أسئلة حول فورد كراون فكتوريا 2007 ..

متصفح @user_55530 · 14-09-2007

السلام عليكم ورحمة الله وبركاته ..

بداية أحب أبشركم وعلى بلاطة إني عليمي سيارات وما أدري من وين هي هابه ..
ياليت تفيدوني لأني ناويها يعني ناويها ..

بداية ياليت تخبروني هل نزل الموديل 2008 والا باقي ؟
وكم سعر الـ 2007 الآن ؟!!

أنا ناوي أشتريها خلال فترة أسبوعين فإذا كان الموديل 2008 باقي مانزل
فهل أنتظر لحين نزوله حتى يرخص سعر الـ 2007 والا أتوكل على الله الحين وأشتريها ؟

بعدين هل فعلا انها تتكسر بسرعة لأن الشوراع عندنا مكسرة على الآخر .. وهل هي
مناسبة لأن يمكسك الواحد فيها خطوط ؟!!

وماهي أنواعها أنا أسمعكم تقولون سبورت ومدري ايش فاليت تفصلون لي ؟!
وأكون شاكر لكم في هذا الشهر الفضيل ..

لا مانع بالزيادة على هذا الأسئلة ؟؟
بالانتظار حبايبيني ..

كابريس2005 @user_17244 · 21-09-2007

الصراحه اخوي الفورد مايتحمل المطبات اذا كانت حفر لانه ياكثرهم يعلق في حفره ولايقدر يطلع

اما اذا مطبات عاديه وخفيفه توكل ع الله واشتر سياره اذا انت راغب فيها

المحترف المجهول @user_56518 · 19-09-2007

والله اتمنى اني اقدر اساعدك اكثر لاكن اشوف انو الاخوان يكفوووون و يفووون ولا تنسى الاستخارة

kane500 @user_54818 Banned · 19-09-2007

77777777777777777777
هذا انت قلت (سمعت ) وأنةا اقول لك معاي كابرس 2007 والوالد LTZ 2006 وكان عندي لومينات السياره هذي بطللللللللللللللة للآآآآآآآآآآخر بس انت فكها جديده على يدك من الوكاله ومالك الا موتر يرفع الراس ويبرد الحره . وانت بالخيار

متصفح @user_55530 صاحب الموضوع · 17-09-2007

المارودر 2004
بارك الله فيك وأنا بانتظارك عزيزي .. بيض الله وجهك ..

kane
الله يرحم والديك لسا شباب وين شاااايب لكن على ماقلت لك عليمي سيارات ، بس
سمعت عن الكابرس انه خرده والله ، وأما الدوج تشارجر أول مرة أسمع
عنها ترى أنا بالجوف وما عندنا الحركات الحلوة هذي ..
ما عليك أمر ياليت تعطينا نبذة عنها وعن أسعارها ؟!! وياليت صورة ؟

kane500 @user_54818 Banned · 15-09-2007

الاخ صاحب الموضوع : كم عمرك ؟ اذا كان من 18 الى 30 فأعتقد يلزمك اعادة النظر , رح شف الدوج تشارجر , او الكابرس ال اس اس لانه حرام والله تشتري سياره كأنها موديل 1998 بس تختلف بالجنوط , اذا كنت راعي دعس وتحب القياده السبورت (الرياضيه) فالفكتوريا صفر على الشمال بهالموضوع وتفصل على 175 , اما اذا كان عمرك 50 سنه وماتحب تكشخ واجد فتوكل على الله وفك الفكتوريا

والرأي الاخير لك

المارودر 2004 @user_47732 · 15-09-2007

والله ياخوي قبل اشوي وانا اتصفح جريدة عكاظ
لقيتهم منزلين الخصم 12.000 الف ريال على الكراون فكتوريا
تلقى الاعلان بصفحة 55 بجريدة عكاظ (ملحق المحليات)
عدد اليوم السبت 3/9/1428هـ وراح اشوفهم اليوم بنفسي واسأل وارد عليك ان شاء الله

متصفح @user_55530 صاحب الموضوع · 15-09-2007

ألف شكر يا غالي .. الله يبيض وجهك ماقصرت .. وياليتك طولت بعد ..
وأنا بانتظارك بعد ما تطلع على الأسعار الجديدة ..
ياليت إذا تقدر تحدد لي الستاندر متى بينزل لـ 75000
لأني والله مستعجل على السيارة ..
ولو اشتريتها بـ 85000 هل أقدر أسترجع ؟!!..
وبالأقساط كم ممكن توصل الأسعار إذا عندك خلفية ؟!!

اتحملنا الله يعينك .. وجزاك الله ألف خير ..

المارودر 2004 @user_47732 · 15-09-2007

هلا وغلا فيك

بالنسبه ل2008 اقريبا بعد شهر او شهرين بالكثير راح يكون متوفر بالاسواق

وسالت موضفين الجزيره قالو راح يكون نفس شكل 2007

والافضل لك تاخذ 2007 لان راح يكون عليها خصم عشان يصرفون السيارات الباقيه من الوكاله ويحطون بدالها 2008

وبالنسبه ان السياره تتكسر كلام ليس له اساس من الصحه

الكراون فكتوريا مشهوره بالقوه والكرف والتحمل وتعيش عمر طولي طبعا مع المحافظه عليها
ومع الخطوط السياره مناااسبه جدا للسفريات وممتاااااازه

طبعا 2007 شكلها الخارجي سبورت
والانواع الموجوده بالوكاله

الستاندر ويكون المكيف يدوي والمقاعد قماش طبعا الجنوط جنوط سبورت وشكلها الخارجي شكل سبورت وسعرها ب 84.000

2 الستاندر المطور وهو نفس الستاندر العادي جنوط سبورت والمقاعد قماش والمكيف يدوي لكن يوجد جناح بالشنطه
وسعرها ب 95.000

3 الفل الكامل LX الجنوط سبورت والمقاعد جلد والتحكم بالمقاعد كهرب (ازارير) والمكيف لمس
وسعرها ب 103.000

4 الفل الكامل S طبعا القير ارضي والمقاعد جلد وتحكم المقاعد بالازارير والمكيف لمس وفتحه في السقف
طبعا جناح وجنوط سبورت
وسعرها ب 116.000

وهذي الاسعار قبل 3 اسابيع تقريبا

وان شاء الله بكره اسألك وارد عليك

واعتقد ان الفل الكامل CRWON VICTORIA S
يمكن يكون نفذت الكميه

واسعارها عن قريب راح تنزل ويصير الستاندر بدل 84.000 راح يصير 75.000
وقس عليها باقي الفئات

و2008 على الابواب وراح ينزلون الخصم على موديلات 2007

والمعذره على الاطاله