الرجاء الرد نظام الايجار من البنك الاهلي

أخواني البنك العربي بدأ يقدم نفس الخدمة وتقريبا يأخذون 9% سنويا مع التأمين أنا رحت أمس لفورد ولقيتهم هناك و الكلام على كروان فكتوريا 2008 سعرها مع اللوحات والأستمارة والنقل 79500 ريال
موظف البنك اعطاني التالي :
دفعة أولى6500 ريال + رسوم أدارية 3000 ريال
قسط شهري 1570 ريال * 60 شهر
دفعة اخيرة 11500 ريال

تقدرون تسفسرون أكثر واللي عنده معلومة يفيدنا

اذا تلقى غيره احسن لك
البنك الاهلي يقولك احنا اقل نسبة ارباح فقط 7.5% شامله التامين
لكن في الحقيقة بدون التامين
التامين لحاله تقريبا 3.5% يعني ارباحهم تقريبا 11%
وبعدين يقولون لك انها شرعية لكن اجراءاتهم غريبة ولا يحترمون وقت العميل
واجراءاتهم كالتالي
اولا يطلب منك تعريف بالراتب وتسعيرة السيارة ثم يدخب بياناتك بالحاسب عندهم وبيانات سعر السيارة ويقولك انت مقبول مبدئيا
بعدين يرسلون فاكس لوكالة سما للتاكد من عدم وجود اي مطالبات مالية
بعدين يقولك خالص ادفع لنا الدفعة الاولى والسؤال هنا وين تدفعها؟
يقولك رح ادفعها للوكالة واحجز السيارة.. وهذا قبل ما توقع العقد وقبل ما يلتزم معك البنك
وبعد ما تجيب الايصال من الوكالة بالمبلغ يسحب البنك منك الاصل
بعدين يقولك جب فاتورة هاتف او كهرباء باسمك او عقد السكن وارسم لنا كروكي لمنزلك
ثم بعدين يقولك وقع العقد وطبعا البنك ماراح يوقع معك او يلتزم لك باي ِشي
وبعدين يرفع معاملتك لادارتهم في جدة
وتتفاجأ بعدين يقولك والله انت ما تنطبق عليك الشروط الائتمانية
كيف ماتنطبق ؟ او ين الخلل فيه؟ يجاوبك ان البنك له حق يرفض اي عميل بدون ان يوضح الاسباب
لاحظ !!! يدفعك مبلغ كبير ثم يرفضك بدون توضيح الاسباب
يبهذلك باجراءاته ويقولك عدم انطباق الشروط الائتمانية
يخليك توقع العقد يعني خلاص انت ملتزم للبنك ودفعت مقدم لهم والبنك يرفضك وبدون ان يوضح الاسباب
يعني اجراءات فقط لمصلحة البنك على حساب حقوق العميل وراحة العميل وكرامة العميل
لا .. وبعدين لما يرفضونك ما راح يردونلك الدفعة لأنك انت دافعة للوكالة مو للبنك
وعشان تسترد الدفعة لازم تاخذ الوصل من البنك وتاخذ منهم خطاب موجه للوكالة انه لامانع لدى البنك من استرداد الدفعة
ولما تجي الوكالة ياخذون اوراقك ويقولون لك راجعنا بعد ثلاثة ايام وتلقى الشيك جاهز وبعدين تروح تمسك سرى في البنك حتى ياصلك الدور وتستلم نقودك اللي دفعتها
انا ماعمري شفت تعامل اسوأ من هالمعاملة.. منتهى اللامبالاة بالعميل من قبل البنك اهم شي مصلحة البنك..
اخوي ان كان تقدر تقدم على الراجحي فاجراءاته اسرع واسهل ونسبة الارباح 10% شامله التامين حقيقة مو مثل البنك الاهلي وبعدين هو يمددلك ضمان السيارة حتى ينتهي العقد
اما من ناحية السفر فطبعا انظمتهم متقاربة كل 3 اشهر يعطونك تفويض حسب طلبك

هذا من نفس وكالة تايوتا ياحبيبي .... |1|

نصيحتي لك خذ قرض من البنك وطقها كاش
البنك النسبه الي ياخذها 4.9
اما التقسيط نسبة 6.5
غير 15000 الف حقت التامين بتقسطها لهم

انا سمعت انك تدفع 4 اقساط مقدما و قد منعوا عملية التقبيل لفتره.
بنك الجزيره اقل نسبه حاليا 3.5%

السؤال اللي يطرح نفسه للبنك الاهلي عمليه فسخ عقد الايجار المنتهي بالتمليك كيف وهل يأخذون ضريبه

السلام عليكم




أخوي أنت متأكد ؟؟

أنت تتكلم عن فائده تقل عن 2.5 في الميه ؟؟؟

وهذا أي بنك ؟؟

لان بنك الإمارات والسعودي الهولندي أرخص بنكين نسبه

وكانت 3.85 تقريباً

على الميه ألف ريال فائده تطلع على خمس سنوات ...

أكثر من 18 ألف ريال ..


تحيه طيبه

اولاً : حاول انك تأخذ تقسيط عادي ( التأجير مشكوك بشرعيته وفائدته دبل ومهب بأسمك إلا بعد اربع سنين من التقسيط ) مادام معك دفعة اولى ( لو تأخذا بأسم اخوك او ابوك اذا انت توك متوظف ثم بعد ما تأخذها انقلها بأسمك ) وراح تطلع الفائدة فقط 10 الاف الى 12 الف

ثانياً : خذ من الوكالة او اذا ماقدرت خذ من بنك الراجحي افضل او ثانياً الرياض

وهج عن الاهلي <<< راح تندم لاتتوهق معهم

انا اخذت من تايوتا سيارة بـ 51.500 الف تقسيط عادي وطلعت بـ 61 الف لمدة ثلاث سنوات ودفعه 25 الف والقسط 1000 ريال شهرياً <<< فائدة فقط 10 الالف ولو ابكيشهم بعد سنة طشو الفائدة الباقي سنتين

واذاكر اني سألت عن الشاص فل وقال بـ 106 الف ويطلع اقساط 118 الف << فائدة 12 الف

ولاتنسى تستخر وتتركد ولا تستعجل :)

اخواني الرجاء الاتصال على المجاني ويفيدوكم اكثر
8002441004
أو
8002441005

الاجابات اللي تسألون عنها كلها بتلقونها عند موظفي الهاتف المصرفي 24 ساعة

شاكرين حسن اختياركم البنك الاهلي التجاري:)

بس حسب ما سمعت ،،، ان هذا النظام ،،، حرام لأنه عقدين في عقد ،، أو شيء من هذا القبيل ،،

|10| 25 ألف ،، ويش هالإستغلال !!

لأ ما يقصد كذا

العمولة ثابته كل سنة

والدفعة الأولى لا تقل عن 10% من قيمة السيارة

والأفضل انك تدفع دفعة أولى كبيرة علشان يخففو عليك الأقساط

هو يقصد أن الأقساط تحدد على حسب راتبك ( يعني غير مسموح أن تدفع قسط أكثر من 50% من راتبك كل شهر )

هذي معادلتهم :

- دفعة أولى لاتقل عن: 10%

- نسبة المرابحة: 6.5 % في السنة

- تأمين شامل: 3.15 % من قيمة السيارة (يدفع مقدماً عن عدد سنوات الإيجار)

- رسوم ادارية: 3600 ريال

بالنسبة للسفر لدول الخليج يعطونك تفويض خارجي اما بقية الدول مادري

## أما من الناحية الشرعية سمعت انه اذا كان فيه دفعة اخيرة فالعقد محرم ، وبالإمكان البحث والسؤال للتأكد .

تقصد اذا جبت تعريف بالراتب بمبلغ كبير يحتسبون علي عموله أكثر ودفعه اولى أكبر ؟ والعكس:eek:

السلام عليكم


أخوي تبي الصراحه وبإختصار

جميع اللي أخذوا من الأهلي فرحانين أول سنتين

وبعدها ندموا على اليوم اللي دخلوا في دوامته ..

وكرهوا السياره اللي أخذوها (( رغم أنها 100% ))..

أستغلال بشكل رهيب ...

وبالنسبه للتساؤلات ترى هي على حسب الراتب ...

تحيه طيبه

اخوي من هالناحية مالي خبرة


بس زي ما اعرف إن البنك الاهلي اغلب تعاملاته مشكوك في شرعيتها


وعاد ودي تستفتي عن طريقة تعاملهم ومدى شرعيتها

والله يوفقك

اللي اعرفه انه ياخذون فايده 11 بالميه عن كل سنة زيادة

فإحسبوها وبصراحة كثير جدا

هههههههه عمرك طويل

توي قاعد احسب الحسبه وعلى نفس المبلغ 25 الف فائده البنك لـ 5 سنوات

بس لو تقدر تساعدني في سالفه الحسبه بالنسبه للألتيما 6 سلندر فل كامل شلون تطلع

لو افترضنا سعر السياره كاش 108 الف ريال وتقسيط 5 سنوات ... كم تتوقع بيزيد البنك عمولته في الخمس سنوات وكم تتوقع الدفعه الأولى للبنك بتكون وهل يوجد دفعه اخيره اجباريه او اختياريه وكم بيكون القسط الشهري خلال ال 5 سنوات ؟