السلام عليكم ورحمة الله وبركاته
انا من مده ودي اشتري جيب لكن ومحتار بين
[COLOR="DarkOrchid"]( باترول من 2003-2005 مستعمل / باثفاندر من2003-2005 مستعمل / fj كروزر "وكاله" / فورتشنر v6 "وكاله,مستعمل")
طبعا جميعم قير اوتو
وهناك اسباب واجهتني واكيد واجهت الكثير وهي :[/COLOR]
أولا: نبدأ بالباترول /
المستعمل سعره غالي بما اني ابحث عن فل كامل وقليل في معارض الدمام واذا لقيت المواصفات
تلقى الموتر تعبان فيه سمكره او ماشي واجد او فيه خلل او الوجه مرمل و وو....
اعجبني فيه/
خفته , وقوة مكينته نظرا لصغرها v6, وشكله الخارجي, و(الدفرنش الامامي) <<هذا بس يكفي
وسعره معقول مقارنه بالاندكروزر, والديكور الداخلي جميل واضاءة العدادات
ثانيا : الباثفندر/
بصراحه الباثفندر من 2003 -2005 هذا لعبة المعارض وسعره مستعمل غالي لدرجة اني لقيت باث 2005 (قير اوتو بسسس يعني جنوط حديد والمراتب مخمل) بـ 64ألف
بالذمه بالسعر هذا مايجيبلي باترول 2004 سوبر سفاري فل كامل؟؟
لكن هذا حكم القدر ولاحظت هذي الظاهره في كل معارض الدمام تقريبا
اعجبني فيه/
خفيف الوزن , مكينة جباره 291حصان بـ3,5 ليتر , شكله جميل , وأيضا تجارب الاخوان في هذا المنتدى ( وخاصه في قسم التجارب)
ثالثا: fj كروزر /
(بمعارض الدمام 2008 لون اصفر بـ 98ألف)
طبعا هذي السياره أول ماشفتها كرهتها لكن مع الوقت وتجارب الاخوان وارائهم صار عندي فضول ان اعرف عنها كل شي
وصادف ان احد اخوياي اشترى fj فضي وركبتها ودخلت مزاجي لكن عندي ملاحظات
1. قوة المكينه : تستحي انك تقولها
2. عداد السرعه حده 180 بس ؟ على الاقل خلوه 220 (مع اني ماحب السرعه لكن صرنا بالقرن 21 وماتوقعت ان في سياره 2008 سرعتها 180 مع ان حجم المكينه 4,0)
3. شكلها الغريب (مااعتقد ان الشيبان تقبلوه)
أعجبني فيها /
ان السياره ماشاء الله مريحه عالخط والمراتب أيضا ,وفيها تقنيات جميله ,والسياره شبابيه بحت, نظام صوتي لايوصف, نعومه في طمر الارصفه, ارتفاعها عن الارض رااائع, وأفضل الوانها (رأيي) الاسود ثم الابيض ثم الفضي ثم البيج
رابعا : الفوتشنر v6 /
لقيت وحده في معارض الدمام (فورتشنر v6 لون ذهبي قير عادي موديل 2007) بـ76 ألف
اما سعر الوكاله على فوتشنر (v6 , قير اوتو, دفع رباعي , فل كامل) بـ 108 ألف
هذي السياره دخلت مزاجي تدريجيا ومن احد الاسباب ارتفاعها الكبير عن الارض <<هواية طمر أرصفه
لكن مكان المكيف الخلفي اعتقد محله غلط , لكن اشوفها تكثر تدريجيا في الشوارع واكيد الناس مااتفقوا الا على شي زين وأيضا مواضيع (الخل الوفي) عن موتره خلاها تكبر بعيني..
اعجبني فيها /
نعومتها , شكلها الخارجي جميل, قدرة مكينتها اكبر من السياره نسبيا , عدادت السرعه ممتازه من ناحية الشكل الدائري والاضاءه , واهم مااعجبني فيها ارتفاعها
_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_
وأكيد ماراح اوصيكم بارآئكم لأنها تهمني ومانبي تعصب , نبي الحقيقه يعني قول اللي شفته واللي جربته
وشكرا..
اخوكم النيساني
