بسم الله الرحمن الرحيم
السلام عليكم ورحمة الله وبركاته
اليوم شديت حيلي وقلت خلاص ببت الموضع واختار احدى السيارتين اما جراند ماركيز او المونتيجو
مالكم بطوالها رحت الوكاله قابلت المسئول
سلام عليكم و
وعليكم السلام
كم سعر المونتيجو قال فل ابشن دفع رباعي 99000 دفع امامي الظاهر انه 92000 ريال
المهم والله يخوك محتار بين سيارتين قال ايش قلت القراند والمونتيجو
قالي المونتيجو سيارة
قلتله اقول انا راعي خطوط وكان عند ماركيز 95 قال خلك عليها
قلتله والمونتيجو قال المونتيجو سيارة فخمة وحلوه واللى الان لها 3 سنوات بره وسنه هنا
قلتله والله مدري لكن ودي اجدد قال على كيفك لكن مقدر اكسب فيك ذنب واقلك خذ هذي والا ذي
يعني قال استخير الله قلت ونعم بالله لكن صراحة مقهور من جد الماركيز ماتغير فيه شي نفس اللي عندي هو نفس المعروض وودي بالمونتيجو وخايف
يالله سلام عليكم
وعليكم السلام
المهم صلينا الظهر وعلى قطع الغيار النقطة اللي انا متخوف منها الى الوكالة بالصناعية
سلام عليكم
وعليكم السلام
عندك قطع مونتيجو
الادمي انفجع بدري
قلت اقول لا تخاف انا انسان محتار بين سيارتين وودي اعرف قطع المونتيجو
قال وش اطلعلك من قطع والادمي كنه يبي يقفل الوكالة
قلتله والله مدري لكن اقمشة
امامي 300
مساعدات امامي 185 خلفي 155
شمعة 878
وهذه الاسعار بعد الخصم
طيب الماركيز نفس القطع الظاهر قلي الاقمشة 330 اصلي وكالة المساعدات 295
قلت على كذا الماركيز اغلى
قال يعتمد السيارة توها جديده وماعلى القطع طلب لكن بعد فترة اكيد حتغلى
قالي الماركيز لك عدة خيارات اصلي تجاري كندي ....الخ
لكن ذي وكالة وطلبية وزحمة
قلتله نصيحتك
قالي من طلع من داره قل مقداره خلك على الماركيز السيلرة معروفة والكل يعرفلها طالما انت راعي خطوط
يالله سلااااااااااااام
وعليكم السلام وفعلا الرجال على طول قفل المحل
خرجت والى الان ماني عارف وش اشتري لكن باستخير وعلى الله
كتبت هذا الموضوع لاني صراحة حاولت استشير بين السيارتين وسويت بحث في القوقل وزحمة عن قطع الغيار والصيانة ولعلي اكون اول شخص يكتب عن القطع وصراحة كتبت موضوع في هذا المنتدى ولقيت الرد من الاخوان ورد مقنع
http://www.assayyarat.com/forums/showthread.php?t=138080
لكن حبيت اتعمق اكثر
اسف على الاطالة
