ضع اي مقطع فديو خاص ب 4x4

السلام عليكم
ممكن مقطع فيديو لجيب اكسبلولر الجديد
وشكرا

الله يعطيك العافية ياابو اسد و تمام اني شفت لك رد اخيرا بعد ماكنت غاطس لك فترة
وينك يارجل سالت عنك اكثر من مرة لكن الظاهر تتغلى علينا :D
عموما يحق لك يابطل وشكرا من الاعماق على المعلومات القيمة لاني من زمان ودي اعرف عنها
وربي جابك وماقصرت........تشكرات افندم |3|

ياشباب انا عندي كتلوج سييرا موديل 1990 ويقول ان ال454 270 حصان اذا ماكنت غلطان
واي معلومات تبونها من الكتلوج انا حاضر...تحياتي

عفوا عفوا عفوا

فيه معلومة كتبتها بالغلط



مكتوبة فوق بالغلط مكينة 350 سعتها 5700 سي سي أي 5,7 لتر بس ما أدري وش الي خلاها تتغير الارقام :rolleyes: لاحظت في بعض الردود كتبت 7.5 لتر؟!



الله يسلمك تقدر تقول أحب أدور أي معلومة صغيرة ولا كبيرة عن الجموس :)

ماشاء الله عليك يابو اسد معلومات قيمه استفدنا منها الشي الكثير

والشكر موصول لمشرفنا على فكرته للموضوع اللي بصراحه اول مره اشوف مقاطع ماتسبب مشاحنات بين الاعضاء وموضع وصل لحد كبير بدون هواش

بعدي والله

شف عندي معلومات أن 511 هذي هي نفس 454 بس بعد ما تخرط ما أذكر بالضبط بس شيء من هذا القبيل تتكبر بساتمها شوي

بخصوص الموقع أعرف واحد دايم أخذ معلومات عنه (بحثت عنه بس ما لقيته مع أني دايم ألقاه متى ما أبيه |5| ) وغير فيه موقع كنت حاطه في موضوعي عن الكتلوجات الجموس الكلاسيكية تاخذ كل التفاصيل عنها ومكتوب فيها القوة بعد
http://www.assayyarat.com/forums/showthread.php?t=105425

شوف

يوجد صنفين من محركات الجموس

نوع يسمى بـ SMALL BLOCK ويقصد به الصمامات الصغيرة

وهذي أحجامها من 305 و350 و383 وهذي الارقام تعني بحجم المحرك بـ CID حيث يبلغ سعاتها 305=5 لتر و350=5.7 لتر و383= 6.2 لتر

نجي لنوع الجبار والخطير والمهيب وهو BIG BLOCK وهو نظام الصمامات الكبيرة!
حيث هو يجي أنواع أصغرها في الموديلات القديمة هو الأسطوري والمعروف 454 الذي يبلغ سعته 7.4 لتر ونجي للي بعده 502 وسعته 8.2 في الموديلات الحديثة طلع طراز جديد بديل عن 502 وهو 496 وهو المعروف بـ 8100 وسعته 8.1 لتر

كلام أخوي ولد وايل صحيح بخصوص القوة ان قوة محرك 454 الحقيقية الأستوك هي 250 حصان مو 240 حصان <<< يعني فرق 10 أحصنة :D على فكرة هذي الي بنظام TBI البخاخ القديم الي يقولون عنه الشياب والميكانيكيين نص بخاخ ونص كلبريتر أما نظام الفورتيك في 454 فقوته 290 حصان! من موديلات 96 إلى 99
طبعا ترى نظام محركات البيق بلوك BIG BLOCK أساسها مصممة وأغلبها أنها تعطيك قوة حصانية معقولة لكن عزم مهول جدا
حيث سمعت معلومات مو متأكد أن موديلات الكلاسيكية للـ 454 قوتها الحصانية 250 حصان هذي ما اختلفنا فيها لكن العزم هو 367 رطل/قدم! رغم أنه قد يكون قليل لكن كبير جدا على محرك بهذا الموديل وبتقنيته البدائية
وعندي سوبربان كلاسيكي موديل 91 ومحركه 454 وقير تماتيك تدري على وزنه الضخم جدا وحجمه العملاق يجيب تسارع من 0 - 100 في خلال 8 ثواني!
ونجي لمحرك الحديث وهو 8100 قوته الحصانية هي 356 حصان لكن تدري كم العزم!!! 476 رطل/قدم! ناظرت كيف أن العزم أكثر من الحصان بحوالي أكثر 100

للمعلومية فيه مواقع أعرفها تبيع محركات جديدة سواء من الجيل القديم أو الجيل الجديد وبخصوص الجيل القديم من BIG BLOCK تكون قوية جدا ومعدلة حيث لقيت محرك 502 بقوة 502 حصان!!! وعزم 567 رطل/قدم هذي قوة المكينة لوحدها بدون أي شواحن تيربو أو نوز او شيء من هذا القبيل.

وبخصوص القاعدة الي قالها لك خويك يا ولد وايل أنك تضرب الرقم الي قلته علشان تطلع حجم المحرك فهي صحيحة بس ألاحظ أختلاف بسيط في الارقم حيث لازم تضربه في 16.299 علشان تطلع حجم المحرك بـ cc وعلشان تطلع الناتج النهايئ من cc إلى اللتر أقسم على 1000 :)

بالنسبه للـ 240 هذي سمعته من كبتن بالقصيم راعي ترهيم

وفيه واحد سالته من المهتمين بالجموس عندي بالمسنجر قبل شوي يقول 220 بعد

ويقول الرجال انه الارقام هذي 454 و 502 تدل على الكيوبيك انش تضربه برقم يقول انه 16.285

ويطلع لك حجم المكينه بالكيلوا جرام مافهمت الصراحه عليه واجد

لكن هذا اللي طلع معي

وبالنسبه للموقع اول مره اسمع به حتى الرجال نفس الشي

مممم...والله ابتلشنا بهالتسميات,,,,الحين 511 ابعرف من وين جات؟ لاهي سعة المحرك ولاهي قوته بالحصان! والله الواحد افتر مخه :D
بس معقولة ال 454 ينتج بس 240 حصان فقط؟ مع انك تحس ان الجموس القديمة ممكن يسحب له بيت ماعنده مشكلة
اجل اكيد العزم او التورك فيها مهبول....لان 240 حصان عادية والحين حتى السيارات السياحية مثل الباجيرو اكثر منه (انا حاس من زمان ان باقي علي شوي وانطق بس ماادري من مين :D )

طيب السؤال اللي يسدح نفسه بعنف.....فيه موقع يجيب لك قوة محركات السيارات الامريكية بجميع انواعها وسعاتها وموديلاتها؟ يعني كيف تعرف ان ال 454 قوته 240 حصان؟ موب تشكيك بمعلومتك لاسمح الله لكن للاطلاع فقط لاغير
وماقصرت ياولد وايل اعطيت هالموضوع نكهه ورونق خاص|1|

رفيع لاشان تراها ماهي 502 حصان

الـ 454 تنتج 240 حصان تقريبا :D يعني لا يروح بالك بعيد بس عز الله انها مكاين جباره

وبالنسبه للطعس اللي موجود في مقطع اللاندروفر

فيه مقطع انا حاطه لربع باترول عليه نوس وطلعه

ومقطع ثاني تندرا تويوتا 2007 مكينه 5700 شد بلد طلعه الذيب كله على نفس الطعس

فقط لزياده المعلومات :D

من زمان وانا ودي اعرف هالمعلومة ....وربي جابك ياذيبان |1|
بس الحين 502 عدد احصنة المكينة؟ معقولة من زمان واصلين لهالقوة؟
والله المكاين الامريكية جبروت منذو مبطي ...وبعذرك يابو اسد يوم مطيّح عندها :D

يعطيك العافية ياولد وايل
ماشاءالله عليه...طيارة
واعتقد ان ميلان المرتفع اكبر بكثير مما يبدو والدليل لاحظ الموتر عند النزول وانزلاق الكفرات مما يوضح انها منطقة بالفعل صعبة لكن مع المكاين المعدلة مافيه شي صعب :D

سلمت الايادي يابطل |1|

هذا مقطع لإنفنيتي qx 56
بايعهاااااااا صح
[YOUTUBE]2XsVf_bU5c8[/YOUTUBE]

والله ياانواع المدح باللاندكروزر :D

كلام سليم يامطول الغيبات

بالنسبه لمكينة الـ 511 قد سمعت اهل امن الطرق يقولون مافيه شي اسمه 511 بس ربعنا هم اللي شطحوا فيها
والا اصلا هي 502 مثل ماقال ابو اسد وتجي نيكل قد شفتها بعيوني شي فوق الوصف على موتر بلحمر البليزر الله يذكر بالخير

عموما المحركات الامريكيه البيق بلوك اسطوريه ولن تتكرر وحسافه على الـ 8100 اللي وقفوها
كانت بيق بلوك الالفيه الجديده |4|

^^^

7.4 لتر هو 454 يا حبيبي صالح :) وليس 511 وعلى فكرة الناس يسمون 511 و512 تسميه لمحرك أكبر لكن رقمها الحقيقي هو 502 وحجمها 8.2 لتر!!!

السلام عليكم

بالفعل موتر جبار ما شاء الله

محرك 7.4 هو نفس المحرك المسى بالعامية ب 511 ان لم اكن مخطئ

برادو
[YOUTUBE]ZBxiHrdQcNA&feature[/YOUTUBE]
لاندكروزر
[YOUTUBE]l07HPA3gsxE&feature[/YOUTUBE]
[YOUTUBE]VF5iAgH-mts&feature[/YOUTUBE]

هذا اهداء لك يارفيع الشان وللجميع

[YOUTUBE]Zh09UT_H6Ac[/YOUTUBE]

لاندروفر 7.4 لتر مرهم طبعا لكن مادري وش نوع مكينته اول مره اسمع بمكينه بهالحجم