بصراحة طفح الكيل من بعض الردود التي تنم على ما نقول جهل،لكن عدم معرفة تامة والنظر من منظار ضيق جدا!
قبل لا أبدأ في الرد حبيت أنوه عن شيء
لا أنا ولا من وقف في صف الأوريون لنا شيء من أرباح الشركة
وكذلك نفس الشيء لأصحاب الأزيرا
فلماذا نتعب نفسنا في النقاش !
طبعا فيه ناس كثيرة بتشاهد ردودنا وبتبني رغبتها في اقتناء سيارة عن طريق ما نقول
فا احنا بنحاول نبين مزايا وعيوب السيارتين وكل شخص يشاهد الموضوع يشوف اللي يصلح له
فليش ندخل السيارات الغير متوفرة عندنا في الموضوع!
أي شركة ولنفرض هيونداي ممكن تخلي الأكسنت بمواصفات الجينيس!
هل نقدر نقارن وقتها بين الأكسنت واليارس؟
كمان لو بنقارن السيارات الغير متوفرة في أسواقنا
لا كان اللكزس اللي يملكها محمد عبداللطيف جميل شخصيا لا تقارن بأقل من المايباخ!
مع إن الـ460 فل كامل تقارن بجنط المايباخ فقط!
فأنا أشوف إن الكلام في سيارات غير موجودة عندنا كلام ضايع لأنه حتى الجودة تختلف مو بس المواصفات
ثاني حاجة سالفة إن الأوريون كامري V6
طيب الأوريون من أي شركة؟ والكامري من أي شركة؟
مو كلهم تويوتا؟
طيب يعني التصميم ما نسرق من ماركة ثانية
بعدين الشيء هذا في صالح الأوريون مو ضدها البته
ومن الشرف للأوريون بأن تكون شبيه لأقوى سيارة عرفت بالتحمل وأكثر سيارة بعد اللاندكروزر في ثبات السعر
والكامري سيارة ما عليها خلاف وتاريخها أنظف تاريخ وهو السبب الرئيسي في انتشارها في الشوارع ونص اللي اشتروا الكامري اشتروها عشان اسمها فقط
لكن يعيب الكامري قلة المواصفات والانتشار الفضيع والقوة المتواضعة
فجات الأوريون لتحل جميع هذي المشاكل من مواصفات عالية وشكل متميز وقوة جبارة ولتحافظ على مزايا الكامري
فما المشكلة في كون الأوريون كامري؟
اتوقع كلامي منطقي وما فيه غموض
وإذا كانت الأوريون كامري مفخمة
فالأزيرا سوناتا مفخمة
هل نقص من مستوى الأزيرا شيء؟
ثالث حاجة سالفة الفئات
أنا ما راح أنتقد هذه النقطة تهربا من أن الأوريون من فئة الأزيرا
لكن ما الفائدة من تحديد الفئة؟
الأفالون فئة أعلى من الأوريون بطبيعة الحال
لكن لو خيرت بين أفالون XL(طبلون رمادي ـ تشغيل بمفتاح ـ مقاعد قماش)
وبين أوريون جراندي بشاشة
ايش راح تختار؟
لو بنأخذ بكلام البعض كان أخذنا الأفالون بحكم إنها فئة أكبر
لكن ما نشوفه بالشوارع عكس كذا
وما أظن أبدا إنه فيه واحد يعرف الأوريون ومايعرف الأفالون عشان ما يكون سبب
وبعدين على أي أساس يتم تحديد الفئة؟
كل واحد له أسس ومبادئ يقدر يحدد فيها نوع الفئة
يعني مثلا كابريس SS ولكزس IS
سيارتين بنفس السعر تقريبا
لكن من الصعب تحديد أيهم أعلى فئة
فيه ناس تقول الكابريس أعلى لأنه أكبر بكثير من اللكزس
وفيه ناس تقول لا اللكزس أعلى لأن الشفر حده تويوتا واللكزس شيء أعلى
المختصر المفيد:النقاش المفيد الذي فيه يحدد أي السيارتين هي الأفضل للإقتناء لكي يستفيد الكل ويشوف اللي يناسبه
عشان كذا أنا راح أعلق على الموضوع من أيهم أفضل للاقتناء وبس أما مواصفات خارجية وفئة وغيره مايهمني
ولو إن مواصفات الأوريون في المقطع غطت على مواصفات الأزيرا (اللي يتكلم بها البعض مع إننا ما شفنا مقاطع ولا صور لها)
الأوريون أفضل للاقتناء والاستخدام من الأزيرا للأسباب التالية:
1ـ من ناحية الشكل فالأوريون تجمع مابين الشكل الرياضي والفخم لكن الأزيرا تميل للفخامة فقط.
2ـ الأوريون أرخص من الأزيرا بحدود 11 ألف يعني لو واحد ذكي ياخذ جراندي بدون شاشة (100ألف)ويطلب من الشركة تركيب الشاشة المتناسقة مع الديكور قيمتها 5 آلاف بيصير سعرها 105 لكن الأزيرا يوصل سعرها 116
3ـ تحافظ على سعرها أكثر من الأزيرا .
4ـ توفر قطع الزينة للسيارة في المحلات.
5ـ الياباني بشكل عام أضمن من الكوري
6ـ قطع التويوتا متوفرة عكس الكوري اللي بعضها بطلبية
7ـ صيانة التويوتا أرخص وأرقى من الهيونداي حتى لو واجهتك مشكلة في السيارة ورفض الفرع تصليحها على الضمان بس اتصل على هالرقم 8002444400 واضغط رقم 3 وفضفض لهم وعلى قولهم ما يصير خاطرك إلا طيب
بذكر قصة حصلت قبل اسبوع
أنا اللي معي أوريون تورينج أقل نوع 2007 وبصراحة الجنوط شكلها قبييييييييييح جدا طبعا في 2008 غيروها وأرحم من اللي معي
المهم ما قدرت أستحمل الوضع وأول ما خرجت السيارة من صيانة 1000 على أقرب محل زينة وأطق جنوط لكزس
بعد ماركبت الجنوط بفترة صرت أحس برجة في الدركسون
المهم مالكم بالطويلة
وأرجع الجنوط شد بلد وأدخلها الصيانة وكلمتهم على الرجة
بعد الكشف طلعت المشكلة من الهوبات تحتاج خرط وبتكلف 350 ريال ومسمار ما أدري حق ايش بيكلف 180 ريال
قلت له عالضمان قال لي لا مايشمل) قلت يصير خير وأول ما أخرج اتصلت على الرقم المجاني وقال لي ما يصير خاطرك إلا طيب
وأتصلوا علي قالوا لي راجع الفرع وأول ما جيتهم صلحوها وما خذوا مني ريال
ما أتوقع إنه الناغي ولا المجدوعي يسويها
على العموم هذا اللي عندي والسلام عليكم
