سؤال عن أنوار الفورد !!!!!!!! أرجو الأجابة ؟

ركب زنون وارتاح يارجال

والله انا ركبت زينون خطين وكتاوت ورفعت الشمعات بطريقة من الفلبيني
والان ممتاز جدا لك القزاز عندي بديئ في رفعه (( لان كهربا ءالفورد مشكلة ))

تم ارسال رسالة على الخاص

اخوي فيصل وفقك الله

هل بالامكان تدلني على الكهربائي اللي ذكرته بالغرابي

اخوي الامر بسيط

تركب شمعات مقاس 100 الماني ( شدة الا ضاءة ) لإن اللي مركب فيها تجده 60 او 56 من هالقبيل

طبعا لابد تركب كتاوت مهم جدا و كهربائي السيارت يعرفه وهو لايحتاج الى قص اسلاك وعبث بكهرباء السياره وهو امن ماله مشاكل

من ميزان النور اللي في شمعات السيارة ارفع درجه النور الى اعلى , صدقني حتى النور الواطي اذا كشح على خشة واحد يحسبه العالي يقعد يأشر لك تنزله
على هالاساس لا ترفعه مره وتبلش مع الخلق يدعون عليك:D

انا مركبه في سيارتي لي اكثر من سنتين ولا احلى

يوجد طريقة مجربه وهي افضل من الزنون وهي بان تقوم بتركيب كتاوت وشمعات داخليه

قوة 80/100 الماني اوسرام وضفيره كاملة

بدون تقطيع او عبث بالضفيره الاصليه وهي تباع بالسوق واذا انت من سكان الرياض

فيوجد في الغرابي كهربائي ممتاز اذا اردت ان تذهب اليه فراسلني لكي ارسل لك رقمه

النتيجة : اضاءة قوية وبدون رفع النور وبدون تركيب زنون وتكلفه عاليه

وهذا من واقع تجارب عديده سواء مع الماركيز او الفكتوريا او اي سيارة اخرى

والله الموفق

ملاحظة : تم النقل الى قسم الاستفسارات وطلبات الاعضاء للاختصاص

االحمد لله سياااااارتي 94 موب 98 وانت طااااااالع

والله اني سقت جراند ماركيز 99 حق ولد خالتي ماشوووف شئ وكم مره بغيت اجيب العيد في الخط

اكبس والله محد حولك

اخوي انا مركب على سياارتي كتاوت الضفيره الصفراااااااء وشمعاات كوريه كرتونها ازرق

وحط تحت ازرق مليون خط الانواع الثااني مجربها وربي مامنها فاايد ووزنة النووور

له ثلاث مسامير اثنين بجنب بعض ترفعه فووق وتنزله ووتشد الثاني عكس عشان النور لا يقعد يرج

والثاالث في الطرف حق يطلعه يساااار للنور اليساار او اليمين لليمن

ولله الحمد والمنه اتحدى وااحد يكبس وربي نووور ووضوح في الخط وكم مره سافرت عليه وربي

الواااطي على مد شوووي

والعاااالي امسك خطك (( على مد نظرك )) :D

أخوكـ

^^
حلوه طريقتك .. خاصه ان الزينون ماينفع على الفورد ( أحس الفورد اعلى من مستوى تعديل وزينون وهالكلام ) ;)

اخوي مساك الله بالخير وجميع المشاهدين ( على بالي في التلفزيووون)|6| :D :D
بالنسبه لأنوار الفورد فهي مو مقتصره على الماركيز بل الفيكتوريا بعد....
والحل سهل .................................................
فيه طريقتين ..الاولى.. بالدرل وهذي ما جربتها لكن سمعتها لكنها لاتحضرني الآن
أما .. الثانيه.. فرح طول الله عمرك لأقرب كهربائي خبير وفاهم بالفوردات
وخله يرفع لك النور (هو بيفك النور كامل وبيخرجه ثم يرفع الراس الاسود ويشده بالصواميل ثمن يركبوه لك لك يرفعلكيها عن حده الاول بوضع جلده تحت قزازة النور ثمن يشده لك ..
ويصبح الواطي عندك زي العالي عند الكوامري .............
والله انا مسويها ومرتاح جدا بالسفر وبالمدينه والله ما أقابل احد إلا يكبسلي على باله حاط العالي هو ووجهه................................
أتمنى أكون أفدتك ,,,تحياتي

الحل الوحيد اخوي انك تركب زينون....

معروف نور الفرود بضعف الاضاءه خصوصا بالسفر ويجيك واحد بالخط الثاني خلااااص يختفي نور الفورد وتصير كأنك مطفيه وبالعكس يوم تطفيه يكوون افضل هههههه على الاقل تشوف تلاحظ اختلاف لون الخط عن لون التراب الجانبي يومو يكون شغال النور مثل قلته ويغبش عليك ويصير لون الخط والتراب واحد

ركب زنون ابو خطين وريح راسك

الله يعينك .. هذا حال الفورد انا مثلك والنور بالقوه ينور بالعالي ..
لاكن فيه حل ولا جربته بصراحه .. فيه اسلاك تجي جاهزه يعني لاتقطيع ولا شيء مع الشمعات والكتاوت والشغل ب150 ريال عندنا بالقصيم .. بس اقول لك من الحين ماجربت بصراحه ..

والله يعين

هذي المشكلة موجوده وهذا عيب من الشركة والكل يعاني منها خاصة جراند ماركيز من 98 الى 2002 لكن في 2003 تحسن كثير والله انا مادري ايش اعمل بسيارتي ذبحني الضو ومابغيت اخبص عند الكهربائيه لأن الفورد حساسه كثير يعني تقطيع اسلاك وتركيب كتاوت مايمشي الحال معاها .