سوبربان 2007 أبغ أظلله ولاكن يوجد أسلاك الراديو في القزاز الخلفي ماذا أفعل؟؟

لا لا لا لا يا شباب


هاذي أسلاك الراديو بدلا من (الأنتل)

وهي موجودة بالإكسبديشن من عام 2003

وإذا بتغيم عازل من الشركات ما في مشكلة أما إذا تبي تغيم زينه هاذي المشكلة لأنه ينشب إذا جيت تفكة

ضلل وما عليك بإذن الله
ضلل من الدخل بس التضليل يكون من العازل الرخيص
لأنه أسهل في الفك لأنك ما تعرف يجيك احد ويقول شيل التضليل وخاصة إذا كان من النوع الغالي.
هذه الأسلاك لا تتأثر بالتضليل من الداخل لأني ضللت وغيرت أكثر من ثلاث مرات في زجاجة فورد خلفية.

وأزيد على كلامك

العليان في الرياض على طريق خريص
صراحه ضمنوا لي شغلت التضليل عن طريق التضليل الحراري
بس كم تتوقعون يا جماعه سعر التضليل العازل الحراري
عندهم


تصدقون أن القيمه
1000ألف ريال بس|10|
يابلاش
وعلى قولت المهندس إلي بضلل أن الماده الموجوده في التضليل الحراري العازل
ليست نفس الماده الموجوده في التضليل العادي
وتكون أخف عندما تريد فكها حتى لو بعد سنه ؟؟
لأنها لا تعتمد على الصق وإنما ةجود ماده أخرى

مادري أحد جرب التضليل الحراري أو مر على العليان
وستفسر منه

تحياتي لكل من شارك في الموضوع

شف بس خذ شوري
تبي تظلل موترك رح لـ زيبارت
وهم خبره في هالامور يظللونها لك وبضمان وتظليل حراري وشغل اصلي

لاتروح شغل ابو هنود يحوس لك الشغله وبالاخير يهز راسه

من واقع كتلوج السيارة الأسلاك اللي في القزاز الخلفي الأيمن هي اريال الراديو

ما ادري من وين جبتو اسلاك الضباب في اليمين فقط :confused:

فعلا ممكن تواجه مشكله اخوي المميز اذا جيت توخر التظليل


لكن اذا فيه ستاير شكلها خلو افضل
لأن التظليل ( اللي مخصص للزجاج من الداخل ويتم تلزيقه من الخارج) صعبه شوي ازالته لأنه مع الشمس يجف و يتقطع لاجزاء صغيره ما تطلع الا بالموس

وانت عارف شمس ابها |10|

لكن شوف اللي بمحل الزينه اذا فيه عنده ماده معينه ممكن تطلع التضليل بسهوله ...


بس فيه تضليل مخصص للزجاج من الخارج بس ماعندي علم عن سلبياته ممكن الاخوان يفيدونك

الله يعينكم على هل الامريكي

ضلل الزجاج من الداخل ومافيه مشكلة لاني انا عندي مرسيدس ومضللها كلها ومافيه مشكلة مع العلم انه الزجاج الخلفي فيه خطوط الاريل والضباب في نفس الوقت والاتنين تمام شغالين كويس

لون اسلاك الضباب مامنها فايدة
في جدة والشرقية يامكثر استخدامها
خاصة ايام الرطوبة ....

لتوضيح الرؤية ......

;) شكل الديره إلى عايش فيها ما فيها ضباب;)
تحياتي لك|3|

الله ينور عليك تصدق ما جربت ولا جت على بالي
طيب كلامك صحيح
بس سؤال وين اسلاك الآريل
طبعا ما نسيت أساس الموضوع والتضليل
تحياتي لك ولمن طرح وشاهد هذا الموضوع

السلام عليكم

يا جماعة انا مو شايف اي مشكلة
انا عندي تاهو 2007 ظللته و ما عندي اي مشكلة
(( شنو المشكلة لو تقطعت اسلاك الضباب .. ما منها اي فايدة )) ...؟

حبيبي الأسلاك حقت ضباب 100%
والسبب انها يمين بس مو يسار
ان القزازه الخلفيه اليسار مستحيل تشوفها وانت تسوق لكن اليمين ممكن تستخدمها لو تبغا تلتفت في الزاويه اليمين الخلفيه عشان السيارات الجايه
لكن الزاويه اليسار الخلفيه فأنت ما تقدر توصل لها وانتي في مكان السواق

وهذي الأسلاك ما لها زر مستقل
وهي تشتغل لما تشغل اسلاك الضباب حقت القزازه الخلفيه مره الي في الشنطه وعشان تتأكد وترتاح
جرب شغل الزر حق الضباب حق القزاز الخلفي واصبر دقيقه او دقيتين ورح الملس القزاز الخلفي والخلفي اليمين بتلقاها حاره وهذا معناها انها شغاله 100%

وشكرا اتمنى تكون فهمت من شرحي

.
.
.
تصدق من يوم قرأت هذا الموضوع
وانا تارك التاهو حقنا بدون تظليل ومتردد

افكر اردكب ستاير خلفية على الزجاجتين الخلفية اليمنى واليسرى ...

لكن ما ادري رأي الاخوان !!!

ننتظر مشورتهم

حتى إلى في الوكاله ماعرف وش هذي الاسلاك
بس يوم سألت واحد قلي إنها حقت الراديو واحد قال حقت الضباب
بس المقوله الأولى اقرب لأنها في الزاجاج الأيمن فقط ولا يوجد في الزجاج الايسر
بتاتن البته

تحياتي للجميع

مالك الا تضليل من الخارج

أو... ضلل بس لاتتأخر بفكها عشان مايصير صعب فكها

او ضلل عند هالشركات العازل عشان يضمنون لك الشغل

اقل شي عشر سنيين



والسلام عليكم