مره كنت بوكاله الجميح ابي اشري لي موتر المهم وانا جالس مع مندوب المبيعات
كان فيه واحد يبي يشري له يوكن 2007 وكان يقول انه معه ارمادا 2005 وانه السياره ماعجبته
خصوصا في المطبات وعيون القطط يقول الموتر يطلع اصوات على اقل شي بالشارع وهو جديده
الارمادا السياره الوحيده من نيسان اللي احبها
خوي لي معه موديل 2005 فل كامل ورجال محافظ عليها لانه شاريها من دم قلبه
مرني بالبيت يبي ياخذ غرض وكان فيه مطر فقال لي اركب ناخذ لفه وكانت اول مره اركب ارمادا
وكنت بصراحه متحمس ومدقق بالسياره
بصراحه تفاجأت بالارمادا اول مامشى صوت المحرك من جد قلق ماهو مثل المكاين الامريكيه
صوتها بالسرعات المنخفضه يطربك
ثاني شي وهو الاهم انه الموتر متفكك بدرجه تضيق الصدر مع انه الرجال والله ماتعدى سرعة الـ 40
هذا اللي لاحظته بالموتر وطبعا المواد المستخدمه جدا رديئه وانصدمت من الموتر بشكل كبير
نيسان موادها المستخدمه دائما ماهي قد المستوى ماعدا الموديلات الجديده اللي تطورت واهتمت نيسان فيها
لكن مميزات السياره انها وسيعه وطامنه وراسيه على حسب كلام الرجال لي
انا ماسقتها ولا جربتها
واللي يبي يحكم على الموتر لابد انه يجربه على الاقل 5 الاف كيلو حتى يقدر يحكم
ودام اخونا وحش ارمادا صبر على سيارته معناته انه الموتر كفو ويستاهل
اخيرا السياره من وجهة نظري يعيبها بشكل الكبير وزنها الخفيف المبالغ فيه بصراحه والا هي كامله والكامل وجهه ماعدا السقف اللي اتمنى نيسان تعدله
قال الله تعالى : {مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18
