وش رايكم بهالكلام لخبراء الشيروكي فقط....!!!!

MaNso0oR @user_56709 · 28-06-2008

السلام عليكم

شلونكم جميعاً..؟؟

ندخل بالموضوع ع طووووول....

وانا افرفر بالنت عن الشيروكي موديل 2001 لقيت هالكلام وودي آخذ رايكم فيه وبالموتر بشكل عام من ناحية الخرابات والمشاكل...

وهذا الكلام اللي قريته :-

جيب شيروكي من 1997-2001

المزايا:

لذة في السواقة
أداء عالي وسرعة استجابة
المكيف باااااااااااااااااااااارد
قوي في الرمل والقار بعد
قليل الاعطال
قطع الغيار رخيصة ( كرسي مكينة ب 30 درهم + بوشات ب 25 + سفايف ب85!! الجامبين ب 75 درهم !! تقول عندك كرولا مب جيب!!)
صرفية البترول معقولة مقارنة بالسيارات الاخرى
اذا تسوق هذي السيارة .. وترجع تسوق فورويل ثاني .. تكرة عيشتك لانة ماسقت فوريل ثاني لة نفس التجاوب

العيوب:

السنسر مال المكيف وايد يخترب ويخلي المكيف يثلج

الجلد مال السكان بسرعة يتقطع من النص

الفص اللي يشغل المسجل بسرعة يخترب

البريك مب هاك الزود

في مشكلة في الفيول بمب تخلي الموتر يقطع اذا كان البترول على الربع أو اقل ( كل الجيبات تقريبا)

المروحة الكهربائية تحترف بسرعة ( و الحل أنك اتشل البوية و انته بترتاح و المروحة ما بتشتغل بشكل دايم )

يرفع حرارة شوي فالصيف ( والسبب أنه الثلاجة والمنفول فوق بعض)

البوشات اللي جدام بسرعة ينفدن بس رخاص يعني في كل سنة بتشتري اربع بوشات ب 100 و تبديلهن ب 180

واللي يضايجني بعد انه السيارة تبند على 190!!!

والسيارة بشكل عام 100% .........لاجيب الا جيب اللي تلقاة دايما فوق العراجيب

وعندي نصيحة أخيرة اللي يبا ياخذ جيب يشل البوية .. وبيرتاح .. وبيتحول الجيب الى كرسيدا .. يعني مابيخترب الا نادرا,, لانة مشكلتة الوحيدة الحرارة

الولد اماراتي ... وشو يعني البوية..؟؟؟!!

وسلامتكم..

jeep cherokee @user_8200 · 27-07-2008

معروفه الصابون 96 راحه ورساوه وعمليه
بس اذا جاتك اساس احلا كلام شكل وحشي وقوه >>>>> قام يمدح في سيارته

بالنسبه للسعر

انا قبل كم يوم شفت موديل 99 كان سعره 31 الف وبلقيت ثاني 29

اذا كان الموتر نضيف البدي ومحركاته على الشرط
بيني وبينك سعره حلو 25000
بس حاول تكاسره 23000 و اذا قالك 24 او 24 ونص توكل
وخذ الموتر بس قبل اي شي افحصه كمبيوتر

وقلنا علشان نبارك لك

تقبل مروري

Civic06 @user_74056 · 27-07-2008

اكيييييييييد ماشاء الله افدتني بالكثير في الشفر والجمس لان تجربتي معاهم صفر
غير الكابرس 96 لواحد من خوالي سقته تمشيت حال اسبوعين وكان ماشاء الله
ونعم ...

سؤال اخير وان شاء الله نتوكل . عن السعر كم يسوى له التاهو الباب واحد موديل 97
لان صاحبه طالب 25000 وطبعا هذا قبل الفحص. لكن عشان تكاسره لازم تكون عارف
سعرها كم يسوى وماينقص عليك .. تدري بعد ورانا تأمين وتسجيل وترقيع حق الموتر لو
فيه شي .... لازم نحاسب عالدراهم وين نقطها , هاهاها :emot114:

jeep cherokee @user_8200 · 27-07-2008

لا ما اعتقد ان فيه فرق بينهم

الشفر والجمس اخوان خخخخخخخ

كلهم 5.7 مافي فرق

بالنسبه للصرفيه

اتوقع انه اقل من صرفيه الاندكروزر
لانه 8 سلندر وفي الخط الار بي ام بيكون 2 او 2.3 لان حجم المكينه كبير
الاند 6 سلندر راح يكون في الخط الار بي ام مرتف اكثر من التاهو

ومعروف في الخط التاهوواليوكن والسوبر صرفيتهم قليله
لانها بتكون السياره مريحه وهذي ميزه المحرك الكبير 5.7

ان شاء لله افدتك

Civic06 @user_74056 · 27-07-2008

ياخوي التاهو Z71 الباب واحد هل مكينته نفس مكينت اليوكون جي تي ولا في فرق ؟
لاني للاسف اليوكون يوم ماكنت حاطه في بالي لقيته ويوم بغيته اتصلت قالي من امس انباع
والحين مالقيت غير الشفر فحبيت اسئل عن المحرك هو نفسه 5.7 ولا مختلف (محصل عالنت) ؟
وسؤال للمجربين .!! كيف صرفيته للبترول لو قارنته مع اللاندكروزر V6سواء عالخطوط او في المدينه ؟؟
لاني عن تجربه اشوف اللاندكروزر يصرف على السرعات لان دورات المحرك فيه مرتفعه عال120 تلقاه 3000 دورة ..!!

Dr. Abukhaled @user_107767 · 26-07-2008

كلامك عالعين والراس
ومثل ماتفضلت حسب الاستخدام

يعني رجال ناعم خذ الجيب
رجال ماتحافظ وماتغير القطع الاستهلاكية خذ يوكن وبقوووة
والخيار لك

jeep cherokee @user_8200 · 26-07-2008

اخوي Dr. Abukhaled

صدقت

انا قلت بتحترم الموتر بيحترمك

بس لو انت من الاي كل يوم طعوس وتكسير فيه

ما بيعيش الموتر وبيطلب وبيطلب

وعاد قطع غياره مو سهله غاليه

وزي ما قلت محلات قطع الغيار تنعد على الاصابع

اذا جينا لمكينه الجيب عمرها طويل هي والجير

بس خرابه كهرباء
ومشكلته حراره

وتبين معاك الحراره عند الهلك والتطعيس

مجرب اكثر من جيب ونفس المشكله

الحراره

ومع الهلك في الطعوس

يتعب فيه المساعدات واليايت
اكثر من اي جيب ثاني

الجيب قوي وسواقته موتعه ما اقدر اوصفها
خخخخخخخخخخخ

بس موتر يبيله الاي ياحفظ

وانا رشحت اليوكن لخوي civic 06

لانه اقوى تحمل واقل خرابات وارخص قطع غيار

ومعررررررررروف اليوكن

عشت مع الشيروكي اكثر من خمس سنوات

مافي زيه جيب بس يتعبك
vbmenu_register("postmenu_1422907", true);

Dr. Abukhaled @user_107767 · 26-07-2008

أنا حاليا معي شيروكي 2001
كده الوالد 4 سنين واخذته عقبه
الجيب لمدة 6 سنين ماصرفنا عليه ولا ريال
عشان اكون معك صريح افضل سيارة سقتها في حياتي لكن ينقصها الراحة
الموتر ((وذف)) يعني بالزحمة طربب
بالبر ما يحتاج غني عن التعريف
عزم تماام
سيارة ممتعة توديها وتجيبها زي ماتبي((استجابه))
مكيف ثلللجة
سيارة متكاملة والله لو القى واحد جديد والا نظيف مرة لا اشتريه وانا مغمض

ولكن بعد 6 سنوات من العلك بدات تظهر المشاكل والسبب كان بسيط حساس الحرارة بووش
وبالتالي العداد ماكان يعطي قراءة صحيحة
وذات مرة مشيت عليه يوم حسيت الموتر ثقيل وقفت وفتحت الكبوت والله ودخاخين تطلع زين مارح راس المكينة لكني طقيت له رديتر جديد بـ 900 ريال
وطرمبة ماء بـ 435 اييييي:a120(89):
وبعدها بدت المشاكل بسبب الحرارة
صوفة مكينة
كبمروسور جدييد
قسام مكيف
والآن في صدد شراء كمبيوتر
وكلل هالمشاكل بسبب الحرارة
قطع الغيار غالية الى حد ما والسبب قلة المحلات يعني مثله مثل الهوندا

واللي يقولك ما يتحمل علك مهوب صحيح حقنا 6 سنين علك وكشتات وسفر ما قال شي بس الحرارة وسببت المشاكل الواردة اعلاه
ولكن كموتر نظيف انصحك وبقوة:a120(37):
والله يختار لك اللي فيه الخير
باتوفيقـ.....

jeep cherokee @user_8200 · 25-07-2008

خذ اليوكن وانت مرتاح خرباته قليله انا مجرب سوبر شفر ماشاء لله له عندنا فتره موديل 99
ماشي زي الحلاوه وقطع الغيار ارخص من الجيب بكثير

شوف مثلا

طرمبه البنزين الشيروكي سعرها 1000 ريال اصليه
السوبر وهو اخو اليوكن بالتمام سعره 350 ريال اصلي ايس ديلكو

شوف الفرق

والشفر مهما كان اقل خرابات من الشيروكي بكثير

وزي ماقلت مكينته قويه وشكه هيبه واوسع من الشروكي

توكل وخذ يوكن من موديل 96-99

بس قبل اي شي استخير

ان شاء لله افدتك

Civic06 @user_74056 · 25-07-2008

تسلم ياخوي jeep cherokee

يعطيك العافيه عالتفاعل والله انا بصراحه محتار كنت ناوي خلاص عالشيروكي بس انت ثاني واحد يحذرني من خرابه
بس اليوكون ماعرف حد جربه وشفته في موقع جذبني شكله وقوة مكينته بس حسب كلامك خرابه قليل.. لكن صرفية بتروله اكثر من الجيب ومثل ما قلت
شكله هيبه وقوة اما عن قطع الغيار ابدا ماعندي خلفيه عن الفروقات ومن كلامك ان اليوكون اقل تكلفه ومشاكل
وتبغا الصراحه اليوكون سعره في السوق ارخص بشي بسيط عن الجيب ( ثنينتهم وارد امريكا) طبعا بسبب فرق الموديل وهذي بعد تكون في صف اليوكون بالنسبه لي لانه ارخص الجيب بين 20.000 و 25.000 واليوكون 15.000 و 20.000

jeep cherokee @user_8200 · 25-07-2008

العفو اخوي civic 06

ايه الفرقات بسيط زي الفورد الامريكي والخليجي

ايه هذه نقطه نسيتها خخخخخخ

في اختلاف

الامريكي يجي فيه فلتر بعد الاقزوز شكله زي الصاروخ >>> شوف التعبير بس
يسمون فلتر التلوث وماعتقد بياثر على الموتر اذا كان شغال عدل

الخليجي مافيه دبه تلوث

شوف تبي قوه في الرمل شيروكي والسبب خفته بس يعيه خراباته

25 الف ححلو تجيب شيروكي نضيف

تبي قوه عزم بس عيبه ثقيل وعملي وخراباته قليل خذ يوكن
وتراه قوي بعد ما يستهان فيه

ارشح لك اليوكن عملي وخرباته فلييييييييله وقطعه رخيصه
وبعد 4×4

وشكله وحش الباب الواحد يخوف ال v8

لا عادي انا في الخدمه لو عندك اي استفسارات ثاني موجود حياك

Civic06 @user_74056 · 25-07-2008

شكرا أخوي jeep cherokee عالمعلومات الطيبه

تقريبا الفروقات مثل الفورد من حيث الاضواء الخلفيه والاشارات وهالامور الخارجيه وشو بخصوص
الفلاتر الي في الاكزوز هل هي بعد مختلفه في الامريكي عن الخليجي ؟
لاني حسب علمي ان الامريكي فلاتره مختلفه وتاثر عالحراره بعد ؟؟

سؤال : هل الشيروكي موديل 2001 افضل او اليوكون جيتي ( باب واحد ) موديل 1996 من ناحية الخراب و الرملة والاستخدام اليومي بشكل عام ؟ لاني مثل ماقلت حاب اخذها كسياره ثانية للكشتات وبنفس الوقت للاستخدام اليومي؟؟
الواحد ماله خلق يقعد يوميا في الصناعية يصلح .. وهل عندك اقتراح لسياره دفع رباعي تكون بسعر مايتجاوز 25000 وتكون قوية وعمليه ؟

واسمحلي على كثرة الاسئلة :e058:

jeep cherokee @user_8200 · 24-07-2008

اخوي Civic06

الامريكي يختلف عن الخليجي بشي بسييييط

في الطبلون
في الامريكي يجي المراتب الورى مافيها مساند الرأس الخليجي فيه
في المبات القدام الامريكي يجي السكن في الاسطب ( اصفر ) الخليجي السكن في المبه
في الاسطبات الورى الامريكي يجي كامل احمر حتى الاشارات احمر
الخليجي الاسطبات الخلفيه البريك احمر والاشارات اصفر

هذي ابرز الفروقات في الشكل الخارجي
اما المحركات ماعتقد في فرق

بس سمعت ان الرديتر مختلف

بالنسبه لتجربتي بالموتر
موديل 91 و 99

بتحترمه بيحترمك ولا بيطلب شي خخخخخخخخخ بتذله بيذلك ( وحده بوحده )
بتطعس وبتهلكه بيطلب قطع وبيخرب وبيطلع بلاوي

واكبر مصايبه كهربته وانا عانيت الامرين في الكهربه وخصوصا واير الديلكو والسكرتي و الكمبيوتر
والكرنك سينسر
غيرت الكمبيوتر 3 مرات

وقطع غياره غاليه قطع تافهه تطلعلك بمئات عكس الشفر مثلا

ومع التطعيس مع انه حق الضروف الصعبه خخخخخخخخخخخخ
دايما تطلعلك مساعدات يايات وكذا
ومره شديت على الموتر في الطعوس وانكسر شيال الدفرنش الامامي !!!!
مع ان جلده جديده

نجي لمميزاته

قوه في الرمال وفي الشارع بعد تسارعه حلو بالنسبه للجيب 9 ثواني وممكن 8.9 اذا نضيف
واذا جينا للحق تراه اقوى جيب والاي مساعده وزنه الخفيف ومكينته 4.0 يعني عزم اكثر من احصنه

بس يقهرك يقفل على 185 كم>>>>>> راح تنقهر لما تشوف 4 سلندر تعديك

وسواقته له طعم خاااااااااااص
احياننا اترك موتري ss 96 واخذ الجيب مع ان الاس اس اقوى بكثير واسرع منه والسبب انه يعطيك جو حماس

صحيح انه خراباته واجد وقطع غياره غاليه بس مميزات هل جيب كثيره
وما راح تتحسف اذا شريته

Civic06 @user_74056 · 24-07-2008

وانا افرفر بالنت عن الشيروكي موديل 2001 لقيت هالكلام وودي آخذ رايكم فيه وبالموتر بشكل عام من ناحية الخرابات والمشاكل...

وهذا الكلام اللي قريته :-

الولد اماراتي ... وشو يعني البوية..؟؟؟!!

وسلامتكم..

بخصوص البوية يقصد فيها ( الترموستات ) القطعه المعدنيه الصغيره الي تكون في الراديتور وتقفل على دوران الماء عشان ترفع الحراره عند التشغيل فقط للمتوسط وترد تفتح واذا هالقطعه خربت تسكر وماتفتح فتخلي الحراره ترتفع ( هذا حسب علمي ) وانا رميتها من الفورد ونفس ماقال الاخ الحراره تحسنت كثيييير بس في البرد السياره تطول اكثر شوي من قبل عشان تسخن.

وأنا مثلك ياخوي ادور على نفس السياره 2001 ومحصل اكثر من وحده وللحين متردد من المشاكل الي اسمع عنها في الجيب لان ماعندي تجربه مع الامريكي غير الفورد موستنج والحمدلله تجربتي معاه كانت زينه وحاب اخذ سياره سعرها رخيص نوعا ما وتكون طبعا دفع رباعي للبر والكشته واتمنى من الاخوان المجربين يفيدونا . وهل الجيب الوارد امريكا مثل الخليجي بالضبط او في فروقات لان الامريكي في الامارات متوفر بكثره في المعارض و بأسعار معقوله ( ارخص من الخليجي ).؟؟

A.M.G @user_69594 · 30-06-2008

لذة في السواقة
أداء عالي وسرعة استجابة
المكيف باااااااااااااااااااااارد
قوي في الرمل والقار بعد
قليل الاعطال

في هذه كلامه صحيح

ومن ناحيه القوه في الرمل انا أأكدها لانه قوي جدا في الرمال

وقطع الغيار ما اتذكرها للاسف
لكن في حال الحوادث لا قدر الله يكلف كثير

الفص اللي يشغل المسجل بسرعة يخترب

المشكله اللي واجهتها هو تعطل السيدي تشنجر اللي في الخلف

البريك مب هاك الزود

في مشكلة في الفيول بمب تخلي الموتر يقطع اذا كان البترول على الربع أو اقل ( كل الجيبات تقريبا)

الهاند بريك ضعيف لدرجه انك تنسى انه مرفوع وانت تسوق

ومشكله الطرمبه هذي جديده ومالي اي تجربه معاها

المروحة الكهربائية تحترف بسرعة ( و الحل أنك اتشل البوية و انته بترتاح و المروحة ما بتشتغل بشكل دايم )

المروحه ماهي كهرب
هي تشتغل بظغط زيت طرمبه الدركسون
يعني مروحه تعمل بالزيت

واللي يضايجني بعد انه السيارة تبند على 190!!!

هههههههههههه زين 190 غيرك يبند على 185

وتفصل على 180 كلم

مع العلم ان العيوب اللي ذكرتها في جراند شروكي م 2001

MaNso0oR @user_56709 صاحب الموضوع · 29-06-2008

يعطيك العافية انا مو كل يوم يعني بالاسبوعين مرة وكل اسبوع بمسك فيه خط والخط الله لايوريك مكسسر فهل يتحمل الشروكي واذا جايه ع الدفرنش بسيطة لانه اكيد راعي الموتر الاولي مغيره ع كلامك يبقى الكهرباء هذي انا متخوف منها مع الكمبيوتر....

مافي ببالي خيارات ثانية بالنسبة لقيمته وموديله وشكله وقوته ..... مالقيت الا الشيروكي

ومشكور ع المتابعة خيووو

jeep cherokee @user_8200 · 29-06-2008

العفو اخوي ..

بالنسبه لخرابات الشيروكي دايم في الكهرباء والحراره والكمبيوتر هذي اشهر خرباته

اما الجير اذا كان موترك نضيف لا تخاف ما فيه مشكله بيعيييش ان شاء لله بس الدفرنش وخصوصا القدام لازم يخرب اذا انت ما تحافض على الموتر وكل ما سئلت واحد عنده شيروكي الاقيه مغير دفرنش

الشيروكي سياره يبيلها محافضه غير الجيوب الثانيه اذا بتهلك كل يوم تطعيس بيطلب قطع
والقير ما يطيح الى اذا اهملت السياره وهلكته تطعيس اما المكينه ما شاء لله عليها من اطول المكاين عمر
واسئل مجرب وفي الشروكي ما بيبهذلك غير الكهرباء >>>>> مجرب :a120(79):

وفي الاخير يبقى افضل جيب عندي

ان شاء لله افدتك

MaNso0oR @user_56709 صاحب الموضوع · 29-06-2008

مشكووور اخوي ع الرد ...

بالنسبة لخراباته غير الجير والدفرنش هل هي كثيرة ووشي هي بالضبط غير كذا الجير والدفرنش لازم يخرب وكل واحد معاه شيروكي خرب معاه ولا مسالة حظ ...

ومشكور مرة ثانية ع الرد

jeep cherokee @user_8200 · 28-06-2008

وعليكم السلام ..

لذة في السواقة
أداء عالي وسرعة استجابة
المكيف باااااااااااااااااااااارد
قوي في الرمل والقار بعد

انا معاه في ذي كلامه 100 %

قليل الاعطال
قطع الغيار رخيصة ( كرسي مكينة ب 30 درهم + بوشات ب 25 + سفايف ب85!! الجامبين ب 75 درهم !! تقول عندك كرولا مب جيب!!)

غلطان 100% وعن تجربه
اويمكن في الامارات قطعهم رخيصه اما هنا غااااااالي وتصلح شي يخربلك شي ثاني وكل مجرب شيروكي عارف الشي هذا .

صرفية البترول معقولة مقارنة بالسيارات الاخرى
اذا تسوق هذي السيارة .. وترجع تسوق فورويل ثاني .. تكرة عيشتك لانة ماسقت فوريل ثاني لة نفس التجاوب

ايه صادق ياخي الشيروكي له طعم خاص ما تلاقيه في كل الجيوب بغض النضر عن اعطاله وقطع الغيار

العيوب:

السنسر مال المكيف وايد يخترب ويخلي المكيف يثلج

الجلد مال السكان بسرعة يتقطع من النص

الفص اللي يشغل المسجل بسرعة يخترب

مامرت علي هذي الماكل ابد ..

البريك مب هاك الزود

في مشكلة في الفيول بمب تخلي الموتر يقطع اذا كان البترول على الربع أو اقل ( كل الجيبات تقريبا)

المروحة الكهربائية تحترف بسرعة ( و الحل أنك اتشل البوية و انته بترتاح و المروحة ما بتشتغل بشكل دايم )

يرفع حرارة شوي فالصيف ( والسبب أنه الثلاجة والمنفول فوق بعض)

هذي انا معاه فيها وهذي اغلب مشاكل الشيروكي غير الدفرنش والجير ...

واللي يضايجني بعد انه السيارة تبند على 190!!!

هههههههههههه زين 190 غيرك يبند على 185

والسيارة بشكل عام 100% .........لاجيب الا جيب اللي تلقاة دايما فوق العراجيب

انا اقلك السياره بشكل عام من غير خرابات والقطع الغيار 100% اما لو مع الخرابات وقطع الغيار 50% صدقني هذي اكثر سياره خربت معاي ومع ذالك كنت مستانس بسواقتها

الاي فهمته من البويه انه يغير لون سيارته علشان الحراره خخخخخخخخخخخ زي ما قال هو
( يتحول الجيب الى كراسيدا )

ان شاء لله افدتك