شريت فورد فكتوريا 95

الله يعطيك العافية أخوي أمير

الموضوع قديم بس راعي المرور "عابدحر":a120(89):
عمل له ابديت

الحين تطورنا صارت المشكلة في الجير اذا كان على p وحطيته على R يطلع صوت طقة تزيد إذا صارت في مكان غير مستوي

وش تتوقع منه؟




اشوى انك في الأحساء :emot96:

السياره مافيها ديلكو لانها صاارت نظام حساست حساس كام وحساس كرنك يعوض عن الديلكو

أخوكـ

الله يبارك فيك اخوي بس اتبه لاتفحط ترانا في المرور واذا شفتك بعطيك مخالفه ولا اسحب السيارة

الله سلمك يالغالي
نظفت حساس الهواء وباقي تطفي أحياناً

بروح أفحص منظم الريس وأمرنا لله |5|

وباقي فيها كتمة بسيطة في المكينة :(

وحبيت أسأل وزنية الدلكوا وش فايدتها

هههههههههه

بعد الي صلحته فيها أحس اني شاريها من الوكالة (ماشاء الله)

عشان كذا بخلص الأشياء البسيطة الي فيها وبعد ما اهجول فيها أروح اضبط الصدامات والإسطبات

كان عندي بعض الإستفسارات ما جاوبتموني عليها

مشكووور اخوي مؤمل
والسياره اذا تبي تعطيني اياها ببلاش افكر ولازم افحصها<<<<<<<يتشرط

السلام عليكم

صدقتوا يالحبايب

الحساس الي عمل له تنظيف طلع حساس الهواء

أخوي ابوحرب السيارة زينة وصرفيتها بالبنزين حلوة

بس خذ وحده نظيفه ومفحوصه زين عشان ما تتعب مثلي حتى لو يفرق معك السعر
انا استرخصتها وتعبتني مثل ماتشوف
أمس صلحتها ب1250 ريال

وباقي تغيير جلد المقصات ومسمار التوازن شغل اليد ب400 ريال

بعد ما غيرت جلب الجير طلع السلك الي يوصل من الدريكسون للجير خربان
يعني الي قالي المشكلة من السلك ما كذب
والي خرب السلك إن الجلب تكسرت فصار العصا يروح ويجي لين كسر بلاستيك السلك
للأسف قيمة السلك 370 ريال

وقالوا عشانها امريكية اعمل لها برمجة ويروح منك صوت القرقعة او الجرجرة مثل ما يسمونها ب300

بكذا تلاحظ صاير السعر 11500 + 1250+ 400+370 + 300 = قريب 14000 ريال
وتبي اسطبات انوار خلفية ورش الصدامين الخلفي والأمامي

إذا حصلتها ب14 أو 15 نظيفة توكل على الله

واذا تبي تشتري مني بـ 13 ألف قولي عشان أفكر قبل أصلح الباقي وأرفع عليك السعر |10|

مبروك اخوي على السياره
وطحت بسياره منتهيه مره<<<<<<خخخخخخخخ
بس وشرايك بالسياره عموما هل هي زينه تنفع ان الواحد يشتري مثلها<<<<<<<بس نظيفه خخخخخ
لان ودي اشتري مثلها بس قراند ماركيز وشاريك بالسياره من ناحية القوه وكل شي وصرفيه البنزين
وشكرا

طفية السيارة طبيعية لأني كنت لاف الدركسون على الأخير ومو ضاغط بنزين
يقولون شي طبيعي تطفي

أخوي ماتطفي السيارة مهما كان

عندك حساس الهواء خرباااان

اخووي المفروووض عاادي انه حتى لو مادعست بنزين ماتطفي سياارتك حتى لو انت موب ضاااغط

بنزين واذا مافهمت ياليت توضح اكثر اخوووي

السلام عليكم

أشكركم على تفاعلكم أحبائي

حبيت اعطيكم فكرة عن الموضوع

وديتها أمس لورشة محترمة على قولكم عملت لها فحص كمبيوتر


قالوا لي انها محتاجة تغغير حساس التيمن (اسمه قريب من كذا نسيته :D ) وتنظيف حساس fgr مع تصفية مكينة (بواجي - أسلاك بواجي - صفاية بنزين - تنظيف بخاخات) كل هذي شغل اليد بـ 300 ريال.

الجير تغغير فيه الجلب الي بعلبة الجير ب200 مع القطع
برمجة حساس tcc في الجير ب200 ريال (مدري ليه يبرمجونه ما اعرف فائدته)

خليتهم يشتغلون على هذي الأمور

باقي جلد المقصات السفلية + مسمار توازن يمين
قالوا لي شغل اليد ب400 ريال وما علمته أحس انه غالي وانا خلصت فلوسي :rolleyes:

في صوت جرجرة مع دعس البنزين يقولي هذا عادي تسوي للسيارة برمجة عشانها أمريكية وتصير زينة ب300 ريال ((ما عملتها))

القطع قلت له انت اشتريها أصلية لاني ما اعرف وين احصلها
بعضهم يقولي غلطان عشان السعر بيكون زايد ومو مضمون يمكن يحطون تجاري
بس ما عندي حل

بعد كذا بوديه اغير لها زيت وسيفون وزيت جير وفرامل وكل الزيوت عشان تصير استعمالي واعرف وش زاد وش نقص

1 - الزيوت اي نوع استعمل لأني شفت كل واحد ينصح بنوع
2- أبي استشيركم وين اغيير جلد المقصات ووين اعمل لها برمجة وهل هي ضرورية؟؟
3- مستقبلاً إذا بغيت اغيير اللمبات الي ورى لأنها تجاري . الصدام الخلفي اعمل له رش لأنه متقشر , الصدام الي قدام فيه خياطة (مسوين له عملية من قبل) ويبي رش
تنصحوني بشي أو محل معين قبل؟

أخيراً اذا عندكم مواقع او مواضيع تزيد ثقافتي في السيارات شوي لأني مثل ما تعرفون عليمي ما اعرف شي

الأخ M~أمير بكلمتي~M


عادي لو أضغط بنزين او لازم كذا؟؟:D

يالغااالي اما بالنسبة اذا لفيت الدريكسوون لاخر شئ وتطفي

عندك مشكله في حساسات الهوااء او منظم الريس بالعااميه

هذا انا عندي الف الطااره لااخير وعاادي السيااره تمشي موب تطفي طبعا ماني ضااغط بنزين

حاول انك تشيك عليها وامرها بسيط مثل ما قلت لك من قبل وربي يعطيك خيرها ويفكك من شرها

أخوكـ

الله يعطيكم العافية

عملت لها امس وزن أذرعة
وراحت الحذفة منها

شيكت على الجير
قالوا هذي علبة الجير يبي لها تغيير (جلب)
القطع وشغل اليد ب300 ريال بالكثير
بس ما سويتها لانها يبي لها نص يوم
بوديها مرة ثانية
وطلعت هذي مشكلة عادية موجودة في الفوردات على قولة الميكانيكي :rolleyes:

طفية السيارة طبيعية لأني كنت لاف الدركسون على الأخير ومو ضاغط بنزين
يقولون شي طبيعي تطفي


والأمور الباقية بشييك عليها بعدين إن شاء الله

تحية أوجهها للجميع ,,, |3|

ياااااخي انا اقولك الاصوااات لها اسباااب كثيره موب وااحد

وانا ماقلت لك يعني انها خرباانه كلها ماداام انك قلت مع الفااات ان شااء الله بسيطه شيك على الركب

اذا كاان لها مشااحم وانت بكرااامه شحمها واذا كاانت لا حاااول انك تشيك عليها

أخوكـ

السلام عليكم

أشكركم أحبتي على ردودكم السريعة
وأعتذر عن التأخر في الرد عليكم

وبالنسبة للتفتفه يقولون من البواجي
وللأسف ما فحصتها قبل لأنها كانت تحت الميكرفون

والله يستر لا يكون الي قلتم عنه

وبالنسبة للتدريب أمس بغيت أحك كم سيارة ورقيت رصيف بس ربك ستر


بالنسبة للجير المشكلة ما تثبت العلامات p n r d
يعني تعشق ولا تدري وش سويت ريوس أو N أو D أو D2
العلامة ما تكون ثابته صح على الحروف
ومو ثابت في التعشيق يعني ممكن تعشق بخفيف من P عشان تروح R ويوديك للN أو D
وتضظر ترجع تدور الي تبي تعشق له

قالوا لي هذا سلك يتغير بشوف له حل اليوم إن شاء الله

الصوت مع اللفات يجي ومو دايم يعني ان شاء الله ركبة
بحاول أشيك عليها قبل ميزان الأذرعة


وياليت الأحبه الي من الرياض يدلوني على ورش زينه أشيك فيها
وأصلح فيها السلك
والمكان الي اشتري منه القطع
وياليت تكون رخيصه لان كان معي 12 ألف وخلصت الحين انتظر الراتب عشان أضبط فيها بعض الأمور

وما أخبي عليكم أمس جالس أحاول أدخلها بموقف بين سيارتين وفاتح عيوني على السيارة الي على اليمين واليسار وامشي مثل النملة طفت وعيت تشتغل
يمكن عشان ما ضبطت على N أو P وقت التشغيل

وجيت مرة ثانية اوقفها بالريوس وطفت مرة ثانية
احس إنها محتاجة كلتش عشان ما تطفي خخخخخخخ

هذا الشي أقلقني



الله يبارك فيك اخوي



والله ياخوك المشاكل ما شفتها إلا بعد ما شريت
الله يبارك فيك



الله يبارك فيك أخوي
بس ياخوك ما خليت شي ما قلت لي غيره
الله يستر بس



الله يعطيك العافية أخوي



مشكور أخوي على مرورك الطيب والله يعطيك العافية



الله يسلمك أخوي

--

الف الف مبروووك
اذا انت مرتاح للسيارة لا يهمك السعر الدنيا ما تسوى وانا اخوك المشاكل اللي في السيارة صلحها وربك كريم

الله يعطيك خيرها ويكفيك شرها

بارك الله فيكم يا اخوان ما قصرتوا

بالنسبه للقير حاول تفحصه عند مكان متخصص إحتمال تكون شغلته بسيطة

والسعر بنظري مناسب إذا منظر السياره ومحركاتها بحاله جيدة

ومبروك اخوي الله يعطيك كل الخير ويدفع عنك كل الشر

وبالتوفيق ,,,

اذا البدي نضيف والمكينه والقير والدفرنس سليمين من الاعطال يعتبر سعر السياره ممتاز جدا

وعشان تريح راسك غير البواجي + اسلاك البواجي

سوي لها تصفيه مكينه

وبالنسبه للفضاوه ماني فاهم قصدك زين ومادام انها شغله سلك غيره وريح راسك

وبالنسبه للطقه اللي تحت شيك على الجويزات وعلى جلد المقصات وغيرها

ولاتنسى تغير الاقمشه وتخرط الهوبات وغير سير المكينه


وان شاء الله كذا يرجع الموتر مثل العسل

والله يعطيك خيرها ويكفيك شرها