والله ياخي تتعب لين تلاقي واحد فيها المواصفات الي تبيها
انا دورت مثلك مالقيت والأجهزة اللي بحثت عنها هي بايونير + كينوود + جي في سي
كل واحد ألاقي فيه ميزة مهي موجودة في الأخر لا والأسعار فوق مرة
والمواصفات اللي بحث عنها هي :
1- أنه يشغل جميع انواع السيديات (أساسي)
2- يشغل خاصية الـ (Divx) (أساسي)
3- يشغل الـ MP3 و MPG4 (أساسي)
4- في نظام الملاحة (GPS) (أختياري)
5- شاشة لمس (أساسي)
6- في كاميرا خلفية (أختياري)
7- مقاس الشاشة 7 انش (أساسي)
8- فيه مداخل USB و SD (أساسي) على أساس لو خرب السيدي عندك خيار أخر.
9- بالأمكان يتركب عليه جهاز يشيل 10 دسكات (أختياري)
10- مدى تحمل الجهاز للحرارة (أساسي) يعني في الصيف الله لا يوريك
وأعني بالاساسي أن يجب أن يكون في الجهاز اللي أبحث عنه وأختياري إذا فيه وإلا مو مشكلة.
طبعا الأجهزة المذكورة اللي بحثت فيها عن طريق مواقع مصانعها لا توجد عندنا في السعودية وأنما في اوروبا وأمريكا ولكن تخيل لو أني طلبت مثل هذه المواصفات في واحد منها أقلها ستصل لك هنا بما لا تقل عن حوالي 4500 ريال سعودي
انا اخذت من الصين جهاز وفيه جميع المواصفات اللي ابيها وأكثر بنصف السعر
وأتمنى لك التوفيق
