.:: شاركوني الحيره لإختيار (أفضل الجيوب هذي الأيام)::.

8
8
8

291 حصان قوة مكينة باثفندر الجديد اما من 2003 -2005 اقل

السلام عليكم

مداخله سريعه وعذرا عليها

طبعا الخبره لاهل الخبره لكني كنت ادور جيب وهمني كثير القوه والاداء

والي عرفته ان الباثفايندر قوته 291 حصان اقوى من النيسان باترول سفاري والي قوته 280 حصان!!!

حتى اقوى من الاندكروزر والاف جي والبرادو!!!!!

ما كنت اعرف ان الباثنفايندر قوي الى هذه الدرجه من ناحية الهورس باور!

على كلٍ... ما جربته ولا شريته لكن بحث قبل الشراء بالمقارنات المصنعيه

والله يوفق الجميع ان شاء الله :)

تحياتي

8
8
8
مسألة ان نيسان تتفكك خلاص ارحموا نفسكم من هالاسطوانه المشروخه
الناس اخذت فكره عن موديلات الثمانينات ومسكت عليها
وبعدين هي على حسب الاستعمال...

والله انا اتكلم عن نفسي ... اذا انا راعي هبقات وطلعات وبحر وطين ورمل ... اخذلي الاكستيرا او ال FJ

طبعا تويوتا على عيني بس ايضا الاكستيرا عليه مكينه أكبر من سنه

يمكن يعيب النيسان انه يتفكك وتسمع اصوات غريبه بس بصراحه رائع

مجرد رأي

مشكورين يا اخوان على ردودكم

وانا ان شاء الله الطلعه الجايه راح احضرها لو بسيكل

والاكستيرا بصراحه شكلها ماش مادخل مزاجي

وانا ودي بالجديد لكن المشكله بزران حارتنا والله مايخلونها راح يكسرون اصطباتها عالاقل

صح الكلام
الجديد أفضل بكثير من المستعمل
وبالتوفيق إن شاء الله[/CENTER]

طبعاً الأفضل الأفجي كروزر

لاند 2006 حول 100 الف وين هذا موجود
اتوقع سعره ارفع بواجد

((ليش ما تفكر بالاكستيرا اتوقع انه ازين الخيارات))

نيسان باترول 4800 vtc :)
زميلي مطلعه بـ130 قير عادي 2007 مع تخشيبه ومثبت لكن بدون فتحه ..
سياره لايعلى عليها في البر .. وهي اقوى من الـGX-R :)

السلام عليكم

اقول عجل ترى الطلعة الجاية بتكون ان شاء الله قبل العيد ولازم يكون عندك جيب

لو اختار الوالد لك لاندكروزر راح يكون خيار جيد
بالتوفيق

جزاك الله خير يابو محمد

وانا ميزانيتي على حسب مزاج الوالد

مره يقولي 60 ومره 80 وذاك اليوم لمحلي انه بيشتري لي لاندكروزر 2006 سعره حول 100 ألف

شكل فلوسك حول 100 الف ريال أكثر أو أقل شوي

كلهم ممتازين ,,,,, لكن ليش ما تضيف عليهم البرادو و الباجيرو 2007

ال FG توه جديد و ما ينعرف خيرة من شرة و اذا كنت تشيل أهلك معك ما أنصحك فيه

ياليت توضح ,,, كم فلوسك ؟

الباترول ممتاز جدا و لكن اذا انك عزوبى و لا تشيل اهلك معك بأستمرار ما أنصحك فيه ,,, الباترول ما يصرف بنزين مثل الموديلات القديمه ,, يعني اللى 4800 ما يصرف ابدا من واقع تجربه ,,, انا معك ان المكاين القديمه 4500 تصرف ,,,

على العموم الباترول و الباث و الفرتشنر 100%

الله يوفقك ,,, و يعطيك خيرها و يكفيك شرها


لا تنسى الاستخارة

اخوك ابو محمد

الرياض

مشكورين يااخوان

لكن هناك مشكله ان الجديد الوكاله مع الاستعمال يقل سعره بالسوق

بحسب ان عندنا معرض سيارات فأحس انها تحز بالقلب لو نزل من سعر سيارتي الجديده 20 ألف مثلا في سنه

وانا ولله الحمد ماقد شريت سياره واستعملتها وبعتها بخساره أبد ..
الحمد لله كلهم بمكسب بعد استعمال سنه أو 6 شهور


لكن احيانا تجينا سيارات مستعمله لكن نظييييفه بس سعرها غالي

وفي اصحاب معارض الله يسامحهم يحط المحاسب (زول) مع احترامي لجميع الاخوان السودانيين
بس اذا تنح الصعيدي مايصف جنبه

امس واليوم اتردد على معرض فيه نيسان 2005 أسود (غرااام) سألت الزول كم سعره قالي بـ 120ألف؟؟؟

قلت يمكنه داف كمونيه عالظهر شكله يحسبني اتكلم عن اللاندكروزر

وجيته اليوم وسالته مره ثانيه وقلت له بكم النييييييسان؟
قالي الاسود , قلت ايه

قال هذا بـ 115 ألف موديل 2005 ؟؟ سلااماااااااااااااااااااااااات أجل بالوكاله كم

يعني حتى اليوم داف كمونيه مااعتقد؟؟

شكل الزول يصرفني لأن هذي الحركات نعرفها لكن الشرهه على صاحب المعرض اللي مأمنه على حلاله

أو ان راعي المعرض مريض يحسب الناس عميان ترى في معارض واجد كذا

فكرتك عن الباترول غلط في غلط يا عاشق العباره

وانا راعي سفريات كثيره وأغلبها على الباترول

,,,

وتم التصويت للباترول لانه اقواهم واكشخهم

ولا بعد يلين لك المطب اذا ركبته وانت مسرع هههههه

هو سموه ملك الطعوس لانه يلين لك الطعوس و طمراتها بالاضافه لقوته ورزته

تحياتي

السلام عليكم

حياك الله اخ نيساني وشرائك غير النيسان يعتبر خيانه لاسمك:D

بالنسبة للباث 2003 الى 2005 فالمكينه 3.5 وقوتها 250 حصان فقط في الجير العادي وعزو 31
والتماتيك 240 حصان وعزم 34 وموديل 2003 فيه عيوب مصنعية في حساس الهوى والديكور الداخلي حق ال2004 و2005 افضل وعلى جودة
والسيارة غنيه عن التعريف بحكم تجربتي لاكن لن تجد نظيفة بسهولة وحتى لو وجد فالسعر مرتفع والسيارة لها على الاقل سنتين مستخدمة

الباترول سيارة معروفة ايضاً بمحرك جبار سعة 4.8 لتر بقوة 280 حصان لاكن يعيبها الاستهلاك المرتفع للبنزين بشكل ملحوض وخاصة موديل 2004 وتحت وكذلك الحجم الكبير

ال fj كروزر والفورتنشر يشتركون بنفس المحرك ذ 4 لتر بقوة 240 حصان واستهلاك بنزين معقول ونظام دفع رباعي مستمر وشكل الا اف جي ملفت للنظر بشكل واضح بخلاف الاخر

في الحقيقة لو كنت مكانك لوقعت في حيرة ولاكن الجديد دائماً افضل من ناحية قلة الاعطال ووجود مجال اكبر للاختيار بين الالوان والمواصفات

فخيار راح يكون الا ف جي اذا كنت صاحب عائلة صغيرة او اعزب وكذلك سأضيف خيار اخر وهو الاكستيرا من نيسان فهي ايضاً سيارة منافسة ومحرك جبار سعة 4 لتر بقوة 265 حصان نيساني وتتميز مثب باقي جيوب نيسان بنظام تعليق ودفرنشات خاصة للطرق الوعرة

وانصحك بالاستخارة

بالتوفيق

نصيحة لوجه الله

عليك بالجديد حتى لو كان هيونداي

بالتوفيق

كتبت ثلاث ردود ما ادري وين راحن

عموما اذا تبي تطلع الفورتشنر وكالة فهو الأفضل اما اذا تبي تشري مستعمل فعليك بالباترول السوبر سفاري واتوقع ان سعره ارفع من 64 بكثير(اتوقع النظيف من 80 الى 87 الف على حسب الممشى)

مشكورين يا اخوان على ردودكم


التيما اليتيما / بس المشكله اسعارهم غاليه تقارب سعر الجديد

# OMAR # / ان افكر بالاف جي لكن باقي ماهضمت الشكل

المستعمل بذا الديرة ما ينبغى صراحة ..
رايي لك توكل على الله وطق لك اف جي جديد ..