بصراحة فيه أشياء تخليني أفضل اللاند على اليوكون وأشياء أخرى أفضل اليوكون عن اللاند
عموما من البداية التصويت لليوكون الدينالي
وش الي يميز اللاند عن اليوكون الدينالي:
1- قدرة التحمل العجيبة والمعروفة في تويوتا بشكل عام.
2- يتميز بأنه ممتاز جدا في الطرق الوعرة وهو مخصص لذلك.
3- يوجد به هيدروليك وثلاجة وديفلوك وهذي مهي متوفرة ابدا في اليوكون كما يتوفر شاشة ملاحة.
4- زينون والطبلون ليزر.
وش الي يميز اليوكون الدينالي:
1- القوة الجامحة في محركه العملاق! كما يتميز أيضا بقلة الأستهلاك!!! نظام الياباني صراحة مافيه أقتصاد أبدا مقارنة بالامريكي الي يشغل نصف عدد السلندر وأيضا قير تيبترونيك 6 سرعات |6| .
2- يتميز بالراحة العجيبة فيه وبصراحة فيه راحة قد بعض الأحيان ما تحصلها بالجيوب الألمانية! لأن معروف مراتب الجيوب الأمريكية لينة جدا والي تخلي الظهر يرتاح راحة عالية فيها وما ننسى فيها ميزة التسخين.
3- السعر السيارة معقول جدا على المواصفات والقوة الي فيها.
4- يوجد بها أنظمة أمان عالية مثل نظام التراكشن كنترول ونظام الفرامل المطور من شركة بوش الألمانية وماخذ 5 نجوم سلامة مقابل اللاندكروزر ولا نجمة! :confused: لا أقصد حقا أنه ماخذ صدق ولا نجمة لكن كل المواقع الرسمية للسلامة التصادم ما لقيت ولا واحدة مختبرة تصادم اللاندكروزر! على أن الشكل تغير ولا بعد أختبر؟ يعني الأمر فيه شيء! ولا ننسى نظام Stability الموجود في اليوكون على فكرة اليوكون فيه أيرباقات 6 تقريبا بينما اللاند حسب ما أعرف 2!
5- يجي نوع جنوط 20 وشاشة نافيقيشن مع كاميرا خلفية وغير كذا فيه شاشة معلومات باللغة العربية ومقياس ضغط كفرات وهذي يحلم بها اللاند.
6- فيه ميزة طي المقاعد الصف الثاني آليا.
7- نظام الدفع الرباعي المستمر في الدينالي يعتبر أرسى بكثير من الفيكسار.
وبعدين ترى أسم اليوكون الدينالي كذا YUKON DENALI مو كذا Yokun Dinyali :D
أخوك أبـــــــــــــوأســـــــــــــــد|3|
أخوي أبو أسد أنت قلت اللي يميز الاند عن الدينالي شاشة ملاحه
ولما قلت مايميز الدينالي عن الاند شاشة ملاحه لحست مخي بس مو مشكله
على طاري انوار زينون ... فأعتقد ان هاذي سلبيه او اجابيه بالنسبه للدينالي
فنقدر نركب زينون على الدينالي
لاكن طابلون ليز حق الفي اكس ار
هذا مو طابلونه طابلون لكزس من تلفيق وكلاء أهل الخليج وحتى الاكسسوارات اللي عليه
تلفيق ضرب تلفيق يعني طابلونه الفي اكس ار الحقيقي عادي جدا
يعني لو نبي نلفق للدينالي لفقنا طابلون الاسكاليد بما أنه ليزر ... ولااااا :D
وحبيت أقول أني الدينالي في ثمان أرباق مو سته وعليك الحسبه:rolleyes:
والدينالي يتميز بالدواسات الكهربائيه و ماسحات للزجاج الأمامي تعمل بحركة متقطعة
ومتحسسة للمطر << شغل حساسات:)
واللي يتميز فيه الدينالي وعن اليوكون اس ال تي
انه يوجد فيه تجهيزات العزل الصوتي لاكتمال الراحه فيه
لاكن ينقص الدينالي الان الهيدروليك والثلاثه وبكذا يطلع بطل
وودي يخلون اليوكون دينالي مثل السييرا دينالي
يعني تبي بدبل او بدون دبل ويشيلون خاصية انظام الدفع الرباعي الذكي ويفرونه بالدبل
مثل اليوكون العادي
علشان يورينا شطارته بالطعوس :D
بالاخير
اليووكون دينالي يتميز عن الاندكروزر في اكس ار بنقاط كثيره
والله ولي التوفيق
