سؤال عن الالتيما 2008

شكراً على المعلومات القيمة
خلاص ان شاء الله ناوي عليها، باللون الاسود
لكن لازم اغير الجنوط الى جنوط الستة سلندر، احلى بكثير

^^^
مو كأن السعر ارتفع شوي :D

انا خبري فيها بـ93 الف :D

انا ناوي اشتريها <---خربها :p

تأجير تمليك بدون دفعه اولى فل اوبشن الاقساط بـ2300 تقريبا مخمل طبعا........

بس اذا 97 الف فيها كلام ثاني :p

تحياتي...

السلام عليكم



أخوي كيف حالك ؟؟

بالنسبه للأربعه سلندر من ألتيما تجيب 630 كيلوا من الفُل إلى اللمبه ..

أما الجديده وبحكم أنها 6 غيارات للعادي .. وقير سي في تي فسوف تكون أكثر حفاظاً على الصرفيه ..

وبصراحه إذا مو شايف أنك محتاج سته سلندر فالأربعه تكفي وما شاء الله ..

وبالنسبه للفتحه فهي في الأربعه سلندر للفل أوبشن ...

تحيه طيبه

اخوي SAW MAN ممكن تشرح لي كيف الـ 4 سلندر اوفر ؟؟؟يعني مثلاً كم لتر تعبيها و كم تمشيك؟انا اتوقع الـ 4 سلندر تمشيك بين الـ 450 و الـ 500 اما الـ 6 سلندر تمشيك مو اكثر من 400

انا كان عندي 6 سلندر بس موديل 2005، طيبعاً صاروووووخ، لكن كان الفل يمشيني لحد 340 داخل المدينة و 400 اذا داخل و خارج (طبعاً لين ما تولع اللمبة)


طمنتوني انه في فتحة سقف للـ 4 سلندر، و قيمة الفل 86 الف
طيب الـ 6 سلندر بالمواصفات اللي انته ذكرتها كم تسوة؟ 86 +11 = 97؟؟؟؟

اذا كان الكلام صحيح، معناها لازم نعيد حساباتنا

شكراً

بالنسبه لي انا
والحمد لله شريت 6 سلندر
وبيني وبينكم
انا انصح في 6 سلندر
المكينه فيها متناسقه
صرفية البانزين في 6 أوفر بكثير من 4
والسبب إن المكينه متناسقه
هذا من وجهة نظري
وبعدين فرق بين الـ 6 سلندر SE و4 سلندر تقريباً 11 ألف في السعودية
وبيني وبينكم انا شايف إن الفرق جداً معقول
1- فرق في الجنوط
2- الأنوار زونون و أوتو.
3-فرق في قوة الأحصنة
4-بوصلة في المرايه.
5-مقعد السائق كهرباء.

انا انصحك اخوي إنكـ تاخذ 6 سلندر
والله ولي التوفيق
تحياتي

اخوي بو جاسم عندنا في السعوديه الالتيما فل اوبشن قيمتها بالوكاله 86000ريال سعودي
واكيد انها بفتحه
ونا كنت ابشتريها بس اشتريت لكزس والحمدلله على كل شي

فعلا انا عندي نفس الحيرة بين 4 و 6 سلندر خصوصا اني جربت الاربعة و لقيت انها شايلة روحها لكن ما جربت الستة علشان اعرف شنو الفرق

اها.....فهمت :D

في السعوديه تجي عندنا 4 سلندر بفتحه سقف :)


واما من ناحيه ننصحك فيها او لا انت ادري (تقول كان عندك 6 سلندر منها ) :)

شكرا على ردك السريع
لكن انا كان عندي 6 سلندر، صحيح خارقة، لكن لقيت اني ما احتاج فعلياً الى اكثر من 4 سلندر

المشكلة عندنا في الامارات، الفل 4 سلندر، ما يجيك بفتحة سقف
فتحة السقف تجي عندنا في موديل الـ6 سلندر
فهمت علي؟؟!!!