انا حبيت اكتب هالموضوع عشان نستفيد من بعض فكما اني استفدت منكم الشيء الكثير
ابيكم تستفيدون من تجاربي المتواضعه
خربت المروح وعلى طول وقفتها عند كهربائي قالي المروحه خربانه
اشتريت مروحه بعد التخفيض ب 660 اصليه ولما جبتها للكهربائي وركبها
ركبها اخذ 50 ريال بعد ما شفت تركيبها حسيت نفسي اني غبي واتكالي
لان تركبها ما يحتاج منك سوى 10 دقايق ومفاتيح للمسامير بس
وما يبيلها شرح وصور انت شوف اللي قبل رايح تفهم وضعها
المهم بعد ما طلع القديمه اللي المروحه البلاستك طايره منها قلتله شغلها
شغلها واشتغلت طلعت ان المروحه البلاستك متوسعه وطايره من مكانه
وكانت عنده مراوح خربانها كثيره باعلي مروحه بلاستك ب40 ريال
وركبتها في حقتي القديمه واشتغلت زي الحلاوه
لكن خساره بعد ما اشتريت المروحه الجديده قلت يالله ما علينا خليها احتياط
ما يستفاد من الموضوع :
1ـ اكشف على المروحه قبل التغيير وشوف من وين الخلل اذا كان من نفس الجهاز غيره
2ـ قم بتغيير المروحه بنفسك ولا تتكل على غيرك وتخسر 50 ريال مجرد 10 دقايق
واي استفسار انا حاضر
فكانت خسارتي 710 ريال بينما لو كنت نبيه ونشيط لما خسرت سوى 40 ريال بس
"" ملاحظه وابي منك تفيدوني """
انا المروحه بعد ما ركبها الكهربائي صارت ما تشتغل مع المكيف صارت مع حرارة السياره العاده الواحد اذا شغل المكيف على طول تشتغل
فلما شغلها الكهربائي شغلت المكيف وما اشتغلت الى بعدين لمن سخنت السياره
والمكيف كان حااار مو عادته وفجاه طلع دخان من الكبوت يمين الماكينه من تحت
وطفيت المكيف بسرعه وراح الدخان وبعدين شغلت المكيف عادي اشتغل
ويبرد لكن المروحه ما تشتغل معاه تشتغل مع حرارة السياره
اشك انه في شيء انحرق واعتقد انه اللي يخلي المروحه تشتغل مع المكيف
بس وش هو ما ادري ابي رايكم هل فيوز هل حساس الله اعلم
(( خليتها فلم هندي )) هههه
بس لا نسون ابي رايكم لنستفيد
