أحلى هدية للمنتدى! وحصريا في المنتدى قبل المنتديات الأخرى صور اكورد 2008 من البحرين

بتنزل عندنا في البحرين بداية شهر نوفمبر يعني بعد اسبوع بالضبط راح يكون التدشين والسيارة وصلت للمستودعات وراحت تكون الاربعة سلندر فقط حاليا.. والستة سلندر بتجي نهاية السنة.

السيارة فيها شاشة معلومات فقط وليست شاشة ملونة للملاحة... هذا ما رأيته.. هل ستتوفر شاشة الملاحة ام لا في الستة سلندر لحد الأن غير معلوم

ان شاء الله ابشرو بموضوع كامل عن حفل التدشين

ألف شكر على الصور.

الله لا يهينك متى بتنزل بالظبط يعني بعد كم يوم

وسعرها كم تكفى حاول ضرورورورورورري لاني محتار استناها ولا اخذ التيما

وفيها شاشه والا لا

في المرتبه الاولى بالجوده صحيح هي الاكورد بالنسبه لموديلات 2008

بس الفرق بين جودة الالتيما والاكورد بسيط جداً

حيث حصدت الاكورد 12.5/15

وحصدت الالتيما 12/15

وحصدت الكامري 11/15

اما الليجاسي فقد حصدت مثل ماحصدت الكامري 11/15 فليست افضل جوده من الالتيما الجديده

حسب دراسة اكبر منظمه لتقييم الجوده J.D POWER

فالفارق طفيطف جداً بين السيارتين وهي نصف درجه

ولاننسى ان الالتيما حازت جائزه افضل سيارة في فئتها من نفس المنظمه وكذلك جائزة أوتوباسيفيك 2007 لرضى العملاء

تصميم احلى من السابق والوجهيه اكثر من رووعه
تسلم يمناك مبدعنا
ولاتحرمنا من جديدك

مشكور اخوي على الصور الرائعه ولكن هل عندك خبر انها بتجي بشاشه ملاحه ولا لا

اسمحو لي بغيت اصغرها بس ما قدرت.

وبالسنبة للأخوان الي يتحدثون عن ارتفاع سعر الاكورد كعيب.. ملاحظ ايضا الارتفاع الكبير في سعر الالتيما.. وارتفاع السعر غير المبرر للكامري..

شكرا على مرورك اخوي نيساني

يعتمد من بلد لبلد.. عندنا في البحرين الاكورد ذات شعبية كبيرة ومنتشرة بقوة.. والالتيما انتشارها اقل وشركات تأجير السيارات سبب كبير في انتشار الألتيما

عموما في مقارنة الجودة تعتبر الاكورد الأرقى والأكثر جودة من الكامري والألتيما وتتنافس مع السبارو لجاسي كمنافس رئيسي في الجودة العالية

مشكور اخوي الله يعيطك العافية على الصور

لاكن لو كانت الصور اصغر

مشكور يا اخوي على مرورك

والله يا اخوي يفداك الكذب نسيت افحصه.. بس متأكد انها صناعة يابانية لانه نفس الاشاعة على الاكورد السابق انه صناعة امريكية وبعدين اتضح انه ياباني.. واشاعة طلعت على الكورولا 2008 انها صناعة تركية او المانية ( اوروبية ) وسألت موظف المبيعات عند التويوتا وقالي لا الصناعة يابانية 100%

بعيد في احد الاعضاء حاط في توقيعه Honda Inspire 2008 واهي نفسها الهوندا اكورد الي نزلت في امريكا والي نزلت عندنا في الخليج بس تختلف التسمية الي مخصصة للسوق اليابانية فقط لانه اليابان تنزل عندهم الاكورد الأوروبية.

تصميم رائع جدا ومجلفن ..

وتشعر انها سياره اوروبيه ..

فعلا الاكورد الجديده ممتازه جدا .. لكن مايعيبها ارتفاع سعرها ..


ونتمى يااخوه عدم الخروج من الموضوع والتركيز على الاكورد لكي لايتشعب ..

كلام غير دقيق
احد الاصدقاء قبل كم يوم شاري التيما - يقول ان معظم الالوان نفذت وهو اخذ اسود وكانت الاخيره

والالتيما تواجدها عندنا اكثر من الاكورد ويومياً اشوف اعداد ممتازه بقراطيسها (توها طالعه من الوكاله)

عندما كنت في زياره للسعوديه قبل خمسة ايام زرت وكالة الجبر بالخبر وعاينت الالتيما الجديده

يقولي الموظف السياره نازله قبل العيد بيوم وللحين لم يبدأ بيعها وحتى البروشرات للحين مانزلت عندهم

ومنذ الآن اقول ان تصميم الالتيما الجديده افضل من الاكورد والمواصفات اكثر بفارق كما هو واضح من صورك والرفاهيه اكبر

الالتيما الجديده فخمه جداً من الداخل والخارج

ألف شكر لك على الصور

بصراحة سيارة اكثر من رائعة لكن الله يستر من ارتفاع السعر

عموماً مشكور ويعطيك الف عافية

صراحه شكلها ماعجبني ما ادري ليش؟

يعطيك العافيه اخوي

بس هل تأكدت بنفسك من الستكر اللي على الباب ان الصناعه يبانيه ؟

لانه طلع كلام ان التجميع بيكون في تايلند !!

مشكورين يا اخوان على الردود

أخوي MrBHR
ما جفت الاسود.. والتدشين بداية الشهر وان شاء الله كل الألوان معروضة

الأخ الامن العام
تصميم حلو جدا وأحلى من الكامري بمراحل.. اذا تسمي الاكورد قبيحة عيل وش تسمي الكامري؟
وفي النهاية الناس اذواق

الأخر مستربيل
الألتيما صناعة امريكية والأكورد صناعة يابانية.. وبعدين تصميم الألتيما رياضي يختلف عن تصميم الاكورد من الداخل الي يميل إلى الرقي والرفاهية اكثر من التصميم الرياضية

واخوي مورانو.
رووح شوووف ستوكات الاكورد وستوكات الألتيما وشوف من الي ماشي اكثر.. الوكيل الي عندنا في البحرين متمشكل مع 2007 مب عارف اشلون يصرفهم عامل عليهم عرض خاص ومب راضي ينزل الموديل الجديدة الا لين يصرف الي عنده.. والاكورد خلصت من المستودعات من اقل من شهر ولا يزال عليها طلب عااالي جدا.. وان شاء الله الطلب على الموديل الجديد يزيد

خلفيتها تذكريني بستي

لا كن المقدمه الوجه رااائع

بس ليست احلى من الاتيما الاتيما تسيطر على السوق

بالعكس بصراحه الشكل الجديد احلى من اللي قبل ولو ان اللي قبله كان جميل ولكن هذا اجمل ومن الطبيعي ان الناس اول ماتتغير السيارة يقولون الكلام هذا مثل الاكورد 2003 اول مانزلت انا اول واحد توقعت انها راح تفشل واللي حصل عكس ذلك تماما وعالعموم الله يعطيك الف عافيه على الموضوع الشيق والف شكر على الجهذ المبذول|1|