السلام عليكم ورحمة الله وبركاته...
اسمحوا لي أبدأ موضوعي الأول في قسم المجسمات.. واسمحوا لي بعد إني أقدم الموضوع وأعلق عليه ( بالعامية )..
ولأنه موضوعي الأول ما يعني اني ما أحب المجسمات... لا بالعكس.. أنا أعتبر نفسي من أكبر مجانين السيارات بصفة عامة وامتلاك المجسمات وتعديلها وترهيمها..
المهم ما ودي أطول عليكم,,,
أنا من عشاق السيارات ..
وخصوصاً الأمريكية..
وبالتحديد القديمة الكلاسيكسة..
وبتحديد أكثر سيارات المسل كار أو السوبر رياضية..
يعني بالعربي أموت في شي اسمه كورفيت...
في يوم من الأيام شفت هالمجسم ( كورفت 1957 ) وأعجبني وقلت لازم أضمه لبقية المجسمات اللي معي... واللي بعضها صار تشليح آخذ منه قطع للسيارات الثانية..:D
شريت المجسم وصورته لكم مثل ماتشوفون بالعنوان ( 35 ) صورة... بكاميرا 6.2 ميجابكسل... وأخذت بعض الصور من زوايا حلوة وتعجبكم إن شاء الله...
وفيه صور بعدما ركبت الجنوط النيكل ( والله جنان ).. بس طولوا بالكم لأن الصور كثيرة ودقتها عالية...
بسم الله نبدأ:
هذا شكل السيارة العام.. بس للأسف طاح علي الإسطب الأيسر اللي تحت النور.
صورة قريبة للرفرف الأمامي وباين لون السيارة المشهور.. أبيض على أحمر.. وواضحة بعد علامة الكورفيت المرعبة على الجنب والجنط المعتاد لسيارات الدراج وسباقات الربع ميل...
صورة للخلفية وشوفوا الكفر الخلفي كيف كبير !! وبعد مكتوب عليه ( جودريش ) وهي كفرات معروفة تستخدم للدراج.. وتتحمل الضغط والحرارة.. وما أنسى الشكمان المعدل في الجنب.. بصراحة المجسم هذا خيالي..
صورة أقرب للجنط والكفر الخلفي والشكمان..
صورة للسيارة مع الجنب ... وانعكاسها على الأرضية.. ( طبعاً بدون مقابض للأبواب ),,
منظر علوي من الوجهية والخلفية,,
تابع++
