نصيحة أخوية لكل مقبل على شراء سيارة مستعملة

اخواني انا انصحكم نصيحة لوجه الله كل مقبل على شراء سيارة مستعملة ابعدوا عنها
اشتري بالمبلغ الي معك سيارة عادية جديدة ولا تدفع ريال في المستعمل مهما سمعت ان المستعمل نظيف هذا كلام فاضي ما في مستعمل نظيف ( نسبة النظيف للمستعمل قليل جدا جدا جدا ولا يخلو من المشاكل)
و شوف معي في النقاط التالية فدائح المستعمل و البلاوي الي تصير له :

1- ما تعرف مين الي استعملها واش جنسه وكم عمره وكيف سواقته

2-ما تعرف كم الف مطب اكل

3-غالب السيارات المستعملة قراءة عدادها غير صحيحة ( يمكن تحصل سيارة موديل 2007 ماشية 30000 كم ( وتقول واو هي ده ) والبودي جديد بس يكون صاحبها ابو سفر وكان فاصل العداد وصافق له 500000كم)

4-ما تعرف كل كم كيلو كان الزيت يتغير ( الي هو المحدد لعمر المحرك ولو مرة وحدة طول وما غيره - مرة واحدة بس- انهك جزء هائل من المكينة )

5- اذا كانت قير عادي يمكن صاحبها كان خشيم ما يعرف يعشق وهالك التروس وماسح صحن الكلتش والديسك( مما يضطرك لفك الجيربوكس) واذا اوتو يمكن يكون محروق من جو و مفلل دعس وقومات ( تغيير جير على طوول ).

6-اكيد ما احد يبيع سيارته الا اذا كرهها (وعاد الواحد اذا كره سيارته تعرفون كيف حيسوقها ) او فيها عيب او كاش يحب يبدل سيارته ( معروفه سواقه الكاش ما يهمهم شي يشترو سيارة جديد ويكرفو والديها دعس وحفر وارصفة وحركات بطر ويبيعوعها دون ما يهتمو )

7-واذا جاء واحد يبغى يبيع سيارته تتوقع راح يحافظ عليها في اخر ايامها معه ؟؟؟ اعتقد انه حيكرفها كرف = الكرف الي انكرفت فيه طول الفترة الي كانت معه ( قليلين الي يخافون الله ثم دعوة المظلوم )

8-اذا انباعت السيارة في معارض تبدل القطع الجيدة بقطع مهترئة وهذه حقيقة موجودة للاسف يعني يبيع السيارة مستعملة بسعر كاش( مكسب الزبون ومكسب القطع الي يبدلها بالمهترئة !!!!!!) وكمان الي يشتغلو في المعرض ( الشريطية ) يمكن يستعمولها وهم يدورون على زباين ويلفلفون بها ( عاد انتم تعرفون الاماكن تبع السيارات المستعملة كيف شوارعها واعتقد انهم حيسوقوها بدون رحمة ودعس واكل حفر من النوع المدمر انا بنفسي شفتهم كيف يسوقون ويدخلون بها خنادق وفاصلين العداد كمان )

9-احسب كم حتدفع على السيارة المستعملة ( من سعرها وصيانتها وتصليحها ) خلال فترة استخدامك لها حتحصل ان الحسبة = سعر سيارة جديدة عاد انت حتسعمل الاثنين نقول نفس الفترة بس الفرق اان المستعمل تعبك وزعلك وما بسطك والجديد ريحك وبسطك ووووو

اكرر نصيحة يا شباب ابعدو عن المستعمل واشتري سيارة جديدة على قد فلوسك ان شا الله لو تشترو يارس جديد !!! ولا مرسيدس مستعمل |3|