ويرخص عليكم الخبز والبيض واللحمة
سؤالي لأهل التطعيس بالصحاري والبراري
ولأهل المشاوير بالشوارع والكباري
صحيح العنوان يمكن يكون طلب غريب بس هذا اللي في البال
انا مزنوط... قصدي أنا محتار بين:
باث فايندر
أو
يوكون
>>> عاد بالله عليكم هذا مزاج؟ :rolleyes:
(لو تساوت الأذواق ... لبارت السلع والأسواق)
إللي حيسعل ليه يرفع إيده... |3|
المهم يخواني... إن شاء الله إني بخذ لي سيارة من ها السيارتين
بس والله إني لمحتار...ون
فاليوم اللي أصمم على إني أخذ باثفايندر (فل ابشن طبعا|4|)
اشوف إني أقدر بنفس مبلغ الباث أقدر اخذ يوكون وبمواصفات منتازة :eek:
ويوم اللي اشوف الباث على الشارع اقول خلاص بكره رايح اخذ لي واحد من حلاته عندي
لكن يوم اللي اشوف هيبة اليوكون ورزته على الشارع اقول لا ... وش لك بالباث؟
وهكذا دواليك :rolleyes:
سيارتي الحالية: كورولا بنز مديل 2002
الحمد لله على نعمه بس ما أحس إنها مريحة أبد... يعني الراحة بها صفر على الشمال... وآلام بالظهر من طول المشاوير اليومية من البيت للعمل ومن العمل للبيت...
ولا هي حقت مشاوير ولا بر ولا بحر ولا سفر...
(ولا أخفيكم سرا، فالسيارة صايرة ضيقة... وحتى الأولاد يتهاوشون على كل يبي يجلس جنب الباب!!!)
هالكورولا ضيعت علي متعة طلعة الكشتات وسفر المشاوير الطويلة |5|
هم بعد أخوكم تو مجدد الجوازات وأبي اسافر مع العايلة من الدمام لين الرياض ومكة
عرفتوا هالحين ليه؟ يعني أب أصلح بالباث أو اليوكون ما افسدته الكورولا
هذي مواصفات مزنوط بكرفته (يمكن تشوفون لي عروس بعد مافيه مشكلة |6|):
1- عايلة صغيرة تتكون مني مزنوط بكرفتة ومزنوطة يسلمها ربي وثلاثة مزانيط صغار الله يحفظهم
2- احب البر والبحر...
3- ابي الراحة بالمشاوير ... يعني لين سافرت من الدمام لين مكة ما أبي أقرطع ظهري من تعب الجلسة على الكرسي
ملاحظة: تقبل التعليقات حتى نهاية الشهر الحالي
والشهر الجاي إن شاء الله وبغير تقديم عليه... إني فاكن موتري الجديد
باثفايندر أم يوكون
من يقول؟
من يقول؟
