تغطية مصورة متكاملة "فورد اكسبورر 2008"

آمين
وبصراحه لو لا الله ثم انت يا الغالي لما عرفت شي عن الاكسبلورر ولا يهون اخواني ااباقين وهم المفارق
والمحب 2 وغيرهم وإني لا املك سوى الدعاء لكم فأسال الله العزيز السميع المجيب الصمد الذي لم بلد ولم يولد ان يبارك لكم ويسعدكم دنيا وآخره ويجمعني واياكم في الجنه
والف الف الف شكر لكم

الله يكون بعونك

اللون حلو والحمد لله انك قدرت تحصل داخلية جلد بيج. الله يبارك لك فيه

الله يسعدك يا الغالي
انا إن شاء الله باخذ الاكسبلورر بعد ما عرفت ان المونتينير ما يجي دبل ثقيل
اما اللون وانا اخوك فاخترت اللون الخارجي فضي دخاني والداخلي بيج والله يعين ولازم نصبر شهر تقريبا ويمكن اكثرعلى بال ما توصل السيارة

الله يكون بعونكم على وكالاتكم. انا قالولى انطر 5 ايام لين تستلم السيارة ناشبتهم ودخلت بخشومهم :)

اشوف انك تضل على الاكسبلورر افضل من المونتنير. يمكن رأى شخصى بس اشوف الاكسبلورر واجد احلى

إلا وش صار معاك على اللون؟

احسن ماتسوى انك ما تستعجل. اسأل الله ان تلاقى الموتر إلى بخاطرك :)

الله يسعدك يا الغالي بصراحة توه ادري منك ان المونتنير ما فيها دبل ثقيل
كذا الله يعين باصبر والف الف الف شكر وبارك الله فيك

من رايي الإكسبلورر أفضل لك يكفي انها فيها دبل ثقيل بعكس المونتنير اللي تجي دفع رباعي مستمر
وعلى السيارة أحتمال تطول إلى شهرين بسبب الطلب المتزايد على السيارة بس من رايي انك تصبر أحسن من تاخذ مونتنير وبعدين تندم عشان ما فيها دبل ثقيل وانت براحتك لو كنت ما تحتاج للدبل الثقيل ممكن تاخذ مونتنير ;)

السلام عليكم
والله يا اخواني طفشوني التوكيلات دفعت عربون في السيارة على ‘ن السيارة بتكون موجودة خلال 3 اسابيع ولما كلمتهم اليوم قالو يمكن ياخد وقت اكثر ولا يعرفون اي شي عن الوقت وهذا غريب من موظف التوكيلات لا يعرف عن السيارات المتوفرة
ففكرت ابدل السيارة بماونتينيرميركوري نفس الاكسبلورر في كل شي إلا الشكل الخارجي يختلف والسعر يزيد 7 آلآف ريال تقريباعن الاكسبلورر
وش رايكم يا اخواني اصبر على الاكسبلورر تقريبا شهر من الان ام اخذ ماونتينيرميركوري؟

لحد الحين ما راح استعجل لأنه بصراحه عاجبني الإيدي باوي خصوصا الدعاسات الخارجية وهي تتسكر واللونين والتحكم الكهربائي بالتكييف والكراسي الأمامية المتحركة للسائق والراكب :)

اقرأ صفحة 206 من كتيب المالك (الكتيب الكبير)

جزاك الله خير اخوى :)

ما انصحك تاخذ مستعمل امريكى. ماكو احلى من الجديد :)

مالك إلا XLT كامل المواصفات وفرق السعر بينه وبين الإيدى باور اشتر فيه شاشة ملاحة وركبها

مشاء الله عليك اخوى....pnrb....على هذا المجهود.....

مع الأسف كل الإيدي باور كذا وحاولت لو يجيبونه لي طلبية قالو لي ما نجيب
عشان كذا جالس أفكر آخذ وارد أمريكي |5| لأنه يجي في الإيدي باور كامل غير مفصول ;)

عرفت الغطاء اللي تقول عليه اللي يجي له مفتاح بس هذا شكله قديم
وثاني شي لو ضاع المفتاح وانت تبي تعبي بنزين ولا عندك عدة عشان تكسر الغطاء وش تسوي :confused:

مشكور اخوى drive. ماكنت ادرى عن هالشغلة مع إنى قريت الكتيب اكثر من مرة :)

الكشن المفصول شكله حلو بس غير عملى نهائى. لو كان ثلاجة مثل قبل نقدر نقول منه فايدة بس وضعه مجرد درج وتكاية ماتنفع نهائى.

الحين كل الأيدى باور عندكم يجى بكشن خلفى مفصول؟

جزاك الله خير اخوى :)

المفروض ان الواحد يبين الحقيقة مهما كانت. مافى اى سيارة بدون عيوب وهذا شى للاسف الاحظ كثير من الاخوان ينسونه وكل ما يتكلم شخص عن ملاحظة سلبية عن موترهم كأنه يسبهم :)

الله يبارك فيك اخوى وجزاك الله خير :)

الملاحظات الى ذكرتها مهى كبيرة للدرجة الى تخلى الواحد يغير رايه عن السيارة. صدقنى مقارنة بسيارات اخرى فإن هذه الملاحظات بسيطة. يمكن اكبر ملاحظة هى البلاستك المستخدم. صحيح مهو بجودة الموجود باليابانى الى تخبره بس حتى النيسان الباث فايندر جودة البلاستك فيه نفس جودة الاكسبلورر وروح بنفسك لوكالة النيسان وقارن. هل البلاستك راح يرخى ويطلع صوت بالمستقبل هذا أمر ما اقدر اضمنه بس سألت واحد عنده الموتر من سنة وللحين البلاستك ماسك مضبوط

الموتر سعره بالكويت 6800 دينار وانا اخذته بخصم خاص 300 دينار

أتوقع يمكن تلاقى غطاء به قفل عند محلات الزينة؟ دورت بموقع فورد ومالقيت بقسم الاكسسوارات اى انواع ثانية من الغطيان للبنزين. بس هم بأمريكا الحين عندهم نظام جديد للبانزين للاكسبلورر اوتوماتيكى يكون فيه الغطاء الداخلى ملغى ومكانه فتحة اتماتيك ماتفتح إلا بخرطوم البانزين من المضخة .... يمكن لهذا السبب مو حاطين قفل للبانزين؟