تويوتا سمعه من لا شي ...

تصدق!

لي ساعة اكتب رد وامسح اكتب رد وامسح

كله بسبب هالنقطة

هذه مشكلتك ياخوي وهذه في علم النفس مرض !!
واسم المرض " عدم الثقه بالنفس "
والعلاج حاول ترسم اي شي وتعبر وتكتب خواطر !!


اخوي صاحب الموضوع ياليت تحدد نقطة وحدة نتناقش فيها

على العموم رايت في احد ردودك انه هدفك من الموضوع أسعار تويوتا المبالغ فيها في نظرك

في الحقيقة احنا نسمع مقولة تقول إن هيونداي تعطيك سيارات افضل بقيمة ارخص

مثل ما انت سمعت مقولة ان تويوتا سيارات ماتخرب

لكن الحقيقة اثبتت ان الكلام هذا كله خطأ

على سبيل المثال الفرق بين الأكسنت واليارس بسيط جدا لا يذكر

قيمة الهيونداي تراجيت 74ألف يقابله تويوتا انوفا 62ألف شوف الفرق

قيمة الأزيرا فل 116ألف يقابلها الأوريون 110آلاف

سلامت قلبك !!
في فرق بالاسعار
وللامانه اانا ماعندي درايه تاميه باسعار هيونداي
لكن كل شخص يقول هيونداي ارخص !! واقرب مثال
انا اخذت جوله بقسم طلبات الاعضاء بالقسم الكوري والياباني
والكل يقول الهيونداي اقل من تويوتا !!
وهم يالتي واحد يطرح الاسعار هنا .
والنقطه الثانيه تراجيت على ما اعتقد انه جيب ! ودفع رباعي
فـ مايصير تقارنه بسياره عائليه صغيره جدا !!

والشي الثاني
ازيرا تعتبر سياره فخمه !!
والاوريون للامانه انا ركبتها بالوكاله والصراحه مافيها من نوع الفخامه اللي بالازيرا
تعتبر افخم من الكامري !!
والازيرا قارنها مع الافلون !!


على ايش الهيونداي تحط ر اسها براس تويوتا مع ان الفرق شاسع بينهم في السمعة

ثاني حاجة في سيارات في تويوتا تعتبر أساطير خلدها الزمن مثل الكامري واالكورولا واللاندكروزر

عاد الوكيل بيستغل الموقف وأكيد رافع من قيمة هالسيارات عشان أسمائها بس


انا حطيت هيونداي على شان اعرف كم شخص بيوجد الفرق الحقيقي
من ناحية الانتاج والافضليه في هذا الوقت الحالي في سنة 2008 مو على عام 85 الى 95
وكتشفت الناس ماشيه على كلام اول !!
وعلى هذا الناس تدري انه مو ياباني !!
وكذالك تدري ان الوكيل الباكستاني عبد اللطيف استغل الناس من حوله واستغل السمعه بشكل كبير
وعلى هذا الناس تمشي وهي نص مفتحه ومشككه على ذالك !!

ولا ايش تفسر ان قيمة الكامري الفل هي نفسها قيمة الأوريون تورنيج مع تشابهم في المواصفات واختلافهم اختلاف كلي في المكينة والقير؟


اقولك انت مناقظ فوق تقارن الازيرا بـ الاوريون والان تقول الاريون متشابه ونفس الكامري
يعني اذا تبي تقارنها قارنها بالسوناتا !!
والاختلاف بالمكينه والقير هذا الشي راجع للزبون !! اولا واخيرا !!

السبب هو ان اسم كامري معروف لكن الأوريون اسم جديد

لا ...
احد الاخوان ضرب مثال ومثال قوي

قال لو اخذنا الافلون كـ مثال وحطينا عليها علامة كيا ونزلنا من قيمتها 25 الف صدقني بتشوفها بس بالوكاله !! قولي مو معاه حق !!

على العموم اللي ابغى اوصله انه سيارات تويوتا المعروفة من زمان هي اللي اسعارها مبالغ فيه لكن السيارات اللي تنزل بأسماء جديدة سعرها فيها


معاك حق السيارات المعروفه غاليه كـ كامري وكورلا ولاند كروزر
ولكن انا مو معاك في الشق الثاني
للامانه انا عاجبتني الاوريون وبقوه بس سعرها مو فيها بحيث انها استراليه !!
ولا تنسى قبل 3 سنوات التجاره العالميه نزلت من قيمة التكاليف للنقل البحري وغيره !!
وكل الوكالات انزلت من قيمة السياره على الاقل 3000 الاف ريال .
لكن عبد اللطيف مانزل !!

نقطة ثانية حبيت انبهك عليها
ان السيارات اللي تجي الخليج تختلف عن اللي في امريكا وغيرها
يعني تقول الدودج في امريكا سمعته فوق
لكن هنا سمعته في الارض
ذلك لسبب بسيط ان سياراتها مصممة للأجواء الباردة عشان كذا تقربع في الخليج لحرارة الأجواء هنا
والسيارة اثبتت فشلها الذريع (في الموديلات السابقة)

صح وكلامك ميه ميه صح
بس انا المثل ضربته لجل اوضح نقطه رئيسيه !! الا وهي الاسعار والمغالاه
في امريكا السياره المتداوله دوج ومع هذا مو مغالين في اسعارها !!
ومع المقارنه بالخليج على تويوتا نشوف مبالغ فيها !!
لدرجة باقي نقول السياره انزلت من السما ^_*


تخيل!
فانات الدودج والكريسلر تباع في المعارض على 5 آلاف ريال! وياليت تلقى لها زبون

انا اول واحد يشتريها بـ 5 الاف .. برخص التراب ^_*
ويكفي انك قلت تخيل !!
وهذا دليل على انك عندك شك ان يكون بهذا السعر |6|


وفي النهاية حبيت احذرك من سيارات الدايو لأني شفت في احد ردودك انك ناوي على كابتيفيا صراحة سيارات اثبتت فشلها خاصة أن الكابتفيا أول سيارةSUV من دايو

بصراحه السياره توها مالها سنتين من تم تصنيعا !!
وانا اشكرك على هذه النصيحه !


وأشور عليك بالسوزوكي جراند فيتارا صراحة سيارة فيها كل ماتتمنى وياباني 100%

والأوتلاندر خيار جيد

وانت حر والله يوفقك لما فيه الخير

ابشر بشوف السوزوكي وانشاء الله خير
وبالنسبه للاوت لاندر شكله .. مافيه الروح الرياضي !!
بس انا مو مستعجل عليه وبشوف السوزوكي انشاء الله اليوم ولا بكره !!
الف شكر لك اخوي على الارشاد

ذكرت صحيفة «نيهون كيزاي شيمبون» أن تويوتا تخطط لزيادة إنتاجها خارج اليابان إلى خمسة ملايين سيارة بحلول عام 2008.
وقالت الصحيفة إن هذا الرقم يمثل زيادة بنسبة 40 بالمائة مقارنة بما أنتجته الشركة من سيارات للاسواق الاجنبية في عام 2005،

وأضافت ان الشركة تخطط لزيادة إنتاجها لأميركا الشمالية ليصل الى 1.84 مليون سيارة، وهو ما يمثل زيادة نسبتها 20 في المائة مقارنة بعام 2005.

وسيدعم الانتاج افتتاح مصنعين جديدين في ولاية تكساس الأميركية وفي كندا.
و في تايلاند. وفي الصين يتوقع أن تنتج الشركة هذا العام 600 ألف سيارة، أو أربعة أضعاف الكمية المنتجة عام 2005.

وفي اليابان تخطط تويوتا لانتاج 4.15 مليون سيارة ليصل إنتاجها العالمي إلى 9.1 مليون سيارة.

ربنا يخليك ياعم <<<< على قول المصريين :D :D

السلام عليكم رحمة الله
اخي الكريم دعني اشيد في كتابتك حيث جذبتني لشخص جاهل في عالم السيارات ثم مالبثت الا ان ادخلتني في دوامة من الافكار احسست فيها ان الشخص الذي امامي ليس بجاهل
دعنا نخش:D

ماعليك زوك ^_*


1-تويوتا لم تصنع سمعة من لاشيئ فان كانت جودتها قلت فهذا حال كل الشركات لكي تستفيد من الصيانة الدورية التي تاتي بعد الشراء

الحمد لله انك قلت هذا حال كل الشركات !!
سؤالي هنا
على اي اساس رفعنا قيمة تويوتا ؟

2-يكفي ان تويوتا اسقطت الصانع الامريكي جنرال موترز من عرشه(سواء رضي عشاقة ام لم يرضو)وهذا بحد ذاته انجاز

اسقطه في عدد الانتاج !!
لكن انا موضوع مو على عدد الانتاج موضوعي يتكلم
تويوتا اللي بالخليج ماعادت يبانيه !! وليه زادت اسعارها ؟
ومع العلم الناس اعرفت انها مو يبانيه ميه ميه !!

3-استغربت حقيقة من وضع الشركات المفضلة باليابان وجعل الهوندا بالاول وهذا كله كلام فارغ الشركة الاولى باليابان هي تويوتا فان لم تكن تويوتا فهي نيسان ثم ميستوبيشي ثم هوندا ثم بقية الشركات

هذا الواقع والحقيقه
وتقدر تتبابع الاخبار بقناة بي بي سي BBC الاخباريه وتشوف
باليابان المفضل هوندا ومستوبيشي وسوزوكي !!
لان تويوتا قل انتاجاها الحقيقي باليابان !!


4-اذا كانت جودة الديكورات الخاصة بتويوتا متهالكة فكيف اذا بديكور قمامة هولدن واستغرب حقيقة من تفضيلك لاس اس على كامري

سؤالي لك .... أنت منو عشان تقلل من شركة هولدن ؟
هذا اول نقطه لازم تحترم اي شي ارفع منك اذا انت ما وصلت للي اللي هو وصله
لا تقلل من قدره !! العالم اللي هو العالم مايقلل من العالم اللي اقل منه !!
كيف انت تقلل من قدره !!
تعقل !!

5-بردودك شتت افكاري فلم اعلم الى الان الفكرة الرئيسة بالموضوع فان كانت السمعة الطاغية لتويوتا قد اوافقك بعض الشيئ لكن بالتاكيد هي ليست سمعة مبالغ فيها بقوة انما اخذت اكبر من حجمها بشيئ قليل

هذا النقطه رقم اثنين تثبيت قيها ان تويوتا لا تستحق !!
من قبل قلت ان كل الشركات تقل جوده والان تعترف بنفسك ان تويوتا اخذت سمعه اكبر بقليل
وصدقني بعد فتره من الزمن بتقول باصرار تويوتا اقل مما يقال عنها !!


6-لكززس فخر تويوتا فاذا انت تقول ازعجونا بنظام القير فمنظمة جي دي باور صنفتها على انها افضل من الصانع الالماني مرسيدس وانا عن نفسي لو خيرت بين الميرسدس واللكزس لاخترتها ولن يردعني الا قوة المحرك

ههههههههه
وانا معاك بختار اللكزس !!
بس هذا مو منطق العقلاء !!
يهمني الامان قبل كل شي ومرسيدس معروف عنها هذا الشي

دعني اقل لك عزيزي كلامك كله بدون حقائق ملموسة فضلا عن حقائق من الانترنت
تدري لي رجعة علشان اجمع افكاري صح لانك شتتها|3|

حبيبي تقدر تراجع الردود وتعرف وش قلنا عن هذا الكلام
مستحيل × مستحيل تحصل ادله من هذا النوع
وانا ضربت امثله واقربها شركة ارامكو
ويااليت تراجع الردود وتعرف !!

5-بردودك شتت افكاري فلم اعلم الى الان الفكرة الرئيسة بالموضوع فان كانت السمعة الطاغية لتويوتا قد اوافقك بعض الشيئ لكن بالتاكيد هي ليست سمعة مبالغ فيها بقوة انما اخذت اكبر من حجمها بشيئ قليل

كلمه اخيره في حقك
انت انسان متفهم وعقلاني
وهذه الشي راح تعرف قيمة في السنوات القادمه انشاء الله
وبتقول الحمد لله اني غير منحاز لتويوتا او حتى ما مشيت على كلام ابوي وجدي !!

ربي يوفقك

حياك الله اخوي عاشق بصراحة حمسنا معاك ...

خلك دووم مو يوم |4|


اللي يقولون ان التويوتا سيارة اعتمادية اغلبهم محللين قيمة السيارة ..

يعني يفحطوا فيها ،،، يقلبوها تاكسي ،، يعطوها لاخوانهم الصغار علشان يتعلموا عليها ...

وبعد ما يطبقوا الـ 300.000 الف او 500.000 كلم يبيعوها ...

يعني بالعربي قيمة التويوتا راح ينزل مع مرور الوقت سواء حافظت عليها او لا واحسن شي انك

تسويها انك تغير الزيت عند اي بنشري ولا تفكر الا بالقطع التجاري ولو عندك اي حكة او صدمة

خليها بس اكبس الرفارف بالمسمار ليين تيجي وتبغى تبيعها سمكر ابوها 100 %

وروح بيعها عند في الحراج ...كذه تكون حللت قيمة السيارة ...


صادق × صادق
انا توني امس متكلم مع ولد جيراني عن هالموضوع
وقال نفس كلامك بالضبط !! قال العن ابوها وكسرها وتالي لما ابيعها بس ارتبها على خفيف وابيعها بذاك السعر !! وانا اقولك والله هذا حرام ... كوني انا شخصيا بعت سيارتي الكامري وبمبلغ محترم
لكن صدقني واقسم بالله احسن فيها ظلم لسيارات الثانيه ولو انا مكان اللي شرا سياراتي ماشريتها !!




اما واحد زيي خلال 10 شهور قاطع 13000 كلم وصيانة ال10.000 كلم دافع فيها 350 ريال ..

تتوقع احلل قيمة السيارة ؟؟؟؟ اكيد لا ....


لا تسألني ... اسال اللي اعتقاده رااااسخ !!!

ليس مكانه المناسب النقاش بهذه النقطة ولكن انصحك بأن تقرأ اكثر عن السياسة والسياسيين بأمريكا لكى تكتشف خطأك بهذا الأمر لأنه لايوجد بـأمريكا سياسى محترم أو نية صادقة :)

انت وياه يالي تقول ان تويوتا افضل الشركات في الجوده والاعتماديه
هذاك اول يالحبيب الان خلاص شف الكامري 2007 والهايلوكس صدامات متفككه
اصوات وخرابات مالها اول ولا تالي
تويوتا طمعت بتقليل كلفه الانتاج على حساب الجوده وهذي نهايتها
بدئت تفقد ثقه الناس شيئا فشيئا
تويوتا لازم تراجع نفسها ومخططاتها
وان تحاول ارجاع ثقه العميل بها وانت تخرج لنا بسيارات متينه وقويه
قال ايش قال كامري2007

هذاك اول يالحبيب الان خلاص شف الكامري 2007 والهايلوكس صدامات متفككه
اصوات وخرابات مالها اول ولا تالي

تويوتا طمعت بتقليل كلفه الانتاج على حساب الجوده وهذي نهايتها
بدئت تفقد ثقه الناس شيئا فشيئا

تويوتا لازم تراجع نفسها ومخططاتها
وان تحاول ارجاع ثقه العميل بها وانت تخرج لنا بسيارات متينه وقويه
قال ايش قال كامري2007

بغض النظر عن ا>ا كان كلامك صحيح او خاطئ انا ماقبل تويوتا

وعندي فعلا هونداي افضل

[SIZE=6]وفي امريكا الرجل المحترم يتعب حتى يوصل نيته الصادقه للناس
[/SIZE]

تسلم ... قول ماشاء الله :D






















لا ياخوي ... لا زم تاخذ فكره عن كل شي !!
تدري ياخوي هذا عيبنا احنا العرب ماعندنا درايه تامه بالشي
لازم نكون واعيين للي يصير من حولنا
بالله بكرا اطلعت شركة رديه من الفلبين وعرضت على تويوتا تضع اسمها
على المنتج بمقابل مبلغ خيالي وبمدده قصيره وتالي تسحب وتصير شركه لحالها
واقرب مثال دايو مع شفرو ليه !!
لازم نكون صاحيين !!












حبيبي مو كل الناس دخلهم المادي عالي او حتى متقارب !!
شوف انا ابصم لك بالعشرين مو بالعشره !!
لو احنا عندنا حسن تصرف بالمال اقسم بالله بالاجل
كان شفت الناس تلجاء لسياره ذات القيمه الجيده والمناسبه لما تحتويه السياره


























جشع الوكيل ايه ... اما الشركه الام ما اعتقد
لان شركة تويوتا تاسست على مبداء الصدق والثقه
اتذكر في دعايه قديمه لتويوتا عن سيارة والله مو ذاكر اسمها بس مو كرسيدا !!
المهم محتوا الدعايه هو الصدق مع العميل بحيث انه حنى عطيناه الجوده
وهو عليه يقيمنا .. هذا اللي اتذكره من الدعايه !!
اما دعاية الحين اللي يسويها الباكستاني عبد اللطيف
تعتمد على تزيين السياره بعيون الناس فقط !!












ونت صاادق .. اتمنى من الناس تفتح عقولها ولو ساعه وحده باليوم !!












[/CENTER]

أنشاء اللة تكون تفهمت السبب

التويوتا يبقى عالي وما فرقت معي ولو صناعة السيارة اخس صناعة اهم شي السيارة

مرتاح عليها

\/ \/ \/ \/

احس اخوي انك فتحت موضوع لا نهاااااااااااااااااية له ....... فالآراء متعددة و الأغلبية لصالح تويوتا :confused:

تحياتي|3|