ما رأيكــــــــم في برنامـــج Top gear ?

صراحة برنامج ارى انه يهتم اكثر الاحيان بالسيارت الاوربية ولاكن برنامج موسلي يجيب مميزات وعيوب السيارة وهذا ما يجعله متفوق على البرامج الاخرى
تقبلو تحياتي *****

Top Gear
كل أربعاء على MBC أكشن الساعة 8 مساءً.
اذا ماني غلطان.

طيب شباب ممكن تقولن لنا اين تعرض هذه الرامج توب قير والففث قير على ايت قنوات والتوقيت

الخاص بالبرنامج ولكم جزيل الشكر

اخوي الغالي مساك الله بالخير

موضوعك جميل ومن ناحيتي الشخصيه اشوف ان البرنامج ناجح ومثل ماقلت صار مشهور اكثر من البرامج الاخرى ومن ناحية مقارنتهم بين السيارات ولو كانت غالية وسعرها يفوق المليون عندهم اسباب تقنعنا بصراحه .. :) ..

وبيني وبينك فيه تجارب حلوه للسيارات ومعلومات تفيد الكثير

الله يعطيك العافيه يامشرفنا العزيز وتم التصويت

اخوك

اكورد 2002

برنامج ناجح بس فيه بعض التحيز والتبهير

وهذا الشي بكل القنوات ..

أنات شفت حلقة الهايلوكس اللي لعبو في حسبته وبعض الحلقات الأخرى واشوف انهم تقييمهم قريب للواقع والدقة بشكل جيد رغم بعض الطلعات اللي مدري وش تبي

بصراحة برنامج قوي جدا وناجح
ويكفي انه يتعامل مع سيارات هااااااااااي جدا :eek:
ويكرفون السيارة ويطلعون مقدرة السيارة
ويسون تجارب لأغلب السيارات

أنا من متابعين البرنامج بشكل شبه منتظم،،، ودايماً اترقب الحلقات الجديدة واتابعها على الإنترنت اول بأول..........

برنامج توب جير يعتبر إمتداد للحياة،،،، والحياة فيها اشياء كثيره ماتعرف إذا كانت باللون الأبيض أو اللون الأسود، يعني رمادية........

وبرنامج توب جير ما يخرج عن واقع الحياة.....

في بريطانيا،،، هناك برنامجين شهيرين للسيارات، الاول هو توب جير والثاني هو ففث جير Fifth gear.

بخصوص توب جير،، فهو برنامج فكاهي ودرامي اكثر من كونه واقعي.... مقدم البرنامج المشهور جيرمي كلاركسون، هو من احد اثرياء انجلترا وعنده تجارته الخاصة. يتمتع هذا الشخص بشخصية قوية فكاهية ساخرة، ودائما ما تلاحظ السخرية والكوميديا في تقراريه عن السيارات....

جيرمي كلاركسون الي هو مقدم البرنامج يعتبر من محبي فيراري والسيارات الإنجليزية، جيرمي كلاركسون دايما ما يركز في برنامجه على الحضارات والتاريخ وبطبيعة الحال في عنصرية من جيرمي كلاركسون ومساعدية. اذا مثلا في سيارة المانية راح تحصل جيرمي كلاركسون من اقسى الناس عليها،،، خصوصا سيارات البورش... لكن لما يتعلق الموضوع بسيارة استون مارتن او جاجور او اي سيارة بريطانية،، فساعتها تقرع الاجراس وتضرب الطبول وتزف السيارة على سجاد من حرير. وحتى في تعليقات عنصرية واضحه لجيرمي كلاركسون اتجاه بعض الشعوب الاخرى،، خصوصا الامريكيين وسياراتهم،، واحيان تجرى مقارنات غير عادلة وغير منطقية وتنفيذ المقارنات احيان يكون غير حقيقي ( تلفيق ).....
اما بخصوص مهارات جيرمي كلاركسون ومساعدية في مجال القيادة،، فتعتبر عادية جداًَ، ولهذا السبب يحتاجون لسائق محترف ( Stig ) حتى يأدي لهم الاوقات والازمنة الرسمية للبرنامج.

اما بخصوص برنامج Fifth Gear فهو برنامج اكثر واقعية واقل دراما من توب جير... مقدمين البرنامج هم في الأصل سائقين سيارات سباق محترفين،، يفهمون في السيارة وكلامهم تقني اكثر.......


اذا حبيت تشوف برنامج واقعي ويتناول المحاور التقنية تابع برنامج Fifth Gear
أما اذا حبيت تشوف برنامج عبط وترزيل فتابع برنامج Top Gear

شخصياَ انا اتابع البرنامجين لكن الاهم اني اكون عارف ايش كل برنامج يقدم لي....

البرنامج حلو و جميل و ماعليه كلام ، يجيب لك تقرير مفصل عن السيارة بالمميزات و أهم العيوب
و أنا بصراحة من أشد المعجبين بالبرنامج.

البرنامج تجاربهم حلوة بصراحه

لكن يعيب عليهم أختيارهم للسيارات

يعني سيارات مو منتشرة بشكل كبير

لو يتكلمون عن سيارات منتشرة أفضل .. وخاصه الاسيويه لانها أكثر السيارات انتشاراً

مع العلم إني ما اتابعه بصراحه بشكل كبير

السلام عليكم





فعلاً عنصر التسليه والتشويق غني فيه ..



فعلاً فليل أهتمامهم في السيارات الآسيويه ككل ..


تحيه طيبه

احسن ميزة في البرنامج المذيع الشايب "منسم" مع انه يبالغ في الوصف بعض الاحيان
ولا ننسى ان لكل واحد وجهة نظر في السيارة يعني ممكن يعطونك انطباع خاطئ
المشكلة انهم مايهتمون بالسيارات اليابانية ( يمكن لأن الرنامج بريطاني)
بشكل عام البرنامج رائع مفيد + مسلي

برنامج مفيد ومسلي

السلام عليكم



فعلاً برنامج متعوب عليه لكن الدعايه والبهرجه والإهتمام والدعم أقوى لتوب قير...


وبالنسبه للمقطع معقوله

155 طن سحبهم الطوارق ؟.؟؟؟

طيب وبالباثفايندر يقدر يسحبها :D

الله يعطيك العافيه للإيضاح وشفت سياره لنيسان صغيره قامت على الفايبر

ما شاء الله

تحيه طيبه

السلام عليكم

برنامج fifth gear من البرامج الممتازة في تجارب السيارات وان جيت للحق فيه حيادية اكثر من الاول وهم من قام بتجربة سحب طائرة الجامبو بواسطة الطوارق ولديهم ايضاً ميزانية ضخمة للسيارات ولاكن لاتصل الى مستوى توب جير

[youtube]TWxMestl824[/youtube]

اعمل بحث في youtube عن البرنامج وسترى مايسرك


بالامس بعد ماكتبت الرد كنت قد انتهيت من تحميل حلقة يوم الاحد الماضي9/12/2007 وشاهدتها وكانت المفاجئة مشاركة مقدمي برنامج توب جير لسباق التحمل 24 ساعة بسيارة بي ام دبلو ديزل والحلقة تستحق المشاهدة
ترقية التحميل تتم عن طريق برامج تحميل التورنتو وهناك بعض المواقع يوجد بها تحميل مباشر للحلقات الجديدة ولاكن قليلة جداً

بالنسبة لبرنامج عربي انا مستعد اشارك في التجارب والتطعيس:D

السلام عليكم


أهلين أخوي صالح

بصراحه أول مره أسمع بـ فيفث قير ..

بس بصراحه كاسحهم توب قير والدليل السمعه الواسعه ...

حتى اللي ما يعرف في السيارات عارف هذا البرنامج ...

لأنه فيه حس مغامره وتشويق ودعابه ...أكثر من غيره ومع أمتزاجه بالموضوع الأصلي وهو السيارات


تحيتي

السلام عليكم

بصراحة ان اعشق هذه البرنامج وقد قمت بتنزيل وماشهدة جميع جلقاتهم تقريباً من عام 2004
يعجبني فيه اسلوب التشوييق والتوع رغم تحيزة الواضح للصناعة الاوربية والكره الواضح للامريكي
وقد تابعت ايضاً برنامج fifth gear ولاكن توب جير في نظري اكثر متعه

السلام عليكم





حلو بس متى يطلع وكيف تنظيمهم هل هوو منافس ...؟؟

وبأي قناه بالضبط

تحيه طيبه

السلام عليكم




ههههههه

مو براضي أقتنع إن فورد تصنع غير موستينق كسياره عريقه ورياضيه ...

لكن أيضاً حقيقتاً هو مُعجب في الموستنق ..

تحيه طيبه