بخصوص قطع 2500 عادة محركاته يا 6 لتر أو 8.1 لتر الي هو 8100 لكنه مستبعد جدا أنه يكون بهذا المحرك لأن الوكيل ما يطلبه لكن ان بغيت تتأكد عندك طريقتين ناظر من الخلف أن كان مكتوب 8100 فهو فعلا هو وفيه طريقة مؤكدة أكثر أفتح كبوت السيارة ثم ناظر المكينة بتلقى قطعة بلاستك تغطي المكينة مكتوب عليها فورتيك ناظر هي 6000 ولا 8100 وهي تكتب على حجم المكينة بـ سي سي :)
بخصوص أنه دبل أرضي فعادة يكون نوع سياحي يعني SL وليسه النصف فل SLE بس مو شرط لأن بعض الأحيان ونادر جدا تصير أن SLE يصير فيه قير الدبل يدوي يعني أرضي مو أزرار
وبخصوص الوزن فهو ثقيل لكن قوي جدا وهو مخصص للتحميل الثقيل جدا وللجر الأوزان الثقيلة أيضا لكن في المراقي والمرتفعات مو شرط يكون أحسن من قطع 1500 لكن مثل ما قلت لك مو شرط يعني حالات يكون أقوى حسب السواق وأن كان غمارة فبيكون ممتاز في التطعيس
بخصوص السعر بصراحة ما أقدر أفتيك فيه لأن خبرتي فيه ضعيفة جدا لأني من زمان ما صرت أشوف أسعارها المستعملة لكن قد يكون في حدود 75 ألف ومو متأكد لأني من زمان ما صرت أسئل عنه طبعا أتكلم عن الوارد السعودي مو الأستخدام الأمريكي
بخصوص الي في الرسمة تراك حاط قطع 1500 وليس 2500 :)
