رديتر السياره + فلاش التنظيف = ؟؟

أهلا وسهلا فيك أخوي

كلامك صحيح وأزيد نقطه مهمة جدا وهي اذا كان نوع الراديتر نحاس مثل المستخدم في السيارات القديمة خصوصا السيارات الأمريكية القديمة فهناك منظفات خاصه ومن شركات معروفه للتنظيف الراديتر خاصه وللتنظيف دورة التبريد كاملة ومسجل على العلبه طريقه الاستعمال الصحيحه

أما بالنسبة الى الراديترات المصنوعة من الألمونيوم على حسب كلام مختصين في تنظيف الراديترات فلاينفع استخدام أي شئ يعني حتى المنظفات الخاصه بتنظيف الراديتر غير نافعه بل تضر والأفضل بشكل عام هو التسييخ وتنظيف دورة التبريد باستخدام جهاز التنظيف المتوفر عند محلات الراديترات

جربته، ممتاز جداً.

تحذير: لا أحد يجرب أي نوع من الفلاش أو الأسيد.
جربته وذوب شفرات الرديتر.

طيب الرديتر كل كم يبيله تنظيف ؟؟؟

انا اشتريت العام رديتر صفين اردني ومن ذاك اليوم ما نظفته ولا جيته

فياليت تنصحونا ،،، ولكم الف شكر

ننتظر آراء الفنيين المختصين بالمنتدى حيال موضوع السفن آب

الشكر متواصل لكل اللي ينصح أخوه وحنا هنا أخوان مثل بعض
عساكم ع القوه
والله يجزاكم خير
بالنسبه للأسيد أو الفلاش انا جربتهم كلهم بس ماحصلت هذاك الفرق لازم تسيخ الرديتر أفضل
بس في شي سويته ويمكن ماحد يصدقه أو يمكن بتضحكون علي
سفن أب >>>>يالزيز يارايق تحطه مع الرديتر وتخليه يومين وتفك السره وتشوف كيف الوساخه والتراب تكرمون شلون تنزل وانا مجربها وتشتغل بيدك والله العضيم لاشغل يد ولا شي انا عندي عدمو الوجه حق الرديتر ولحموه أربع مرات بس أيش اسوي الشكواا لله سبحانه
فك السره حقت الرديتر بس لازم السياره تكون بارده أو محميها دقيقه أو أقل أفضل عشان كل المويه تنزل براا
وجيب علبه سفن أب وصبها بالرديتر بس شوي شوي عشان الرغوه ويوم تخلص زدها بموياا عاديه من الكباس وأمش بالسياره يوم يومين براحتك وبعدها والسياره بارده فك السره وزدها بموياا مقطره ودووس ياخنفووس انا خفت عندي الحراره بعد هذي الحركه 40% وشفت نتائج حلوه بصراحه
وانت تصب السفن أب بتسمع السياره تقوول آآآآآآآآآآآآح من الانتعاش
هههههههههه
يلا سلام

شكر لجهودكم

شكرا على الموضوع الرائع

1- غسل الرديتر بالموية العادية .. (فلاش اسيد زيت فرامل تعدم عليك وجية المكينة والنظام باكامل لانها مواد حارقة واكلة )

2- سيخ الرديتر كامل ... قدام عينك لانهم حارمية يقول سيخ وهو كذاب.. قد صارت معي
(علشان يسيخ مظبوط .. واذا شفت اماكن وسخة خلة ينظفها .. خلك ذيب )

3- نظف الدورة بالموية عن طريق الجهاز الموجود عند المحلات ..بعد فك البلف (الثرموستات)


4- غير البلف حق الحرارة (اسمة الصحيح وبالنقليش الثرموستات) لان له عمر افتراضي بعد كل 75 الف يتغير .. يصير مايفتح في الوقت المطلوب ويغلق في الوقت المطلوب سعرة تقريباً50 ريال الاصلي

5- اشتر موية اصلية .. وانصحك بموية مرسيدس الماني افضل موية في السوق لونها ازرق العلبة 35 ريال لتر ونص .. اشتر علبتين 70 ريال وموية مقطره .. وصبها في الرديتور ..

6- شيك على غطاء الرديتور اذا يحتاج تغير .. غيرة باصلي ..شيك على الخراطيم ..(الهوز ) اذا تحتاج تغير ..غيرها .. وتوكل على الله

يأخوان من عنده أو يعرف أحد يبيع راديتر كابرس موديل 2000-2003

والله تعبت وأنا ادور بالتشليح مالقيت وعند الوكاله 1450 ريال

وانا مابي اخذه من الشركه غالي مرررررررره

أخوي هل عندك مشكلة في رديتر السيارة مثل حرارة ؟

مشكورين اخواني عالردود الطيبه والمفيده

والله موضوع الفلاش طويل ومعقد .. خلاص بغير رأي بسوي تنظيف عادي

بارك الله فيكم

يكفي تطلع الموية المصديه من المكينه .. بدون استخدام فلش او اي مواد.. علشان ما تضر نظام التبريد عندك..

روح عند محل رديترات وسوي غسيل مكينه ورديتر .. يضخ المويه داخل المكينه والرديتر لين تنظف.. ويصير المويه اللي تطلع صافيه مافيها صدء..

وعبي مويه خضراء مركزه بنسبة 50% و50% مويه عاديه... او بحسب اللي مكتوب في كتلوج السيارة او دليل المستخدم اذا كان لا يزال موجود معاك..

اخي الكريم انت فاهم الموضوع غلط

اولا يجب فصل جميع ليات الماء من الماكينه

بعدها تغلق اللي الخارج من الرديتر الموجود في اسفل الرديتر

ويبقى اللي الرئيسي الموجود في اعلى الرديتر

ومن هنا تبداء باضافه الاسيد ويكون بنسبه مخففه لكي لا يذيب البلاستك

تتركه لمده 5 دقائق وبعدها تفرع الاسيد من الرديتر

وبعدها تترك اللي الخارج مفتوح وتضخ ماء في الرديتر لازاره الاملاح وباقي الاسيد


الطريقه هذي انا ما جربتها ولا احذرك منها ولا انصحك فيها

ولكن انا قلت لك الطريقه الصحيح لعملها