شكرا اخوى المفارق. بصراحة ما اعرف حكمة الوكيل عندنا بالكويت بانه مايجيب إلا فئة وحدة فقط. يمكن لتخفيف الصداع على راسه من توفير فئات ومواصفات مختلفة؟ بس بصراحة السعر الى يبيع فيه السيارة مقابل المواصفات رهيب. بإذن الله لما اعمل التقرير عن سيارتى راح اذكر كل المواصفات المتوفرة عندنا وراح تلاحظ ان سعر 6500 دينار للسعر النقدى (اقل من 90 الف ريال) بالفعل قليل على السيارة :)
عندنا بالكويت فئة واحدة فقط وهى XLT دفع رباعى. الصف الثانى من المقاعد غير منفصل اى لثلاثة ركاب.
في السعودية عندنا تقريبا 3 أو 4 فئات تختلف في أزرار الدخول للسيارة ومن ناحية المقاعد جلد ومخمل
أما الفئة الفل كامل تجي مقاعد مفصولة في الصف الثاني والمقاعد جلد وعتبات الصعود كهربائية لما تسكر الباب تتسكر ولما تفتح الباب تنزل ويجي لونين من تحت ذهبي وهذي صورته
أنا رايي زيك يا saudiman ورحت الوكالة كذا مرة وقال لي الموظف انه ما يجي وانه ميزه في الفل كامل قلت له طيب لو أبغى طلبية
قال لي ما نقدر نوفره لك وهذي من الأشياء اللي ما خلتني اشتريه لحد الآن
قلت يمكن آخذه وارد أمريكي عشان يكون الصف الثاني كامل مو مفصول
طيب اخوي هل فعلا الفل كامل من الاكسبلورر تاتي مقاعد الصف الثاني مفصوله ام متصله ؟
في السعودية الفل كامل تجي مفصولة
وفي فئة اسمها ليمتد هذي ما تنزل بالسعودية
بالنسبة لباقي دول الخليج ما ادري
ياريت اللي عنده خبر عن باقي دول الخليج يقول لنا
علي الحلال فرحتني ، لأنني صوتت للأكسبلورر قبل ما أعرف أنك اشتريتها ، و إن شاء الله ما بتندم
لأن الفورد بشكل عام سيارة ما عليها كلام ، و بالبركة إن شاء الله .
و الشباب ما قصروا الله يعطيهم العافية
الله يبارك فيك اخوى
بإذن الله ماراح اندم لانى عمرى ما تندمت على شراء اى سيارة ولو كان بها مشاكل :)
ألف مبروك أخوي pnrb الله يعطيك خيرها ويكفيك شرها
اليوم أنا رحت الوكالة عشان القيادة التجريبية
وقال لي خلال كم يوم بيكلموني
ياريت لو تقولي انطباعك عن السيارة من حيث قومتها ورساوتها في الخط
الله يبارك فيك اخوى المفارق
السيارة للحين جديدة وما ضغطت عليها بعد. قومتها احس ثقيلة شوى ولو شلت رجلك عن البريك والارض مرتفعة ولو قليل السيارة ما تمشى لغاية ماتضغط البانزين. الرساوة ممتازة ووصلت لغاية 120 وكان فى شوية هوا يضرب جانب السيارة وبالرغم من ذلك السيارة ماكانت تحذف.
والله يعطيك خيرها ويكفيك شرها وتبدلها بالعافيه ان شاء الله
بس كم عطوك خصم ؟؟؟؟
وليش فضلة الراحه بالمركب على الاعتماديه ؟؟!!!
الله يبارك فيك اخى :)
خذت السيارة اقساط (راحت الزيادة قبل ما نستلمها :)) وسعر السيارة كاش كان 6500 دينار كويتى. مع الاقساط وصل لغاية 8600 دينار (ذبح اسلامى :))
السيارات توافيق والاكسبلورر ناس استعملته بدون مشاكل وناس تبهذلت معاه. طبعا انا سواقتى هادية جدا واحافظ على السيارات واتوسل من الله ان يوفقنى ولا تصادفنى مشاكل كثيرة بالسيارة. الراحة بالمركب بالنسبة لى امر مهم واحب ان تكون السيارة هادئة لأقصى درجة وبصراحة لحد الان الاكسبلورر بالفعل هادى اكثر من اى جيب سقته من قبل (نفس هدوء الاكسبدشن)
علي الحلال فرحتني ، لأنني صوتت للأكسبلورر قبل ما أعرف أنك اشتريتها ، و إن شاء الله ما بتندم
لأن الفورد بشكل عام سيارة ما عليها كلام ، و بالبركة إن شاء الله .
و الشباب ما قصروا الله يعطيهم العافية
