مساء الخير لأحلى شباب أعتبروني اخوهم الصغير وأنا أعتبرتهم أخواني الكبار << خلاص درينا عمرك 16 سنه ههههههه
لأ انا أقصد كبار بالخبره وأنا استفيد منهم يوما بعد يوم إن شاء الله
مثل ما ذكرت لكم وفي مواضيع متغيره أن فحص سيارتي [COLOR=darkred]KIA OPIRUS قرب[/COLOR]
حيث مشت السيارة 65000 كم ((ماشاء الله))
وكانت عندي عدة ملاحظات منها :
1- التكييف :
أحيانا تخف برودته وترجع مره أخرى
والشباب مازالو يقولون لي إنت توسوس وسيارتك ما فيها إلا العافية
2- [COLOR=darkred]الكرسي:[/COLOR]
ما يرتفع ولا ينزل من الجهة الخلفية فقط
3- [COLOR=darkred]كلبسات:[/COLOR]
في غطاء المحرك
واللي هي بصراحه كل ما أودي سيارتي فحص طيرون لي كم كلبس
طبعا دخلت سيارتي يوم السبت الماضي بتاريخ 26/7/2008 الساعة 7:30 صباحا
حيث إني كنت ذاك اليوم تعبان شوي وأخذت إجازة من الدوام
وكان الفرع شبه فاضي من الزبائن
حيث كنت أنا أول زبون ذاك اليوم
وإستقبلني مهندس الإستقبال [COLOR=darkred]((رجب)) خير إستقبال <<[/COLOR] أظن هندي الجنسية
وأخذ ملاحظاتي كامله بصدر رحب وخدمه غاية بالروعه
<< ذكرتني بفرع الأحساء مع أن هذا الفرع أقل في عدد الزبائن وهذا أفضل
ملاحظة: لايوجد موظفين سعوديين في هذا الفرع ........!!!!
المهم نزلت السيارة وعطيته كل شيء
[COLOR=darkgreen]وقال لي : إن شاء الله موعدنا الساعة 10 صباحا ..........[/COLOR]
[COLOR=darkgreen]أنا : ...........................!!![/COLOR]
مو مصدق
ومن الفرحه [COLOR=darkgreen]قلت له : لأ خلوها عندكم يوم ولا يومين بس أهم شيء شغلكم يكون نظيف إن شاء الله << ما ينعطون وجه أصحاب الكيا:a120(37): [/COLOR]
[COLOR=darkgreen]الموظف : هههههههه إن شاء الله كل شيء تمام وأول ما تخلص راح أكلمك بالجوال[/COLOR]
بيني وبينكم أنا متأكد أنه مايمديهم يوم ولا إثنين لأن مكييف الأوبيروس يبغاله حوسه علشان تفكه وتنظفه
جهت المحرك ماشاء الله مليانه أغطيه وحوسات وإزعاجات فطبيعي تطول
المهم أخذت تكسي ورجعت لشقتي
ثاني يوم الأحد :
داومت وجات الساعه 12 الظهر تقريبا
والرجال ما دق ......!!!
وأتصل عليهم [COLOR=darkgreen]ورد علي : السيارة خلصت تشييك بس هي ألحين عند الكهربائي شغال عليها وأول ما تخلص بتصل عليك[/COLOR]
[COLOR=darkgreen]قلت : تمام أهم شيء يكون كويس << كسر خاطري أبو عبدالعزيز والله أني طيب :e058: [/COLOR]
ثالث يوم الثنين :
وجات الساعه 12 الظهر تقريبا
والرجال ما دق
واتصل عليهم وقال لي نفس كلام يوم الأحد أن المهندس شغال على المكييف
رابع يوم الثلاثاء :
جات الساعه 12:30 الظهر تقريبا << دقيق الولد جدا
واتصل عليهم على أساس إني بتخانق على طول :a120(55): << لا تصدقون أبو عبدالعزيز ما يسويها إلا إذا طفح الكيل
وسألته وقال : السيارة خلصت وتقدر تجي تستلمها
كنت على اساس بداوم للساعة 3:30 ولا 4 العصر وبطلع مع واحد من الشباب
بس ما قدرت أصبر على فراق [COLOR=darkred]My OPIRUS:emot154: [/COLOR]
وأطلع الساعه 1:30 الظهر تقريبا واقرب تكسي
[COLOR=darkgreen]التكسي : على وين رايحين ؟؟[/COLOR]
[COLOR=darkgreen]أبو عبدالعزيز : على جده جايين ...........آآآهه أقصد على الدائري الجنوبي << لا تلومونه تحمس شوي[/COLOR]
وبالطريق أنا وياه
[COLOR=darkgreen]أنا : بكم توصلني ؟[/COLOR]
[COLOR=darkgreen]التكسي : على كيفك << وهز راسه[/COLOR]
المهم طلعني مع طريق خريص ومن هناك لمخرج 18 عن طريق الدائري الشرقي بالبداية طبعا
الحمد لله وصلنا
[COLOR=darkgreen]قلت له أنا : بكم ؟؟[/COLOR]
[COLOR=darkgreen]قال : على كيفك ...أي شيء [/COLOR]
[COLOR=darkgreen]قلت : 25 ؟؟[/COLOR]
[COLOR=darkgreen]قال : .....<< هز راسه[/COLOR]
عطيته ونزلت لمركز الصيانة
دخلت وعطيتهم الورقه وإنتظرت شوي
وطلعوا السيارة مغبرررررررره من برى طبعا
[COLOR=darkgreen]وقال لي مدير الصيانه : شوي .......لا زم نغسلها لك [/COLOR]
[COLOR=darkgreen]أنا : ..............!!!![/COLOR]
إستغربت أول مره كيا يسوونها بكل وكلائها :eh_s1:
المهم غسلوها وجابوها لي برى
طبع لي الفاتورة وكانت تكلفتها 493 ريال فقط
وهي كالتالي : (( تقريبا )) << بصراحه الفاتورة تحت بالسيارة ومالي خلق أجيبها هههه
1- أجور الفحص 280 ريال
2- تغيير زيت 55 ريال
3- فلتر زيت 13
4- كلبسات 15 ريال
5- صيانة التكييف وتنظيفه 130 ريال
وأنا طالع سلموا علي وقالو لي اي مشكله جيبها لنا على طول
وكان إستقبالهم وتوديعهم جدا رائع وحاااار
والحمد لله تم إصلاح جميع الملاحظات ماعدا الكرسي
حيث أخبروني بضرورة مراجعة فرع خريص لأنهم هنا لا يملكون مركز للسمكرة
ومركز السمكرة هو الخول بفتح وتعديل الكرسي
وإن شاء الله مع الفحص القادم راح أتصل على فرع خريص وأسألهم عن الكرسي
رأي الشخصي :
أن هذا الفرع يعد أفضل فرع لكيا السعودية من حيث الخدمة والتعامل وكل شيء تقريبا
وفي حال أن السيارة تأتي لتشييك عادي
فإنها تخلص في نفس الوقت.......!!!
[COLOR=red]ملاحظة : يوم أخذت السيارة وشغلتها التكييف أشتغل على طول على LO وكانت المروحه على الشرطه الأولى [/COLOR]
وشوي زادت إلا أن وصلت الشرطه الثانية فقط
ما أدري هل برمجوه على أنه يعمل أوتوماتيك؟؟ وبيني وبينكم طفيت السيارة بدون ما أطفي المكييف زي مهندسي الصيانه
تتوقعون يجي منها مشكله ها الحركه؟؟
تحياتي للجميع
أخوكم أبو عبدالعزيز
