بكل صراحه :: تاهو Z71 & لاندكروزر VX :: موديل 2008

والله التاهو ... من جد ياما تاهو .. سياره 100%

تحياتي

ياشيخ والله قهر على ايش 216 الف !!!!!!!!!!!!!!!!!!!!!!!!!!!!!!!!!

اليوم صارت المقارنه في السعر الفرق كبير جدا بين مواصفات الكروزر وz71 تاهو
انا شخصينا افضل التاهو سعر اقل وقوي ومخصص للطرق الوعره

تعصب غريب وعلى ايش !!

الياباني بياخذ المركز الاولى في العالم في المبيعات وانت تقول هالكلام !!
والاختراعات والتقنيات والجوائز كلها للياباني

التاهو افضل بوجهه نظري ووجه نظر كثير ممن اعرفهم ويملكون اليوكون والتاهو

انا اصوت للتاهو


واقول للي يقول الجموووس تتهربد بشكل عام اقله تعال وشوف جمسنا ماشاء الله اخذينه وكاله 2001 وماشاء الله لحد الان ماشي معانا مافي غير نوديه للصيانه وبس وغير كذا مافي

يعني ماشاء الله بيكمل 7 سنوات وهو ماشاء الله كانه دوبنا اشتريناه واحنا نمسك فيه خطوط

وهذا تصحيح للي يقول انا الجموس تتهربد

ياشيخ لو يجي لاند مواصفات مايباخ والا مسمار تاهو خذت المسمار

ياخي يكفي ان علامه الشفر في الشبك ويكفي انه 8 سلندر صوت يطربك ويكفي ان سعره رهيب ويكفي انه ارحب واوسع واجه شكل ويكفي ويكفي ويكفي الي ماتقصر وانت تقول ويكفي

ملاحظه الاند ياباني يعني احط فلوسي في ياباني والله لو اني منيب صاحي.

لم استطع التعديل على المشاركة ولذلك كتبت رد آخر

للأسف: بصراحة حين قرأت الموضوع من أوله إلى آخره ندمت أني صوت في الموضوع أو وضعت رأيي.. لسبب أن صاحب الموضوع طرح الموضوع ليس للإختيار بل لإثبات أن التاهو أفضل من اللاندكروزر.
بل إنه حين احتمى النقاش وضحت العصبيه في حروفه.. لدرجة أني أحسست أنها دعاية مدفوعة الثمن أو مجانية!!

والله ولي التوفيق

تحيتي للجميع.. سلام

والله وأنا أخوك إن كان معك قيمة اللاندكروزر كاش فأنصحك به لكن أتمنى تنتظر الدفعه الثانيه لأنها دائماً تكون أفضل من الدفعة الأولى بتصحيح الأخطاء وغيرها خصوصاً إن الشكل الحالي جديد.

بغض النظر عن الاستخدام في البر.. اللاندكروزر أفضل حتى في السفر والمدينة.

شي ثاني: أنا يوم شفت التصويت بصراحه أنصدمت لأن التصويت للتاهو الأمريكي أكثر من اللاندكروزر الياباني.

الله يوفقك دنيا وآخره.. سلام

متـــــــااابع

بصراحه كلهم ممتازين واشكالهم مافيها كلام ومحيره
بس بالنسبه لي اخذ لاندكروزر لان جودته عاليه وعن تجربه للموديلات السابقه لان كان معي VX.R 2001

الجمس معروف عنه الهربده يعني حق 4 سنين إن كثر
الحين تقولون ان التاهو تغير جودته
بقولكم شلون حكمتوا على الموتر وهو توه جديد يعني جلس معك سنتين هذي مو مقياس ابد
انا الـ VX.R إلي كان معي جلس اكثر من 8 سنين
وربي بعته وهو كانه جديد على الكرف إلي جاه ما شالله مافيه هربده ولا شي
وما طلب مني شي غير الاشياء المستهلكه وبعته بسعر ما كنت متوقع انه راح يجيبه
لان الموتر مكروف وما شي فوق الـ 280.000 كيلو !! بس ما شالله كانه جديد من الخارج والداخل

يعني الاخوان إلي يمدحون اللاندكروزر من واقع تجربه
لكن التاهو توه جديد واحنا نتكلم عن الشي المعلوم عن الامريكي

وانا معكم ان التاهو الجديد شكلها خيالي وبقوه فيه تناسق عجيب
بس لمن تحطه مقارنه مع اللاندكروزر اقولك معليش مافيه مقارنه ابد

وبعدين شكل اللاند الجديد قمة في الروعه وكل إلي يعيبونه لانه الموتر جديد عليهم وما بعد تأقلمو معه
وانا ما يضحكني إلا إلي يشبهه في البرادوا !!
البرادو وين وهذا وين وان كان فيه شبه على كلامكم وش فيها
انتم تقولون شبه يعني مو نسخه اكيد سيارات تويوتا لازم يكون لها استايلها الخاص
مثل الكورولا الجديده نسخه من الكامري وش فيها اهم شي النجاح وروعة التصميم

وإلي يقول ان امريكا ما فيها كروزر اقوله سلامتك انا رحت امريكا وانصدمت لمن اشوف جيب اللكزس والكروزر في كل مكان
كنت متوقع اشوف الجمس وبس
وصحيح ان الجمس عندهم بكثره لانهم ماعندهم رمال مثلنا كله خطوط وماهي محفره مثل خطوطا
علشان كذا ما يعوق معهم الجمس
ولا تنسى انهم ياخذون جمس لان من صناعتهم شي طبيعي الواحد يكون فيه روح الوطنيه شوي
بس صدقوني جيب اللكزس واللاند عندهم بكثر التراب وانا ما اقول الكلام هذا من احد
انا اتكلم من شوف عيني

والي يقول ان اللاند سعره غالي بقولك يستحقها وبقوه على جودته والمواصفات إلي فيه
ولاتنسى فرق العمله بين الدولار والين الياباني
ولا تنسى ايضاً المواد المصنعه في كل السيارتين

فعلشان كذا لمن نحكم عقولنا ونبعد عن التعصب راح نجد ان الامور لصالح الكروزر والتاريخ يثبت كلامي

ولا احد يجي ويقول التاهو وما التاهو لانه توه جديد وما بعد بانت عيوبه

وانا ما قلت هالكلام لاني مع شركة تويوتا لانها ما همتني وانا مو عضو فيها علشان امدحها
انا مع الحق وبس
وللمعلوميه انا اخوي الصغير معه تاهو اسود 2007 ومن اروع ما يمكن
لكن ما نقارنه مع اللاند لان للامانه جودته الكروزر افضل من التاهو

أول شي عندي سؤال
ليش ما فكرت بالدينالي ؟؟!!
أجمل من التاهو Z71 وأفخم وأقوى و....
وطبعا أحسن من اللاندكروزر بحكم تجربتي للسيارة <---- وجهة نظر
بانتظار ردك..

888

وأنا باخذ سياره علشان اطامر فيها وسط البر

قبل مااشتري أشوف احتياجاتي واستخدامي

حياتي مو كلها في البر ...... شبعنا من البران ....والبران أوقاتها ايام الربيع والامطار فقط

على العموم تصبحون على الف خير < ناويها بشخره

اللاند كروزر مرغوب في كل مكان فيه رمال ناعمة. يعني الخليج وأستراليا.

أمريكا فيها رمال، لكن قليلة جداً.

888

ولو تشوف رغبة الاند كروزر بدول العالم الاخرى

تحصلها بالحضيض

وخاصة باأمريكا

لاكن نشوف الموديل الحالي هل يلاقي اعجاب الناس ..بالخارج

والاحظ بعض الاعضاء مخلي الاند كروزر .... مايباخ

الاندكروزر ليس من فئة التاهو واليوكون من الناحيه البريه والطرق الوعره

فئه اخرى

يعني بتجهيزاته الكامله للمناطق الرمليه والوعره

ليش ماتقارنون مع شركة لاندروفر ... أو سيد هاذي المناطق همر اتش ون

ومع كذا

التاهو قدها في ذي الاماكن وعن تجارب ناس سويقين ^_^

ومخلين الاند افخم وافضل من التاهو بكل شيء

التاهو يتميز على الاندكروزر بأشياء

وكلن له ميزه ينفرد بها

وعلى كذا

صوتي موجه للتاهو زد 71 .... شكل شبابي واجمل من الاندكروزر اللي مرشوش ببيكنج بودر

وطابع رياضي ... ومواصفات ممتازه .... وسعر مغري

تحياتي

لاند حتى لو غيرو شكله بلكامل ينعرف انه لاند
لانه مميز مو مثل التهاو سيارة حلوه لاكن الاند مهما تكلمت
عنه يبقا في الصدارة
الجوده افضل من التاهو
الامان افضل من التاهو
والامريكي ما فيه بلاستيك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كلكم غلطااااااااااانين

من راسكم لرجليكم

.
.
الكل قال السعر يطيح عند البيع بالنسبه لتاهو


مدامك ماخذ سيارة وشتبي بالسعر

السعر عيب السوق مب عيب السياره

السياره الحمدلله ااصل من اللاند واحلى وافخم واقوى وتتحمل ووين مابي توديها تروح

الكل يقو بر وبر

ليش تحدون ان التاهو ما تروح البر

اذا الصني دخلوها البر شو تقولون
البر له تجهيزاته والمدينه لها تجهيزاتها والتاهو جمع بين الاثنين
.
.
مواصفاته التقنيه افضل
.
.
لا تحاولون يا جماعة الخير

التاهو افضل لكن الناس تاخذ اللاند لانه مرغوب بالسوق الخليجي

نحن مالنا داعي برغبة السوق

نحن لنا رغبتنا واختيارنا الخاص
.
.
والله في فرق لما تشوف اللاند والتاهو والكفة ترجح للتاهو بكل المقاييس
.
.
دمتم بود

انا بصراحه افضل التاهو وهذا الي خلاني اشتريه بعد دراسه وافيه لاحتياجي
وبصراحه السياره رائعه في راحتها وركوبها وفي صرفيتها للنزين وعلى فكره انا شفت تاهو LTZ 2008 الي يجي بنظام ملاحه وكاميرا خلفيه وجنظ 20 صراحه شي جنااااااان
اللاند بصراحه كانوا الناس متوقعين بيكون شكله احسن من كذا بكثير والاسعار فيها مبالغه
وتقبلوا تحياتي