تشديد مروري قوي على الزنون

بصراحة والله جزاهم الله خير الجزاء وهدى الله الشباب اللي مركبينه على الواطي...

بصراحه انا مع القرار هذا جملة وتفصيلاً....

الزنون الي ياذي العين ممنوع غير كذا كل شيئ ماشي

ممنوع على الشباب المهبل يؤذون الناس ولكن على الوكالة وغير الوكالة مايشيلون الزينون

لامانع لدي من تطبيق القرار ؟؟إذا كان زينون السيارة من النوع المؤذي للآخرين وهذا غالبا ما يكون في انواع الزينون العادية والتي يتم تركيبها لل؟؟؟؟ الي تشوفه يكشح بالنور حتى وهو نايم يتحلم من كثر ما يكشح بالنور...

أنا عندي بسيارتي زينون وكالة طبعا المهم النور أانا عن نفس احسه واطي مرره ولا فيه اي تحكم عشان ارفع عليه فسألت الوكالة قالي لانه زينوزن فيتم ضبطه اوتوماتيك اوتو ... يعني لما يكون معاك ركاب وتنزل السيارة من ورى النوار راح ينزل مستواه عشان يحافظ على نفس مجال الرؤيا ولا يؤذي الآخرين.. ولو تلاحظون أغلب الزينون الوكالة يكون جهة اليسار نازل عن مستوى جهة اليمين كي لا تزعج السائق في المسار الماقبل لسيارتك؟؟

لاكن خذ قاعدة عامة أغلب العسكر مع إحترامي للغالبية المتحرمة منهم يحب يآخذ الأمور بسلطة أكثر من ما هي قانوية يعني ممكن تلاكيه مركب زينون وغاث الناس وفي نفس الوقت كل ما شاف واحد عطاه مخالفة؟؟؟؟
لاكن المفروض القانون يكون واضح للجميع ومعلن للجميع في النت مثلا!!! عشان ما يكون لي عذر لو خالفت ولا يكون لهم عذر إذا بيتبلى علي...
أتمنى الجهات الرسمية وضع بعض الدورات (كيفية التعامل مع الآخرين) بالذات لموضفين القطاع العسكري ...

بس الحركة حلووووووة ... ( للاستعمال الخيري فقط ) :D

والله اتمنى يمنعون الزنون
( التقليد ) لانه صار البعض يستخدمة سلاح
ضد السواقين من اصحاب السيارات
----------------------------------------------
تصورو ياشباب اني حصلت جيب مركب زنون في مكان لمبات الريوس:)
حتى اذا جاه واحد من هذوله المتطفلين شغل الزنون الخلفي:D

انا مع هذا القرار 100%

انا من الناس اللي بطلت اركب زينون بسبب اني حسيت اني راح انتمي لهذه الفئة

و حسيت ان الموضوع ما صار هدفه اضاءة افضل للطريق بل تكشيح للسيارات اللي قدام ( عشان توخر بسرعة )

ما اقول غير حسبي الله عليكم و على اللي اشترالكم سيارة و انتوا في هذا العمر

هم العساكر على حسب المزاج ,,,,,,,,,,,ولا تطيح في عسكري لحجي والله لاتفك الزنون من فوق خشمك حتى لو اهلك معك............................. والله الموفق

يارجال يالييتهم يمنعون اي واحد يركب زينون الازرق صراحه عفس عيونه

القرار ماجا عبث
يكفيك انه يعمي اللي قدامه واللي يقهر لما تتلاقى معه يكبس ليه ماتدري هل يعلمك انه مركب زينون
الله يسمح دروب الفورد العالم مرتاحه مني دايم ماشي على انوار السكن
بل فترة ركبت الزينون وبعدين فكرت ايش الفايده منه دام اني مسكن 24 ساعه فكيته وركبت محله الكوري ولا استخدمه احس اني ماعندي انوار

هلا اخوي الزينون اذا كان وكالة مو ممنوع والسبب انه يكون ازرق على ابيض ثلجي اما الممنوع هو الي يكون ازرررررق ويعمي العين بس بعض العسكر حتى اذا كان وكاله مسوي يحقط ذاك اليوم ماخذ سيارت خويي مرسيدس 98 S600 وقفني المرور يقول مركب زينون :eek: :eek: قلت مرسيدس افخم نوووع اكيد بيكوون زينون :mad: :mad: وشكراً

ياابن الحلال انا بالشرقيه دايم بالاحساء والدمام

وسفر بالليل ومشغل الزنون بالعالي والواطي ولا فيه احد وقفني

صار لي اكثر من 3 سنوات مركبه

ولا فيه احد وقفني علي ولله الحمد

ترا بعضهم بمزاجهم

حتى على التضليل ولا النور العالي

يارجال بعضهم لا شافوك تدور العصر برمضان يوقفك يقولك وش تسوي ؟؟

وش دخلك انت !!!!!!!!! وبعطون مخالفه تجول !! والله مصخره

وبعضهم تمشي 180 ويمشيك لا مخالفه ولا شي << حبيب الرجال ليت الدوريات كلها مثله :D

يعني اشوف ان الموضوع مزاجي وبعدين حسب تعاملك مع راعي الدوريه لاثقلت دم عليه استقعد

يعني اعرف واحد بالتفقتيش بالعليا وقفوا عند التفتيش مدري وش سوا ثقل دم عليه يعطيه مخاله انه خوييه اللي جنبه ماربط الحزام !!!!!!!

يعني الموضوع يبي له تمشيك حالك بكلمتين وتضحط بخشته 24 ساعه ليه مايفلها معك بعدين يمشيك هههههه << وصفه مجربه ;)

ويعني كلها اولاواخيرا احترام لراعي الدوريه واذا احترمته قابلك باحترام
بس اللي مو مالي عينه بيعرف شلون يملى عينك يكم مخالفه من اللي يحبها قلبك

فقط الي يعمي العين في الباقي مالهم شغل فيه

سلام عليكم
والله حسب ما سمعت وحسب اللي اشوفه انه يوقفك ويقولك يا انك تفكه الحين ولا الحجز (هذا الكلام في نقاط التفتيش)
هذا الكلام عندنا بلقصيم
..........

قرار في محله الله يوفق من جاب هذا القرار فكنا من اصحاب الكامريات وغثائهم نظري راح وطي من الزينون الي يركبون

الله يسقي ايام اول ماكان تشوف الزينون الا على السيارات الفخمة شد بلد يعني من يوم تشوف السيارة من بعيد تعرف انها يا بي ام او مرسيدس او لكزس
اما الحين صار من هب ودب يركب زينون

بالعكس اصلا الزينون يساعد اكثر على الرؤية
بس الممنوع هو اللي يجهر العين

والظالهر العسكري اللي وقفك مايعرف كوعه من بوعه

موفق ان شاء الله