رأيكم يهمني , رانج روفر أو لكزس LX570

وش هالموضوع المغبّر

من اللي رفعه الله يهديه :)

و اقول مبروك اللكزس اكيد انكم اخذتوه

كل الموضوع تصويت على اساس خدمة وكالة فقط ماشفنا مقارنه على أساسيات السياره والتصويت والمعادله بهذا التصويت مغلوووط وغير مقبول

الواحد صار يصوت بأسم السياره وليس من واقع تجربه وهذا تصويت غير صحيح


رايي الشخصي


وشكرا

والله اللكزس احسن واضمن

مافي مقارنة بين الرنج والكزس ....... الرنج طبعا اقوى من جميع النواحي واكثر تقنية ومعروف هذا الشيء ...... لاتنسى ان الكزس ينزل بالاسواق اليابانية والفلبينية وعموم آسيا تحت شعار تويوتا لكن ينزل عندنا تحت شعار لكزس لعبة الشعارات تعرفها اكيد

اذا تبي القوة والمتانه والنصبة والتشخيص خذ الرنج

يالغالي أنا ماكتبت هالموضوع إلا بأخذ راي الخبراء ومالكين هذه السيارتين ...

الله يعطيك العافيه ورأيك وكلامك على عيني وراسي ...

بس حلوه سالفة اخذ فيها لفه بس بشرط آخذك معي :D



شكراً على المرور أخي الكريم ....

تحياتي

أنا عن نفسي أفضل اللكزس


ودمتم سالمين

اللكزس الجديد أصبح ينافس السيارات الفخمه مثل الرانج روفر والدليل شوف أغلب الردود بهذا الموضوع ترشح اللكزس LX570 ...

شكراً لك على المرور وتقبل خالص تحياتي ...

السلام عليكم
ياخوي والله من جد يعني شلون تقارن الرانج روفر بالاند كروزر الفخمه(اللي يسموها لكزس 570) يعني والله ما اشوف في مجال مقارنه بين السيارتين واقول انه الرانج افضل واحلى وافخم وبعدين لا تقولي خرابات الخرابات والله الاغلبيه يجيبوها لنفسهم يعني يوم معك سياره وتقعد تطلعلي ارصفه وتدعس وتفحط عليها لابد تخرب يعني لكن لو السياره تحافظ عليها صدقني بتعيش معاك انا مع خالي رانج وماشا الله محافظ عليها والله مريحته ويقول انه بس المشكله انه الوكيل غالي حبتين ولا غير كذا تراالسياره ماشيه معاه تمام واكثر من مره مسك فيها خط المدينه الرياض ولا تعبته ولا شي والله يوفقك وتاخذ السياره اللي يرتاح لها والدك الله يحفظه لك وتريحك انت اذا بغيت تاخذبها لفه ولا لفتين:D

شكراً على المرور والنصيحه أخوي ويعطيك العافيه ...

بس حرام عليك اللكزس LX570 فرق كبير بينه وبين الاندكروزر من ناحية الشكل والتقنيات المتقدمه الموجوده بالللكزس !!

تحياتي

الرنج قطعه جوده قامت بتطويره شركة بي ام دبليو يعني الرنج يتقارن بالالماني ولا يتقارن بالكزس شركه يابانيه واهو ثانيا لاندكروزر مطور مافيه شي زايد

الله يعطيكم العافيه وإن شاء الله أشوف كل واحد فيكم معه السياره اللي يحلم فيها ...

شكراً لكم جميعاً أخواني ...



تحياتي

Lexus is goooood

الشباب كفوو ووفوو

وانا اختار اللكزس

خذ رنج جديد ولايهمك اي كلام تسمعة كثر القيل والقال ما منه فايدة
وترى الرنج خطة الجاية ان شاء الله انا متردد من شئ واحد ان الشكل ممكن يتغير

قبل سنه كنت معزم ابيع اللاند واخذ لي رنج

وكنت اقول لربعي اني ناوي على هالشي ودايما يجيني احباط من كلامهم وتجربة معارفهم مع الموتر

ولاكنت اقتنع نهائيا ودايما ابرر للرنج انه في ايجابيات تغنيك عن السلبيات
الى ان كتب لي الله وقابلت صاحب معرض الجود ابو تركي وسالته هل الموتر يستاهل اني اشريه

بصراحه اعطاني كلام خلاني اغير نظرتي للسياره تماما

الان بالوقت الحالي جالس اجمع راتبي عشان ابيع الموترين اللي عندي واشري جيب لكزس

هالموتر بصراحه من نزل وهو ماخذ عقول البشريه ومن ضمنها عقلي وقلبي |4|

بالنسبه للمقارنه بينهم المواصفات والاعتماديه والوكيل والسمعه والجوده كلها من صالح اللكزس
باختصار تويوتا الجمت افواه المنافسين بالسياره هذي

مابقى للرنج الا انه سياره اوربيه و التصميم الكلاسيكي

ومبرك مقدما والله يعطي الوالد من خيرها ويكفيه شرها

مسألة الوكيل مفروغ منها. عبداللطيف جميل من أفضل الوكلاء في السعودية على الرغم من الملاحظات المتكررة التي تُبدى تجاهه، والتي أصدقها شخصيا.

أما قضية "رقة" الرينج روفر، فهي صدمة لي! كنت مقتنعاً كثيراً بأنه واحدة من أفضل سيارات الدفع الرباعي في العالم!

مكنش العشم ياحسنين |210| !!

نفس رأي أبو أسد وMyName، بدون تردد لكزس.

الرينج الحقيقة سيارة رائعة، ومواصفات خيالية وفخامة خيالية، لكن مشكلته إثنتين:
1. السيارة رقيقة، لا تتحمل القسوة. وهذا بحسب إفادات وتجارب مجلة 4WD الأسترالية.
2. شتان ما بين الوكيلين.

غير أن اللكزس فيه مواصفات خيالية أيضاً ومحركه أقوى بكثير.

أولاً أشكركم أخواني جميعاً ويعطيكم العافيه ماقصرتوا والله ...

ثانياً السياره موب لي للوالد الله يحفظه ولا انا مستحيل أفرط بالـ FJ وأبدله بكسرة رانج ! < - - - بيتصفق ! :D

الظاهر نبي نتوكل على الله وناخذ اللكزس والله يكتب اللي فيه الخير ...

تحياتي لكم