السلام عليكم ورحمة الله وبركاته ،،
أحب اقولكم تجربتي المريرة مع التفتفة والتقطيع لسيارتي الفورد 2001
انا كنت أواجه مشكله من بعد مانزل اوكتين 91 عبيت من يومها وبعد كم شهر ،، قمت الاحظ التفتفة والتقطيع بس مشيت الحال قلت مو مشكله ،، والسنة هذي وبالذات مع دخول الصيفية الوضع زاد عن المألوف وقلت لازم تشوف لك حل يبو أحمد ،،
رحت مسيكين يم إحدى المراكز وفحصو السيارة ،، قالي الله لا يهينك 8 كويلات وبواجي ،،
سم طال عمرك وش بعد ،، خلاص هذي بس ،،
والله واحط رجلي واروح يم القطع واخذها بحوالي 1000 وزيادة غير شغل يد الورشة ،،
يعني ماغير انفض اللي بجيبي ،،
واطلع السيارة اليوم الثاني ،، واستغرب وشلون مايصير ،، هذا وانا باقي مطلعها من الورشة ،،
وارجع قلت له باقي الوضع هو هو ماتغير :rolleyes: <=== الحس مخي يالربع ،، قالي خل السيارة عندنا نشوفها لك ،، قلت مافيه اجيبها لك بكره الصبح ،،
قعدت يومين قلت يمكن الوضع يصلح يمكن شوية كربون ويروح ،، بس الوضع زي ماقلت ماتغير لأن مع فترة الظهر وانا طالع من الدوام والزحمه تزيد التفتفه بشكل مو معقوول ،، :(
وادق عليه بعد يومين وافهمه السالفه قالي بنزين وشو قلت بنزيني أرخص شي على قدي 91 :)
قال الله لايهينك غير 95 مشكلتنا إحنا شعب مستهلك وندور الرخيص ،،
قلنا سم ياعم تآمر أمر ،، واقعد لك 3 أيام عشان ينتهي بنزيني الرخيص ،،
وأغيره بـ 95 وعال العااااااال مااااشي زي الحلاوة ،،
يا أصحاب الفورود غيروا 95 فأنتم الرابحيين ،، ومرتاحيين البال ،،
أبو أحمد2|3|
