الفزعة ياخوان دفعت عربون ومحتار برادو 4 سلندر يصلح ولا لا

أخوي إذا كنت تريد سيارة لمدينة ونسبة بسيطة للبر

فأنصحك بالفيراكروز أو السنتافي من هونداي

يكفي أن تأخذ لك لفة سريعة عليهم في الوكالة

|1|

لا تاخذه تراك كنك ماخذ هايلوكس دفرنسين والهايلكس ازين لانه اخف

النصيحه بعدعن الاكسبلورر نهائيا وخاصه موديلات 2005 وقبل والفورشنر اختيار ممتازجدا

بشر وش صار عليك اخوي eng2s عساك صملت على شي

ذكرني الاخ Diff Lock
انصحك بلباجيرو تراه موتر اكثر من ممتاز
عمي معه باجيرو 2003 محرك 3000 سي سي ومن يوم طلعه من الوكاله وهو يكرف والدي والديه والموتر معه زي الحلاوه ويقول لو بطلع موتر جديد ابشتري باجيرو
الباجير 3000 سي سي عزمه مقبول مع القير التماتك على الاقل احسن من برادو 4 سلندر
واذا تاخذ باجيرو 3800 سي سي انت الكسبان وسعره اضن قريب من 100 الف ريال

وفيه ميزه في الباجير ان قيره عايدي توماتيك زي الباترول السفاري

والباجير الجديد شكله رهيم في نظري

اتمنى لك التوفيق

جيب 4 سلندر ماينفع ولا بريال

الجيب ماينفع الا 6 سلندر فما فوق ولك خيار اخر غير البرادو الباجيرو

أخوي، ما أقول لك ما ينفع، حيث أن محرك الهايلكس عزمه قوي نسبياً ... لكن حراااام فيه 106 ألف على سيارة أربع سلندر.

بأقل من هذا المبلغ تاخذ لك فورتشنر ست سلندر، مواصفات ميكانيكية خيالية (نفس البرادو ست سلندر تماماً)، لكن الفخامة أقل. سعره للأوتوماتيك يبدأ من 99 ألف، وللعايدي من 94 ألف.

أي سيارة جيب أقل من 6 سلندر ماتنقع في البر ولا بقرش

أفضل لك خذ مستعمل 6 سلندر ولا تأخذ جديد 4 سلندر وإياك والأمريكي

أفضل خيار بعد البرادو هو الباجيرو 3800

السلام عليكم
انتبة تتهور وتاخذ 4 سلنر قير تماتيك
إلى في حالة واحده
ان يكون عمرك فوق 70 سنه
اذا عمرك 70 سنه ماتفرق لو تاخذ 2 سلندر

واذا معك 100 الف ومحتار
اشتر باثفندر من المعارض تلقاه جديد ب98 الف
ومافيه مقارنه في الموصفات
او
زد دراهمك واشتر برادو 6سلندر
واذا معزم على البرادو 4 سلندر خذ قير عايد
واذا شريت برادو تماتيك 4 سلندر عبدالطيف يعطيك معه مجانا درزن مناديل كلنكس علشان تمسح دموعك
واتمنى لك التوفيق
وشكرا

ياخوان في موديل 4 سلندر برادو GX دبل تانكي بانزين يمشي فوق 1,600 كيلو متر
أحد جربه ؟


و بالنسبة للأخ اللي يسأل ميزة ال 6 سلندر أني قوي جدا بالرمال
و عزمه قوي
و إذا شفته بكره يمشي 180 كأنه طيارة عالخط تقول ليتني ماخذ 6 سلندر
بس إذا هالشيء ما يهمك ما راح يفرق معاك بشيء

اخي العزيز

كمواصفات ... لا يوجد فرق
جميع المواصفات الموجودة في في اكس 4 تجدها في السته سلندر
خصوصا بالبدي ... هو هو حتي الجنوط نفسها

واذا انت ماتجتاج العزم القوي ... تراها ما تفرق كثير (الا اذا كنت تهتم بالقوه)

السيارة اعتماديه عاليه جدا (ما تخذلك في اي موقف) .. يعني تشتري وتنسي

هذا كلامي وانا مجرب السته سلندر (تفيدك في طلوع الجبال)
واذا اخذته اتوماتك ... يمكن يكون ضعيف

الخلاصه

انصحك بالسيارة (لو ما تقدر على السته) .. الاربعه تمام بس عادي

تحياتي

جيب و4 سلندر صعبة مرره خذلك اكسبلورر انا سقت واحد ماشاء الله تبارك الله رائع جدا

خذ لك 6 سلندر وبس

6 سلندر ولا تدور غير السته

انا ارشح لك الفودر الاكسبلوور جدا ممتاز عن تجربه موديل 2002 والي الان معنا وماشاء الله ماشي زي الحلواه وعلي فكره الاكسبلورر هو من اكثر السيارات الدفع رباعي شعبيه وانتشار بامريكا اذا تاخذه وتحافض عليه راح يدوم معك سنوات اقلها 10 سنوات من ابدع مايكون اللي معنا ماشي تقريبا 208 الف مش اقل رحنا عليه الي مكه 2 والطائف وابها 2 وغير الشاوير اللي داخل البلد الخربات اللي جاته المكيف خرب وتصلح والانوار الاماميه مع الوقت ترمل بسرعه حتي بدون ماتروح خطوط المكيف خرب بعد 5 سنوات وكلف شغل وكاله 850 ريال السياره فعلا ممتازه ولا تنسا المحافضه عليه وسعره الان تقريبا 92 الف ريال نوع الدرجه الثانيه مش الفل وعشانه طول معنا اخذنا فودر اكسبدشن 2006 فل . السياره الثانيه ارشح تويوتا فورنتشر بشرط 6 سلندر او باث فايندر كلها ممتازه جدا وماعليك من كلام المتذمرين والمتشائم واللي ماجرب اي سياره غير اللي عنده او شاف سياره في مجله او دعايه في تلفوزن . والشي الاهم هو المحافضه علي السياره لو كانت تاتا راح تعمر معك بدون مشاكل . والله الموفق .

يأ أخي الكريم الله يعينك على الحيرة وكثرت الآراء ..

للأسف أغلب من يفتيك بإقتناء السيارة أو الأبتعاد عنها لم يجرب السيارة بنفسه أو يملكها ..

أخي الكريم أنا أملك برادو 6 سرندل وصديقي يملك 4 سرندل

لا يوجد أي فرق بين السيارتين من ناحية الاستخدام العادي ..

السيارة ( 4 سرندل ) يحمل عليها عفش فوق التندة وركاب بالداخل وسافر عليها داخل المملكة ولم يشتكي من أي شي

وأدائها بالبر ممتاز جداً ..

فكر بهدوء إذا سحبت العربون ماذا ستشتري بمبلغ 100 ألف ؟

أين تجد جيب بهذه المواصفات والراحة الداخلية والوسع الداخلي ؟

يكفيك شعار تويوتا على المقود ..

يكفيك صيانة تويوتا ..

بإختصار إذا كنت رب عائلة ورجل هادي بالقيادة خذه ولا تتردد ..

أنا لا أعلم ما هي ميولك ورغباتك في شراء الجيب ؟

قارن وضعك مع ميزانيك مع مميزات السيارة التي تريد شرائها ..

وأستخر وتوكل على الله ..

وأتمنى لك التوفيق ،،

قبل ما ااجاوبك عندي سؤال البرادو الي دفعت عربونه قير عادي ولا اتوماتيك؟

اذا كان اتوماتيك فاقولك روح اسحب العربون بسرعه ولاتفكر ابدا في الموضوع ترى سوف تتحسف لو اخذته , انا اعرف واحد بكي بعد ما اخذه

اما قير عادي الوضع يختلف يمشي معاك بالدف شوي ولو انه الافضل باي حال من الاحوال يكون 6 سلندر

وربنا يكتب لك الخير

اذا براسك سياره مثل البرادو او جيب لازم يكون 6 سلندر افضل بكثير|1| 4 سلندر مايسوي شئ

واستخر قبل كل شئ

تحياتي لك وبالتوفيق