ابي معلومات حق الي بصور ياليت تفيدوني اخواني
هلا اخوي العتيبي ,,,
بالنسبة للصورة اللي فوق ,,
الزر اللي على اليمين ,, يطفي حساسات الصدام الخلفي ,, اذا اللمبة والعه يعني مطفي واذا طافية يعني الحساسات شغالة
الزر اللي على اليسار لوضع السحب او المرتفعات ,, اذا شغلته يطول معاك تعشيقات القير
وهذا بالمرايه قدام حق شنو ؟
هذي كميرا خاصية "الاضاءة الذكية" "Smartbeam" وهي ميزة تتوفر في المواصفات الامريكية فقط ووضيفتها انها تشغل النور العالي اتوماتيكياً ,, يعني اذا دخلت في طريق مظلم ولا في سيارات امامك (في نفس الاتجاه او الاتجاه المعاكس) تشتغل الانوار العالية تلقائياً واول ما تضهر سيارة في الجهة المقابلة او تقترب من سيارة امامك في نفس الاتجاه تطفى الانوار العالية وتبقي الواطي
وهذا فيديو شرح لها
http://www.youtube.com/watch?v=BTfrLUbXX30
طبعاُ لتشغيل هذي الخاصية لازم تشغل خاصية تشغيل الانوار الامامية الاوتوماتكية اولاً (Auto Headlight) اللي يشغل انوار السيارة تلقائياً في الليل بدون ما تشغلها يدوياً
عشان تشغلها تحط وضع الانوار على حرف A
وبعدها تشغل الانوار الذكية عن طريق شاشة الطبلون بالظغط على MENU عدة مرات الى ان تصل الى AUTO HIGHBEAM وتظغط زر SETUP وتحطها في وضع ON
بالنسبة لظبط الساعة ,,
اظغط على NAV
ثم اختار "System Settings" و اظغط "Enter"
ثم اختار "Clock Settings" واظغط "Enter"
يظهر لك خيار "Displayed Clock:"
يا تختار GPS Clock وبهذا الاختار تخلي الساعة تظبط نفسها عن طريق الاقمار الصناعية وبعدها تختار ال Time zone
او تختار User Defined Clock لظبط الساعة يدوياً
