السلام عليكم ورحمة الله وبركاته
اخواني الاعزاء
انا سيارتي فورد قراند ماركيز 98 امريكي.. توني شاريه:confused: من شهر
صارت لي سالفه معا احد الورش اليوم ابقولها لكم وياليت القا عندكم نصائح تفيدني وتفيد غيري من اصحاب الفورد
مع العلم انكم راح تستفيدون من اللي صار لي
البدايه
طلع قبل يومين عندي صوت لما اشغل المكينه يطلع معا اول تشغيله للسياره باليوم ولا تطلع الا اذا وقفت كثير.
بعدها بيومين اللي هو البارح لما اشغل السياره يكون صوتها عالي قلت يمكن بارده شوي خليتها عشان تبرد لكن مافيه فايده طولت المهم مشيت عليها ورحت مشوار وجعت ونفس الصوت ما تغير
صوت السياره عالي كأنك ضاغط على البنزين طفيت السياره ..
واليوم لما شغلت السياره ما طلع الصوت الا لما مشيت شوي على السياره وابتدت الحراره ترتفع
الين وصلت الفل وقفت السياره على طول حتى نزلت الحراره
ونزلت لقيت الرديتر يهرب مويه
على طول وديتها للورشه وهنا بدت ام المشاكل
طبعا معروف الحراره من وين اكيد من الرديتر
والصوت الاولاني اللي يطلع اول ما اشغلها قالو من الشداد والمكرات
باقي صوت السياره العالي من وين وش مشكلته .
طبعا رحت لفني يمني الجنسيه مافي راسه طبعا وهذي ماعرفتها الا بعدين (بعد ما رحت للشرطه)|1|
قال مشكلة الصوت العالي من علب الشكمان اللي هي تجي ورا المكينه على طول في بداية الشكمان من عند المكينه اللي وظيفتها تخفف الحراره على المكينه على قولته وطبعا تختلف من الامريكي للسعودي .. السعودي ب 120 والامريكي الواحد ب3300
المهم اني اتفقت مع الاخ على تغيير الرديتر لان الاول خربان مره وتغيير الشداد حق السير مع المكرات مكرتين وما اتفقنا على تغيير علب الشكمان .
قلت اول بشوف كيف اسعارهم.
المهم رحت وجبت رديتر مو بأصلي جبت واحد يقولون كندي بس كويس سعره 340 ريال (وش رايكم فيه)
وجبت شداد السير معا مكرتين ب 200 ريال
ورجعت لقيت الاخ قاص علب الشكمان الثنتين وحاطهم على جنب
انا شفته انهبلت لأني لقيت الثنتين بالوكاله ب6800 ريال|5|
قلت له يالله رجعهم مكانهم وبدا يلحم المهم انه خرب الشكمان من تحت وراح الشكمان كله لحام وشال وصلات الشكمان اللي فيها مسامير وحط بدالهم وصلات من عنده انا بصراحه لما شفت هالتلفيق مسكته وقلت له وقف لا تسوي شي لين اجيب الشرطه معا وصول شباب في نفس الوقت وبدو يهاوشونه وقتها تحمست اجيب الشرطه وحمسوني الشباب وقتها انحاش اليمني ولا ادري وين اختفى
رحت للشرطه قالو تعال السبت ورحنا فيها طويله معاهم ...
المهم ياشباب والله واصله معي الف
مدري وش اسوي
الانذار والريموت خربوهم.
الشكمان وخربو امه .
والسياره خليتها عندهم قلت ما راح اشيلها لين تجي الشرطه السبت تشوفها.
وش الحل تكفون افيدوني معا مشكلة الشكمان
اسف طولت عليكم
لكن القهر
دمتم بود
