عين ما صلت على النبي .. ارجو افادتكم :(

اخوي اولا حمد لله عـ السلامه

يروح الحديد اهم شي الروح ..... اعتقد انهم المفروض يستبدولها لك لان قيمة الضرر عاليه .. اعتقد اخوي ان لك الحق انك تتطالب بسياره جديده بديله

انا صديقي صار حادث على السوناتا حقته بعد الحادث باع السياره تشليح بـ30 الف واخذ من التأمين 15 وكمل عليها حوالي 5 او 6 وراح طلع وحده جديده

الله يعينيك اخوي ويوفقك

الحمدلله على السلامه اخوي

بالنسبة لسيارة انت طبعاً ماتتنازل عن شئ وهل ابلغت بنك الراجحي بذلك وهم بدورهم اعتقد

يبلغوون شركة التامين الى مؤمن على السيارة طبعاً الشغل اصلاح في الوكالة وعلى حسابهم

طبعاً الى اعرفه ان يلزمك اظن دفع مبلغ فقط 500 او 1000 ريال مانى ذاكرها بالضبط

ولكنها قيمة فتح ملف اظن تسمي

ام اذا تعذر اصلاح السياره فسوف يبدلون لك السياره

تقريباً هذا اقتباس من مشكله صارت لاحد الزملاء مشتري سيارة 2007 نظام ايجار المنتهي بالتمليك

وصار له نفس المشكله وكان حادث واظن تكلفه الحادث تجاوزت 47 الف حسب ماذكره

وقد تحملته شركه التامين

طبعاً الكلام له مايزيد عن سنه تقريباً

واخيراً لبحمدلله على السلامه وهذا اهم شئ وانا اخوك

الحمد لله على السلامة وكمان الحمد لله على كل حال وزي ما تفضل الأخوان لا تصلحها إلا وكاله .
اتمنى لك التوفيق .

مادري كيف هي الانظمه المتبعه عندكم بس عندنا الي عليه الغلط يصلح او شركة التامين الي سيارته عليها يصلح للمتضرر
او تقدر قيمتها بمبلغ معين

واذا ابتعدنا عن القوانين شوي وتكلمنا عن فائدة التصليح من عدمة لو كان التصليخح في الوكالة يفترض ان فيها فنيين متمكنين
وقطع غيار متوفره ومن الطبيعي يرجعون الاير باق الهوا مثل ماكان ولاكسلات تتصلح وكل شئ يتصلح و الحمد لله على السلامة

الله يعطيكم العافيه

انا ماخذ السياره من تمويل الراجحي للسيارات الجديد للعلم

والله الى الان محتار والله يكتب الي فيه الخير انتظر تقرير المرور يصدر

وبواجه شركه التأمين التابعه لبنك الراجحي ونشوف وش تاليتها

ابو خالد .. الرجال مشتري السيارة من شركة بنظام التأجير المنتهي بالتملك ...

انا أنصحه انه يحاول في شركة التأمين .. بأنهم يبدلون له سيارة ... وترى يا مقهور راح يماطلون فيك .. يعني بتطق 3 شهور الى 6 شهور الى سنه ما عطوك سيارة .. عشان بس يمرمطونك لين تطفش واذا ما طفشت عطوك ..

لكن ما عليك انشب لهم انشب لين يعطونك سيارة ... والله يعينك يالغالي والحمدلله ع السلامة ..

لاتصلحها وكاله صلحها خارج الوكاله أرخص بكثير .

وعندي معلومه أذكر واحد أخذ لكزس 430 موديل 2002 بحري من محل تأجير وراح عليها للشرقيه وصدم عليها وانعدمت ولم يكلفوه بتصليحها وإنما أخذوا قيمة الإيجار وأظن 500ريال زياده بس على كلام صاحب محل التأجير والسبب أن محل التأجير مؤمن عليها

وتأكد بعد : كل محلات التأجير مؤمن على سياراتها لأنه مطلوب عليهم ومفروض عليهم يعني لاتستعجل تصلحها حاول فيهم قل كل محلات التأجير مؤمنه على سياراتها لأنهم بعض المرات يقولون نحن لم نؤمن على سياراتنا حتى تحافظ عليها يعني يكذبون الله يهديهم

ولدي سؤال/ من أي تأجير أخذت السياره؟

الحمد لله على السلامة

اذا كان الضمان على الوكالة صلحها وبعدها

على اقرب معرض ( السيارة اذا انعفست انعفست )

ولا تشتري سيارة وكالة
بعدين يقولون ول ول باع سيارة وكالة واشتري غيرها وكالة

الله يكفينا واياكم شر الحسد والعين ......... اللهم آمين

ومرة ثانية الحمد لله على السلامة

الله يسلمك اخوي بي ام

ومشكورين اخواني الي ردو

اانا توني جاي من شيخ المعارض وانصدمت بتقديره للسياره بأن تكلفه تصليحها 30000

حسب تقديره وقالي اشوف انك تطالب التأمين بسياره بديله

مع العلم اني ماخذ السياره تآجير منتهي بالتمليك

افيدوني وش الحل ............؟؟؟

واكون شاكر

صلحها وتوكل على الله

يعني لو بدك تبيعها .. لازم ينقص من سعرها
وبما انها تحت الكفاله .. صلحها حسب رايي
وبالتوفيق

صلحها واذا عجبتك استخدمها واذا لا بعها

وصلحها وكالة لأنه حسافة تخليها بيد اصحاب الكراجات

تحياتي