أشياء اتمنى تبديلها أو تركيبها بالأزيرا

السلام عليكم

دايما الشيء الحلو مايكمل والكمال لله

في اشياء اتمنى تغييرها بالأزيرا مثل:

1- انوار الطبلون مثل أزرار المسجل او الشاشة وازرار الشبابيك واللمبات حق القير
غير اللون الأخضر لـ أزرق - أو ابيض حتى لو يتغير لون الساعة للأبيض او الأزرق احسن

2- شكل الديكور الخاص بالطبلون لو انه فيه ظل للشاشة عشان تكون واضحة احسن لم تيجي الشمس على الشاشة والساعة وتكون ماهي واضحة يبيلها تظلل بيدك عشان تشوف

3- لو يكبرون الشاشة شوي تطلع على الطبلون اكشخ واحلى

4 - يعدلون في النور العالي ويخلوه منتشر احسن ما يكون متركز في نقطة واحدة انوار الددسن حق عمي مديل82 مثل انوار الأزيرا حقتي اقصد النور العالي
5- يزيدون قوة دفع المكيف للمقاعد الخلفية

أشياء اتمنى اضافتها في الأزيرا:

1- حساسات امامية
2- غسالة أنوار أمامية
3- اضافة الى شاشة المعلومات جهاز انذار خاص بضغط الكفارات
4- مقعد الراكب الامامي يرتفع وينزل ويضاف له الذاكرة مثل مقعد السائق
5- إضافة درج بالوسط للمسند الخلفي يعني يصير ورى الأكواب حق المسند الخلفي للمقاعد الخلفية
مثل الأوبيروس
6- اذا مشت السيارة تقفل البيبان اتوماتيكيا واذا وقف تفتح وفي حالة فتحها والسيارة تمشي لا يفتح
7- اضافة تدفئة للمقاعد وتبريد
8- رفع الشبابيك وتنزيلها مع فتحة السقف بالريموت عن بعد
9- سفط المريات كهربائيا اذا قفلت السيارة بالريموت
10- تكون كل النوافذ الأربعة أوتو تنزل وتطلع بلمسة واحدة ( الي موجود فقط الشبابيك الامامية حاليا)
11- اذا لفيت الطارة تلف الانوار معها مثل الجينسيس :D
12- شاشة خلفية تعرض نفس الي موجود بالشاشة الامامية حتى نظام الملاحة وما تقفل اذا مشت السيارة
13- لو يكون فيها مسجل مع الشاشة مثل اللكزس ES350
14- تخشيبة تيجي على الازرار حق الشبابيك لكل البيبان الاربعة
15- اضافة ميزة اتبعني للمنزل اذا قفلت السيارة تشتغل الانوار الرئيسية الامامية لمدة 20 ثانية ( صاحب الفكرة اخوي عسووول بس قال 5 ثواني وانا ودي لو تزيد 20 ثانية)


هذا الي عندي والي عنده اضافات يذكرني فيها

هل ممكن اقدر اسوي الاشياء هذي بالأزيرا ما عدا شكل الديكور والظل للشاشاة والساعة هذي مستحيلة غير كذ هل ممكن


أخوكم بندر