السلام عليكم ورحمة الله وبركاته
بدايةً أحب أشكر كل من دعمني لشراء السيارة ابتداءً من الوالدين الله يحفظهما يا رب
وثانياً الأخ "الظلام" الرجل الخفي في المنتدى والذي يحب أن يدعم ويساعد الجميع من كل قلب ..
وهو الذي ساعدني في اختياري للسيارة بعد معاناة في الاختيار...
...ولكل من قدم لي النصيحة...
ألف ألف ألف ألف شكر للجميع وخاصة إللي ردوا على مواضيعي وساعدوني في اختياري للسيارة المناسبة
...والآن ندخل في صلب الموضوع...
----------------------------------
طبعاً السيارة هي: سوبارو – ليجاسي موديل 2007
4 سلندر – فل كامل... (جلد، فتحه، أوتوماتيكي...)
أول لمحه لي للسيارة بديت أتفحصها وأرى تفاصيلها الرائعة.. فحت الباب وقرأت دعــــاء ركوب السيارة
ومن ثم قمت بتشغيلها وبدأت أتعرف عليها.. عن قرب
وبدأت بإكتشاف كيفية تشغيل الأنوار المسجل التحكم بالمكيف (مع إني ماشغلتها إلا بعد ما مشيت 900 كلم)
ولكن السيارة كانت فوق المتوقع من ناحية قيادتها....
جدا رائعة أحس إني قوي وكأني راكب فيراري |6| >>> قويه صح...
بديت أدرب السيارة بحيث أن السرعة لا تتعدى الـ 80 كلم/س حتى أكملت الـ 500 كلم
وبعد كذا صرت أوصلها للـ 110 لا أكثر حتى وصلت الـ1200 كلم
الآن سرعتي في السواقة صارت توصل للـ 140 إلى 150 كلم/س ليس أكثر..((هذا وأنا أخاف من السرعة)) هههههه
طبعا وصلت إلى اليوم تقريباً... 8600 كلم (( والله من الكرف ))
عموما راح تشوفون صور سيارتي بعد ما أجيب على بعض الأسئلة إلى طرحها علي الأخ
DaRk MaN999
الصور مأخوذة قبل 3 أو 4 أشهر تقريباً ولكنها مضلمه شويه
ممكن ما تكون واضحة
>>>>>> ما يعرف يصور بس يستحي يقولها....هههههه
نترككم الآن مع بعض المعلومات إللي إنشاء الله تفيدكم
وإذا كان عندكم أسأله فأنا حاضر وفي الخدمة
=========================================
1/ أول شي وش نوع البنزين اللي تستخدمه؟؟؟
نوع البنزين ... أوكتين 95
=========================================
2/ كيف صرفيتها للبنزين؟؟
في الأسبوع بمعدل مرتين... كل مره من 15 إلى 20 ريال
لأني ما أخلي امبير البنزين ينزل تحت النص
ولكن إذا كنت شخص دعيس وراعي دوران راح تعبي من 3 إلى 4 مرات في الأسبوع
وإذا نزل تحت النص أعبي تقريبا (( بــ 23 ريال ))
=========================================
3/ رحابه السياره (( المقاعد الخلفيه ))؟
ماراح أقول إنها واسعه وتعتقدون إنها مثل الكامري
ولكن راح أقول إنها مناسبه جدا وأنا أكثر من مره ركبوا معي الأهل
يعني السياره تتسع لـ 5 إلى 6 أشخاص بالكثير
=========================================
4/ رساوة السياره (( ثباتها في الخط ))؟؟
بصراحه أنا ما أسرع فيها سرعه جنونيه ولكن مشيت فيها
140 والسياره ما شاء الله حلوه وراسيه (( زي العسل ))
=========================================
5/ تاثير المطبات عليها؟؟
بصراحه أنا مافهمت مضمون السؤال بالضبط....
ولكن إذا كنت تقصد القساوه... في مش زي الكراون فيكتوريا
ولكنها أحسن من اللومينا... يعني حلوووه
ولا في أصوات الحمدلله...
=========================================
6/ المسجل والسماعات (( تقييمها ))؟
راح أقيمها لك من 10.... OK
....وتخمين من عندي....
أعطيها 7 من 10.... ومو معناها إنها سيئه
لا بالعكس أنا عاجبتني مرررررهـ
ولكن أعطيتها 7 من 10 لأنها ليست قويه مررررهـ من ناحية الصوتيات مثل الأمريكي.. بس .....
=========================================
7/ المقاعد وراحتها ؟؟
إللي عندي فل كامل... جلد... بس ممتازه ومرتاح
أحيانا أحس إن المقاعد تبرد بشكل بسيط إذا شغلت المكيف... عشان
المسامات إللي فيها..
يعني بالنسبه لي حلوه ومافيها عيب
=========================================
8/نظام التاجير حقها ؟؟
ماني عارف طريقتهم بالضبط لأني أخذت قرض من البنك وزودت
على مبلغ كان عندي ودفعت قيمتها...
=========================================
9/ عدادها ليزر والا ؟؟
[quote]
من موضوع الأخ الظلام"مقارنه بين الليجاسي والأكورد 2007 -- 4 سلندر"
أنوار طبلون عاديه ورياضية تتحرك أثناء بدا التشغيل لتعطي مظهر هجومي (( جداً رائعة ))
[/quote]
=========================================
10/ هل فيها تحكم بالمسجل من الطاره ؟
الأربعه سلندر... لا ما فيها
ولكن فيها مثبت السرعة (( استخدمتها أكثر من مره ))
ولكن الـ 6 سلندر فيها ما شاء الله كل شي
((( ونصيحتي للوكالة ان يكون فيها التحكم بالمسجل على الأقل الفل كامل 4 سلندر )))
والله مطلوبه
=========================================
11/ قطع الغياااار؟؟
والله قطعها أنا إلى الآن والحمدلله ما أضطريت لها
وإن شاء الله ما راح أضطر لها إلا بعد 7 سنوات باستثناء الفحمات والزيوت
على فكره ... بالنسبة لقطع الغيار
هذا الموضوع للأخ الظلام إللي له الفضل بعد الله في اختياري للسيارة الليجاسي
(( [COLOR=#04397d]مقارنة أسعار قطع الغيار سوبارو ليجاسي وهوندا أكورد الكل 2006[/COLOR] ))
...راح تستفيد منها بشكل كبيييييييييييير....
وهذا الموضوع آخر للأخ الظلام
(( [COLOR=#04397d]مقارنة مفصلة بين الليجاسي و الأكورد الجزء الثالث 2007 [/COLOR]))
=========================================
=========================================
....ونصيحتي لكم روحوا شوفوها على الطبيعة وجربوها بنفسكم....
** على الطبيعة مو مثل الصور والله [COLOR=#195689]**[/COLOR]
=========================================
في الطبيعة أول ما تشوفها راح تحس بشعور غريب وحلو(( رومانسي الأخ )) خخخخخخ
ولكن عندما تقودها تحس انك في عالم آخر ((وصف يفوق الخيال))
=========================================
قبل الختام هذه بعض الصور إللي وعدتكم بها... ولكن إن شاء الله راح أحاول أصورها بكاميرا ديجيتال
لأني صورتها بالجوال
ونتتركم مع الصور
والسلام عليكم ورحمة الله وبركاته
|3|
