تـفـتـفة في القراند ماركيز هل من منقذ

الغالي مشكله الفورد كلها نفس المكينه الكراون والمركوري والدليل شوف العلامه على قطع المركوري المهم المكينه ومكان البواجي افقيه يعنى مستويه اذا وصلها ماء بعد الغسيل تجيلك التفتفه لان الكهرباء تتقطع


الحل افتح الكويلات ونظف مكانها بهواء والبوجي مركب
الكويل بيدك شيل الجلد السوداء اللى تخش على البوجي وتحصل تحتها سبرنق يوصل الكهرباء نظفه بمنظف توصيل كهرباء electrical conductor cleaner رجع الجلد ورجع الكويلات وان شاء الله تمام
ومع ذلك غير صفايه البنزين كلها ب15 مدري 20 ريال وتحصل مكانها تحت الباب الراكب على الشاصي

ونصيحه اذا غسلت ثاني مرة على طوول نظف مكان البواجي بهواء قوي او لا تغسل المكينه يكفيها هواء

بعدين الاشارة البرتقاليه حقت الانزلاق علشان السياره تتفته فيها حركه (رجه)الحساس يقراها انزلاق يقوم يشتغل وتطفى علشانها تبي تمنع الانزلاق


ولك خالص الشكر

اي خدمه على الخاص

يا خوي سارتلي نفس الحركه صدقني سويت مثلك واكثر فالاخير طلعت من ضغط هوا المكينه شيك عليه وادعيلي

تشكروا جميعا على تعاونكم

تم الرد عليك من خلال هذا الموضوع http://www.assayyarat.com/forums/showthread.php?t=113408

نبغى رد منك يا فني السيارات تبرد قلبنا

تشكروا ياجماعة الخير لكن أنا سويت فحص كمبيوتر وغسلت البخاخات وغيرت بواجي وغير الكويلات الخربان وتأكدت من سلامة فلتر البنزين ، لكن مازالت المشكلة وهي ( السيارة لمن تزيد التفتفتة فيها تسوي حركة غريبة وهي أنها تسوي تفة قوية و أثناء التفة تولع لمبة الحرارة الحمراء وتنطفي و بعدها تشتغل لمبة الـ TRAK CNTL البرتقالية ) ولكم جزيل الشكر

اخوي العميداوي اكبر غلط انك تغسل السياره بستم او بالاخص المكينه لانه حساسه تجاه المويه وراح تسويلك مشاكل كثيره خذها قاعده لا تغسل المكينه مويه وخاصه للفورد
صارت لي هالمشكله لما وديت السياره للتلميع قالو لي بعد يومين تعال استلمها وقفت السياره عندهم ومشيت وقبل ما امشي كلمت المسؤل بالتلميع قلت له لا تغسل المكينه قال اوكي مشيت من عنده وبعد يومين جيت استلمت السياره فل الفل اخذت السياره ومشيت السياره لها قرابه سنتين معاي ولا شفت منها شي وانا ماشي بالخط لا حظت تفتفه بالسياره وولعت علي لمبه تشيك انجن >>وهذي اول مره تولع على هاللمبه طول مده استخدامي لها المهم وقفت على جنب شكيت انه المكينه جايتها مويه بس استبعدت هاالشي لانه موصيهم على هالشي وقلت لا يغسلوها المهم فتحت الكبوت تفا جئت ان المكينه مغسوله من اولها لا اخرها و انقهرت وصكيت الكبوت وقلت انه بمر اي ورشه وبغير البواجي وبروح اتفاهم مع التلميع صار لي مثل ما صار بسيارتك من تفتفه المهم وقفت السياره وكشف عليها واتضع انه 3 من الكويلات ضارب بسبب المويه رحت لقطع الغيار واشتريت 3 كويلات مع البواجي وزدت قهر لما لقيت سعرها غالي لانه هذا شي كان يمكن انك تتفاداه انهم ما يغسلون المكينه المهم رحت وفكلي الكويلات المضروبه ولقيتها فيها مويه وركبلي الجديده وركب البواجي وشيك على السياره ومشيت من عنده ورجعت السياره مثل اول وكل هذا المشاكل بسبه المويه مشكلتك ماتطلع من البواجي والكويلات اتوقع وتأكد من اسلاك البواجي وقولنا وش صار معاك وافحص كمبيوتر لاتخلي هالجزارين يلعبون بسيارتك وبأنتظار وش يصير معاك

يامرااحب يالغاااااالي

كانك حااس فيني اخوووي لا تسوي ولا شئ خلها لحالها انا امس مغسل سيااارتي بستم

طبعا فيكتوريا 94 تشووفها تكتم وتخربط في التبديل وثقيله وتسمع صووت بالماكينه زي الفرقعه

تراهااا عااادي امش عليها لمين ترووح لحالها انا صرت متعود على هالحااال يعني تجلس معااك

يومين ثلاثه بس امكس فيها خطووط وترووح زي السلاام عليكم بس انا وااحد يقوولي الكامبيوتر

حق السيااره يجي عليها مااء ويخربط الكهرباااء

بس انا وجهة نظري يالغااالي في عبله (( قربه)) هوااء هذي تجي يالغااالي في الصداام من تحت

في الزااويه اليمين زي العلبه هذي تكوون رااكبه في المااكينه تشووفها راكبه من الرااس اليمين

هذي اظن ان تجي داخلها مويه وتطول لمين ترووح عشاان كذا تتفتف

بس نصيحه خلها عاااااااادي بس امش فيها صحيح انك بتكرها بس خلها ورااح تدعيلي

ان شااء الله يفيدونك الاخواان

أخوكـ

اخوي افضل شي فحص الكمبيوتر راح يطلع لك شي بدال ما تغير الكويلات كامله وترى سعرها غالي مو رخيص
يعني لو فيه مثل كويل واحد خربان راح يطلع لك بالكميوتر اي واحد وبكذا تشتري بس واحد وتركبه وتنتهي المشكله وحتى لو البخاخات يحتاج لها تنضيف راح يطلع لك
يعني بأختصار الكمبيوتر يطلع لك اي شي خربان بالسياره ويفحص السياره من الصدام للصدام حتى القير والحساسات
وكل هذا بـ 150 ريال بس يا بلاش احسن من الورش الي يخمنون من عقلهم
وعلى قولة المثل إن لقحت ولا ما ضرها الفحل

وشكرا
وعلى فكره قد صارت معاي المشكله هذي قبل 6 شهور ووديتها لأكثر من ورشه الي يقول بواجي والي يقول اسلاك والي يقول بخاخات و و
لكن ما اقتنعت وقلت مالي إلا الكمبيوتر وفحصتها وطلعت المشكله بعداد الأر بي ام كان نازل شوي ورفعته بـ 10 ريال وقيمة الفحص 150 ريال والحمد لله الحين من 6 شهور والسياره طبيعيه

شكرا لمرورك العطر ، المسألة إذا جات على تغير جميع الكويلات وتنحل المشكلة كان سويناها من زمان لكن المشكلة بعض الأحيان تكون ممكن في كذا حاجة و أصحاب الورش يا فرحتهم لمن يجيهم زبون يغير كل شيئ من جديد