السلام عليكم ورحمه الله وبركاته
بدخل بالموضوع على طول بدون مقدمات ولا شي
الموضوع ومافيه الله يسلمكم انه ناوي اغير دبات الفورد لانها مسببه لي
تكتيمه بالسياره
ورفع درجه الحراره >>احس ان الموتر فيه حراره ومكتوم وهالشي مبين معاي بالدعسه
وتجيني حراره عند الدعسات عند رجولي
وديتها لا اكثر من ورشه وقالو لي كلهم شيل الدبات وراح ترتاح السياره
قلت لو شلتها ما تكون فيه مضره قالو لا بالعكس عادي جدا ترتاح السياره ويقولون كثير سيارات نفك منها الدبات وخااصه الفوردات اللتي تجي استخدام من امريكا والمفروض انك تفكها من زمان لانه مع الوقت تتعبى الدبات وتكتم لك السياره مع انه ماكنت حاس فيها ولا اشوف اي اختلاف من قبل الا الفتره الاخيره حسيت انها تجيب حراره للسياره وتكتيمه قلت لهم وش السواه
قالو طبعا تغيررها غالي يكلفك كثير قالو نفكها ونركب لك بدالها ماصوره وينتهي الموضوع
بس اللهم تزيد صرفيه البنزين شي بسيط وتولع لمبه التشيك انجن وهذي حلها انه نسوي لك
بالماصوره مكان للسنسر وتنتهي هالمشكله قلت اجل وش فايدتها قالو علشان صوت الشكمان تكتمه شوي واذا غيرته ماراح يفرق الصوت بيزيد صوته شوي يعني عادي
الحين يا جماعه الخير ابي نصيحتكم وش السواه لانه فعلا متضايق من هالدبات واحسها انها مسببه لي مشاكل من تكتيم للسياره وحراره وفيه شي لا حظته انه بعد ما اجي من مشوار من العمل ولا السوق اوقف السياره اشم ريحه من الشكمان ريحه حرق مع المروحه لما تشتغل >>كأنه نايلو ناشب بالقزوز او شي من هالقبيل اشيك عليها ما لقيت شي اتمى انكم تفيدوني
ولكم جزيل الشكر والاحترام >>ابو مهند وليس مهتد >>غلط مطبعي >مضار السرعه على الكيبورد
