لمبة المكينة 2004 يوكن

كشاف @user_79069 · 31-07-2008

السلام عليكم ورحمة الله وبركاته ..... هلابكم جميعاً

اخواني انا اشتريت لي يوكن 2004 امريكي ... بعد يومين من الشراء ولعت عندي لمبة المكينة
باستمرار ؟! رحت كشفت كمبوتر وقالوا هذى حساسات الشكمان "" وبرمجوها وطفت ولكن ولعت مرة ثانية !!
ثم ذهبت للصيانة ورفعوا السيارة حصلوا مواسير الشكمان مقصوصة من بعد القزوز وملحمة قال الفني هذة دبات الرصاص المنقية للكربون ملغية وعلشان كذا تولع اللمبة !!؟؟ علماً ان السيارة ما تدخن وشبه جديدة "

وش رايكم كيف احل المشكلة هذي هل اذا غيرت الحساسات بتطفى اللمبة لان قيمة الحساسات غالية مرة "" وصراحة اللمبة هذة جابتلي القلق !!

ارجوا المساعدة من اهل الخبرة وبارك الله فيكم "

mo8ager @user_79690 · 12-09-2008

نفس المشكلة تقريبا في السيارات المستخدمة الأمريكية

شكرا لكاتب الموضوع و للأخ / ماجلان

و لا يهون الشباب

الضوء @user_51249 · 12-09-2008

M

Magellan

ههههههههه
والله داري وش تبي تقول قبل ما أقرأ موضوعك ..
وهذي صارت لخويي يوم شال دبة التلوث وشرحت السالفة بالرابط تحت
((إذا شلت دبة التلوث بالتاهو وولعت اللمبة..مالحل )))
أسمع وأنا أخوك هذا الحساس يقيس معدل الأكسجين في العادم ، إذا نقص الأكسجين وزادت الأدخنة تولع اللمبة مشيرة إلى أن هناك زيادة في إستهلاك الوقود

الحل هو بالتالي:
1- تراجع الصالة اللي شريت منها السيارة وتقول تبرمجونه مجانا عن طريق الكمبيوتر
2- إذا شاريه من معرض تتوجه لبعض المراكز اللي عندهم برمجة مثل البيان أو عبدالرحمن الجميح بالرياض ..
3- تروح لمحلات الشكامين وتدور لك واحد وتسأله إذا كان يقدر يطفي اللمبة نهائياُ ومنها قد يقترح عليك بعض الحلول على سبيل المثال:
أ- يركب فلتر سعودي قبل الحساس وبعد الهدرز
ب- ممكن تطلع الحساس من مكانه وتفصله أو تسحبه وتركبه على بودي السيارة وتشغل الموتر وتشوف إذا راحت ،زين على زين ، ثم تجي وتلحم فتحة الحساس وتثبت الحساس على الشاص..
ج-تلف الحساس بشطرطون وإلا بعلبة أو قفيز بحيث مايجيه دخان وكربون ..

على العموم شف الخطوات بالأعلى وإنتبه لسالفة إنهم يبرمجونه ثم تطلع لك بعد يومين ، تدري ليه !!!
لأنهم نصابين يقومون ويسحبون إصبع البطارية السالب ثم يركبونه وبالتالي تطفي اللمبة مؤقتاً

تسلم ياماجلان شرح رائع

Magellan @user_96776 · 09-09-2008

سبق وأن شرحت المشكلة والعلاج ولكن لاحياة لمن تنادي
يبدو أن الإخوان يقرأون عنوان الموضوع فقط ثم يردون

ابوخضر @user_56070 · 09-09-2008

اخى الغالى والله كانك تتكلم عن سيارتى تاهو2005 من يوم اشتريته بفتره ولعت اللمبه رحت لواحد اعرفه فنان كشف عليه كميوتر قال هذا من الحساسات حقت الشكمان قلت طيب ليش مغيره قال كان فى منطقه حاره عشان كذا يغيروها عشان الرصاص قلت العمل قال تروح الوكاله وشيلون خاصيه الحساس بس غاليه اشوى والله اللى الان ماسويت فيها اى شىولا على فيها00

زين الطبايع @user_117392 · 08-09-2008

أخي كشاف
والله كانك تتكلم عن سيارتي يوكن 2004 ومازالت لمبة المكينة مضيئة اذا جربت أي حل مماقاله الاخوان او غيرهم تزودنا به فانا محتار وفيه من قال غير بواجي واسلاك بواجي وكلام كثير لم أجرب اي حل سابقا وانا بانتظار تجاربك ونصائح الاخوان هنا وفقكم الله جميعا

نوران التميمي @user_112318 Banned · 10-08-2008

بصراحة موضوع مفيد الله يجزاك خير بخصوص اني بشتري يوكن امريكي

وش رايكم هل تنصحوني فية او لا

مع العلم ان هناك ناس كثير يقولون لي ابعد عن السعودي لانك ماتدري عن تاريخة

اما الامريكي تدري عنه ووش صار علية بالضبط عن طريق مواقع الكترونية

اسف على المداخلة اخي الكريم

كشاف @user_79069 صاحب الموضوع · 09-08-2008

بارك الله فيك اخوي ابو ماجد ما قصرت """""

أبو ماجد البشري @user_109566 · 02-08-2008

اخي كشاف.. المفروض الدبه الصغيره ماتلغى نهائياً لكن إذا أنها متسكره ممكن تشيل الشخال الداخلي ويعيد تلحيمها أما الغاء الدبه كامله مع الحساسات هذا خطأ وإذا انك متأكد ان اللمبه تضيء من اجل حساسات القزوز فهي لاتضر السياره لكن اللي يحدد المشكله اللتي من أجلها تضيء اللمبه هو الكمبيوتر (يعني لازم تروح لورشه ويفحصون السياره وإذا حدد الكمبيوتر أن السبب هي حساسات القزوز ذيك الساعه تطمن بأنها لاتسبب ضرر)

Magellan @user_96776 · 01-08-2008

الدبة اللي شد بلد فيها رصاص وتكتم الموتر
لأن إشتراطات البيئة في أمريكا قاسية
وبالسعودية تجي المواصفات مفرغة
لذلك الصالات إذا أستوردوها فكوها وحطوا وصلة ألمنيوم

كشاف @user_79069 صاحب الموضوع · 31-07-2008

أخوي ماجلان هلا بك ...

الله يوفقك ـــ تقريرك ريحني كثير ما شاء الله عليك " بسوي اللي قلت لي عليه .

اهم شي اني ما اغير الحساسات !

بس مستغرب ليه الفلاتر الاساسية قصوها من الشكمان ؟؟؟

Magellan @user_96776 · 31-07-2008

نسيت أقولك
إنتبه تغير الحساسات ، الحساسات سليمة 100%
للمعلومية المواصفات السعودية مافيها حساسات

Magellan @user_96776 · 31-07-2008

ههههههههه
والله داري وش تبي تقول قبل ما أقرأ موضوعك ..
وهذي صارت لخويي يوم شال دبة التلوث وشرحت السالفة بالرابط تحت
((إذا شلت دبة التلوث بالتاهو وولعت اللمبة..مالحل )))
أسمع وأنا أخوك هذا الحساس يقيس معدل الأكسجين في العادم ، إذا نقص الأكسجين وزادت الأدخنة تولع اللمبة مشيرة إلى أن هناك زيادة في إستهلاك الوقود

الحل هو بالتالي:
1- تراجع الصالة اللي شريت منها السيارة وتقول تبرمجونه مجانا عن طريق الكمبيوتر
2- إذا شاريه من معرض تتوجه لبعض المراكز اللي عندهم برمجة مثل البيان أو عبدالرحمن الجميح بالرياض ..
3- تروح لمحلات الشكامين وتدور لك واحد وتسأله إذا كان يقدر يطفي اللمبة نهائياُ ومنها قد يقترح عليك بعض الحلول على سبيل المثال:
أ- يركب فلتر سعودي قبل الحساس وبعد الهدرز
ب- ممكن تطلع الحساس من مكانه وتفصله أو تسحبه وتركبه على بودي السيارة وتشغل الموتر وتشوف إذا راحت ،زين على زين ، ثم تجي وتلحم فتحة الحساس وتثبت الحساس على الشاص..
ج-تلف الحساس بشطرطون وإلا بعلبة أو قفيز بحيث مايجيه دخان وكربون ..

على العموم شف الخطوات بالأعلى وإنتبه لسالفة إنهم يبرمجونه ثم تطلع لك بعد يومين ، تدري ليه !!!
لأنهم نصابين يقومون ويسحبون إصبع البطارية السالب ثم يركبونه وبالتالي تطفي اللمبة مؤقتاً