الله يوفقك ويرزقك من واسع فضله
عندي اسئلة خفيفة عن الموتر :
1-الزر اللي عليه سيارة تزلق جنب الدبل والزر اللي بالقير ما هو دورهما .
2-ايهما الدبل الثقيل H ولا L .
3-جرس حزام الأمان " هالدندنه " ما له حل .
اسئلة خفيفة صح :D :D :D
تحياتي للجميع
أسئلة خفيفة وايد :)
زر الجير هو لإختيار التبديل للجير الخامس Over Drive. إذا طفيته راح تطلع عندك علامة O/D OFF على الطبلون وهذا يعنى إن الجير راح يوقف على الغيار الرابع وماراح يبدل للغيار الخامس
الزر المرسوم عليه سيارة تنزلق هو زر نظام Advance Trac وهو النظام المسئول عن ثبات السيارة ومنع الإنزلاق والحد من إمكانية الانقلاب. النظام شرحة معقد شوى بس بشكل عام يستخدم الفرامل وتحويل القوة للعجلات المناسبة لزيادة ثبات السيارة. بالبر والتطعيس تحتاج تطفى هذا النظام لأنه يسبب تغريز السيارة ومايعطيك حرية التحكم بالسيارة. هناك وضعين لإطفاء هذا النظام، الوضع الأول هو ان تضغط الزر لمدة ثانية وهذا راح يطفى كل التحكمات للنظام ماعدا نظام التحكم بالمكابح. راح تضيئ عندك علامة السيارة المنزلقة بالطبلون بشكل مستمر بهذا الوضع. الوضع الثانى يكون لما تضغط الزر لمدة 5 ثوانى. هذا الوضع راح يطفى كل التحكمات بمافيها نظام التحكم بالمكابح. لما تكون على هذا الوضع راح تضيئ علامة السيارة المنزلقة بالطبلون بشكل متقطع (تشب وتطفى). بكل الأحوال لما تزيد سرعتك عن 40 كيلومتر بالساعة فإن النظام راح يعمل بغض النظر عن كونك مشغله أو مطفيه
4X4 HIGH يمكن استخدامه بأى سرعة وبأى وقت. 4X4 LOW لايمكن استخدامه إلا عند التوقف التام وتغيير الجير على N وإنتضار العلامة تطلع على الطبلون
جرس حزام الامان له حل وبرمجته سهلة بس شرحها يطول :)
إبدأ بكرسى الراكب الأمامى. ركب مفتاح السيارة وحركه لين أول وضع (الوضع الى يخلى كل اللمبات بالطبلون تضيئ بدون تشغيل السيارة). بعد ثوانى راح تطفى جميع اللمبات تقريبا ماعدا لمبة حزام الأمان، انطر لمدة دقيقة وراح تطفى اللمبة وأول ماتطفى تقوم بإغلاق حزام الأمان وفتحه 9 مرات (كل عملية اغلاق وفتح تعتبر مرة واحدة) بعد المرة التاسعة راح تضيئ علامة حزام الأمان بالطبلون لمدة 3 ثوانى. بمجرد ما تطفى تغلق حزام الأمان وتفتحه مرة واحدة فقط. مباشرة راح ترمش علامة الحزام بالطبلون وهذا يعنى ان البرمجة اكتملت.
بعدها تكرر نفس العملية على كرسى السائق
إن شاء الله اكون وفقت بعملية الشرح :)
