إلى مالكي سيارة FJ ... الإكسسوارات في الطريق من الوكالة

حبيبي في فرع القصيم رفضوا تركيب الصاجه إلا بعد دفع 250 ريال مافيه شيء مجاني

لكن ركبتها برى ب30 ريال

على العموم الأكسسوارات لم تصلني حتى الآن فعندما يتصل علي مسؤول من جده ويقول عندك موعد للتركيب وتذهب للوكاله ويقولون ماعندنا فكره عن الموضوع وتظل بينهم ... لكن وش ورانا غيرهم راح نتابع للأخير

مشكور اخوي على الخبر الرائع.......

وان شاء الله يستفيد راعين الـFJ ;)

تحياتي...

هلا شباب
أنا ناوي اليومين هذي أشتري أف جي ستنادر

وكلمت لي معرض وراح يوفرها لي..
سؤالي:
وش الاكسسوارات الي تكلمون عنها؟
ممكن تذكرونها بالتفصيل؟
وهل هي مجانية، لأني أخاف يخدعنا الوكيل.. ولا ينزل لنا أكسسوارات؟
وهل الحساسات من ضمن الاكسسوارات ؟
وشكراً

نعم مجاااااااااااااااااااااااااااني ومن أي فرع بعد تعميد التركيب في الفرع إللي تحب لو كنت شاريها من مكان وأنت في مكان أخر

سؤال الاكسسورات تركيبها مجاني او بفلوس؟؟؟ يعني شخص اشترى الا فجي وناقص الاكسوورات هل تركيبها مجاني ..

اخوي ماكتبت شئ هنا الا وانا واثق منه 100% مو 100% الا 10000000%
مرايح اكثر كلام هذا الحاصل معي واذا حاب نروح سواء وتسمع باذنك ماعندي اي مشكله
انت يتصل عليك وسبحان الله مايتصل علي ؟؟؟
الحمدالله لم اهضم حق احد حتى الموظف زميله متوذي منه ;) مو انا بس
كنت طالب الفرشه لخلفيه وطالب مدخل الابواب النيكل وحتى هذي اللحظه لم يتصل !!!!
عن الاكسسوار كامله في السياره عندي كنت باغي اضافات مثل ماذكرت من بعد المماطله شلت الفكره من راسي هونا خل السياره مثل ماهي

هذا ماحصل

تحياتي لكل

طيب ممكن احد من اهل الامارات يقول لي هل ممكن احصل عند الفطيم الفلتر الرياضي TRD وشكراً

----------------------------------

أخي الكريم ...

الرجاء عدم ذكر أسماء شخصية في هذا المنتدى الطيب
عن الأخ إياد , له كل الإحترام الرجل صادق جدا وخدوم. عن نفسي ركبت عنده شبك وجه السيارة, السلة العلوية, دواسات بنزين فضية, شبك الأمتعة في الباب الخلفي, فرشة قماشية لشنطة السيارة مع حافظة للأغراض, القطع النيكل الحافظة لمدخل الأبواب وبخصم ممتاز ... العملية كانت بكل سلاسة ومصداقية. الرجل كان يقوم بشغله على أكمل وجه كنت أتصل عليه ويتابع معي ويتص علي عند الطلب ويطلعني على أخر المستجدات , وهذا الكلام كان أواخر شهر شوال , فضلا عن خدمته لي في تركيب وإتمام الإكسسوارات الناقصة خلال أسبوع فقط ...
فلا تبخس حق الرجل الطيب

تحياتي ...

أردت أن أجعل الجميع على إطلاع بآخر التطورات فقد جائتني مكالمة من جده من مركز

عبداللطيف جميل وتم تحديد موعد مناسب لي من أجل تركيب الإكسسوارات الناقصة ( يوم

السبت القادم ) واللتي لا أعلم ماهي بالضبط وسأوافيكم بالتفاصيل بعد خروج السيارة يوم

السبت إن شاء الله ...

بـخصوص الإكسسوارات .. استلمت السيارة ناقصه الفرش ( هذا اللي كنت عارفه ذاك الوقت)

واكتشفت قبل مده انه من المفترض تجيني السيارة بمسند يد للراكب الأمامي

بـخصوص الـفرشات قالوا لي بندق عليك اول ماتوصل وبالغالب راح توصل بعد يوم يومين بالكثير .. والأن مرّ شهر وشوي تقريبا ً ولا شفنا شيء , ناوي اروح لهم في هاليومين ونشوف وش بيصير معهم

مع العلم ان السيارة fj2 مع ارفاق كافة الإكسسوارات الاساسيه .. واشكرك اخوي ابو ساهر عالإهتمام وعالموقع الجميل واللي اتمنى يتطور ويكون مرجع لكل ملاك الـ FJ

فيه خصم من 10% لحد 20% وفوقها شوف لك معرفه

بعدين انا طالب اكسسوار اضافي من 40 يوم ماصار شئ مثل
ارضية لمنطقة التخزين الخلفيه( فرشه) غير متواجده فقط موجوده بالكلام وخاصه فرع خريص واخص اياد موظف الاكسسوارات كلام في كلام يقول خذ هذا وبعدين نكمل لك الطلبيه قلت لا ابيها كامله والكامل وجه الله الى يومك هذا ماحد اتصل وقبل اسبوع عندهم ابيغاء شغالات مير ماعندك احد وسافر الموظف المحترم اياد لسوريا وهونا على شغل البربسه والطلبيه ماصار عليها شئ علما اشوف كثرت الاكسسوارات عندهم اول ماتشوف شئ بس الحين زايده
اقول شوفو العليان ابرك من جميل وربعه لـ الاكسسوار الاضافي
تحياتي

------------------------------------------
هناك تخفيض 15% - وعوما الأسعار أقل من أسعار الفطيم موتورز وكيل تويوتا في الإمارات

أنا أخذت تفاصيل من الجهتين قبل شهرين وقبل أسبوعين

إشتريت السيارة في ثاني أسبوع من شوال - والحمد تمكن من تركيب 5 من الإكسسوارات الناقصة في سيارتي خلال أسبوع فقط ... مسند الراكب, هوك القاطرة,غطاء الكفر الإحتياطي,الفرشات الأرضية, والطفاية .

الطريقة:

- تحقق من وجود الأشياء الناقصة عندك لدى مبيعات الإكسسوارات في الوكالة, أي فرع
- من خلال الرقم المجاني 8002444400 وإطلب رقم الإدارة العامة , أو العلاقات العامة في جدة
- قدم شكوى شديدة اللهجة موضحا مهزلة الإنتظار في حين تباع القطع لدى الوكالة
- إطلب تعميد تركيب ما ينقص عندك لدى الفرع الذي وجدت فيع قطعك الناقصة
- صدقوني اليوم إللي بعده راح يتم التعميد
- هذا ما حصل عندي وكلموني جدة أكثر 15 مرة بين إعتذار وتحقق من تركيب القطع

تحياتي ... |3|

المطالبة =نتيجة
ولو كل واحد بين وجه نظره للوكيل سواء مباشرة للوكيل او المسؤولين او طريق الجرايد والمجلات اكيد راح يكون صدى كبير لموضوعة :)

سواء في الوكالة او غيرها

ياشباب انا اليوم كنت عند اكسسوارات ابوجميل بطريق الملك خريص:D

ولقيتهم منزلين كل شي صدامات وكشافات وصاجه ودعاسات

ومسند يد للراكب وطفاية وفرشات وجنوط TRD بس أسعارها نار نار نار

تخيلوا لو تبي تركب الكشافات العلويه مع الشبك (مثل اللي بتوقيعي) يكلفك 5600 ريال :eek:

ومسند يد للراكب الامامي بـ 349ريال والفرشه لمنطقة التخزين الخلفيه بـ 242ريال

صراحه اسعارهم ناااااااااار

حتى الإكسسوارات يبيلها إنتظار ؟!؟!

الله يعين بس ويوصل السياره بالسلامه ..

تحياتي

والله انا عن نفسي طفشتهم قهروني على الحساسات الخلفيه وعلى اخلاق موظف الاستقبال المستهتر الي بغا يخلي جيبي وهو مخلص عصريت الخميس الين السبت ولا يقولي ليه ماجيت تدور عليه انا اصلا كنت مشغول طلعت مشوار :mad:

الا اليوم وهم يتصلون ويعتذرون من تصرفه قعدت لهم نشبه تبوني ارضى انقلوه من الفرع عناااااااااااد

شباب تكفون اقعدوا لهم بالمرايا الجانبيه اليمين اشتكو منها انا ان شاء الله قريب راح يجيني كم من تصميم واعرضها عليكم وعليهم بس دعمكم تكفوووووووووووووووووووون اذا دقوا قولو المرايا اليمين يبيلها برمه او اي شي زاويتها العمياء كبيره

شكرا لك ابوعزام

ولو كل واحد اتصلوا عليه مركز الدراسات حق عبدالطيف جميل هزأهم

وقال اللي بقلبه راح تنحل مشاكلنا , ومن المعروف أنك إذا شريت من الوكالة

يبي يصجونك بإتصالاتهم عن الخدمه وعن الصيانه بعد ماتدخلها لكن البعض الله يهديه يمدح

كأنه جالس قدام الكمره << هههههههههههههههههه