقوله معليش اسمحلي أقولك عيونك مو في راسك أنا أحد أقاربي معاه سوناتا 4 سلندر قير عادي ستوك ماعليها اي تزويد وناتفين اكورد 6 سلندر قومه فقط أما أنا بالأزيرا قطعت الأكورد ال6سلندر قومه وخط وأرض وجو وسباحه بعد
يمكن يخفى على الكثير منكم ان التقنية المستخدمه في أغلب سيارات هيونداي الجديدة تقنيات ألمانية لأن معهد الدراسات اللي يقوم بالدراسات والتجارب والتصميم هو معهد الماني بصراحه هونداي قفزت قفزه قويه السنوات الأخيره وأنا أجزم ان الالنترا 2000 سي سي تقطع الأكورد ويمكن يأيد رايي كثير من الشباب
الأكورد مو ذاك العزم وأكبر دليل اللي فيكم يشوف مقاومات شارب الضباب وطريق الملك عبدالعزيز الله يرحمه وطريق المسانده يلاحظ ان الأكورد مالها اي قيمه في المقاومات والألتيما ماتحط عقلها بعقل الأكورد فرق شاسع بين السماء والأرض ومعليش كون الأكورد تروح على الأفالون مستحيله لأن الأفالون 3800 سي سي وأكثر من 280 حصان ومن ناحية المراتب أعرف 2 باعو الأكورد عشان المراتب لا هي طبية ولا شي ضاحكين على الناس أحس ان داخلها مو اسفنج حاطين اسمنت
وبالنسبة للأخ اللي يشتكي من الطقه أكيد إن راعي زرزره سبب الطقه كرسي القير شيك عليه بس حبيت أضيف اللي عندي وأبلغ تحياتي الخااااااااااااااااااااااااصه للي يعشق الهونداي

السلام عليكم
انا صراحه لي فتره اشوف الموضوعات ولامره خطر في بالي اني اسجل إلا لما شفت رد أخوي أزيرا وبس وأقوله صح لسانك على النك نيم أنا عنندي اضافات بسيطه أتمنى تتقبلوها بصدر رحب
أول شي أنا من وجهة نظري إن الأكورد ينقصها إن القير يكون اتوماتيك مع وضعية التنقيل اليدوي لأنه صراحه وضع حلو مره وجربته في أكثر من سيارة
الشي الثاني عدد الأحصنه مبالغ فيه بشكل كبير فيه مكينه للأكورد بس مو نازله للخليج سعتها 3500 سي سي هي 275 حصان اما اللي عندنا ماتتجاوز 240 حصان واللي مو مصدق كلامي ياخذ سيارته لأي ورشة فحص كمبيوتر ويشوف الاتش بي في برنت الفحص والرقم اللي مقابله هو الأحصنه الحقيقية للسيارة
الشي

Z3TR : والله انك صادق انها تهيض من يوم امشي 140 احس ان السيارة انسدحت في الارض وتبي دعسه بسيطة لينا ماشاء الله طايرة .

الشرق للضمان : يعطيك العافية وان شاء الله قريب .

ماشاء الله تبارك الرحمن الله يعطيك خيرها ويكفيك شرها
عقبال العروسه هههه
اخوك الشرق للضمان

[COLOR=#ff0000]9- المراتب الامامية فيها قساوة بعد ماسألت اللي في الوكالة قالوا انها طبية

هلا والله صادقين طبيه والله انا اتذكر كل ما اركب قدام احس بالراحه

ومشكووور على التجرب الحلوه والله يعطيك خيرها ويكفيك شرها

ونصيحه من عندي لا تمشي 140 والله بتتهيض وتصير 220

خذها من عندي نصيحه ترى الاكورد معروفه بمسكتها للطريق والله يذوقك فيها الخير وبعدك عن شرورها [/COLOR]

مشكورين ياشباب على الردود وإن شاء الله راح اجرب مع الالتيما ، بس الاحظ ان الالتيما ماتحاول إنها تتحرش او دق إشارة أو شيء من ذلك شكلهم ماخذين مقلب جامد من اكورد ستة سلندر. خصوصا لما يشوفون سيارتي من الخلف لأنها لا توضح انها ستة سلندر إلا من الخلف الشكمان وكتابة V6 .