لكن صحح لي اخوي انا أظن انه في ميزة طي المرايا الجانية في الفل اوبشن للست سلندر
هلا وغلا أخوي كاريرا ,, مشكور يالغالي على اطرائك ,,
بيني وبينك ماني متأكد من هالخاصية .. ولكن كتوقع ما أتوقع وجودها .. عموماً ما أشوفها مهمة جداً
تحياتي لك ,,
ما شاءالله موضوع رائع وتقرير اروع من شخص مبدع :e058:
وابشرك انا العروسه بتنزف يوم السبت هذا 4 سلندر فل بفتحه توماتيك
واذا عندك اي شي يفيدني من واقع خبرتك ارجو انك ماتبخل علي:eh_s1:
وشكراً على التقرير الاكثر من رائع وارجو تثبيت للتقرير
الف الف مبروك .. ويعطيك خيرها ويكفيك شرها ,, اختيار موفق ,, مع اني أميل للناقل اليدوي بشكل أكبر بعد تجربتي له ,,
ما فيه وصايا معينة .. عامل السيارة مثل أي سيارة جديدة وحافظ على الصيانة كل 10 آلاف او كل 15 ألف كيلو على أبعد تقدير ,,
ألف شكر
موضوع رائع ومرتب
لكن بالنسبة للعزل الصوتي أنا اشوف سيء أخوي عنده وحده ستاندر والهواء يبدأ يدخل بعد سرعة 130 غير كذا كل شيء فيها ممتاز
شي غريب !! .. السيارة جربتها على سرعة 160 وهوا وازعاج وغبار .. ما لاحظت فيها شي مزعج ,,
ممكن سيارة أخوك فيها عيب مصنعي .. لكن انا متأكد اذا كان العزل سيء بالدرجة اللي تقولها أكيد أخوك بيوديها للوكالة يعالجون المشكلة ,,
جربت السوناتا وجربت الأكورد وجربت الكامري وجربت الالتيما مؤخراً .. ما كانت الالتيما شاذة عنهم بـ شي :)
أتمنى مشكلة أخوك تتعالج بأقرب وقت ,,
وألف شكر على ردك
شكرا على التقرير
ولكن عندي سؤال
كيف التبريد في المكيفات الخلفيه هل هي قويه ولا ضعيفه مثل ما يقولوا الناس؟؟
هلا فـ بناخي ,,
التبريد الخلفي ضعيف .. وهالشي طبيعي بكل سيارات الفئة المتوسطة اللي جربتها ,,
ما أشوف انها مشكلة بالنسبة لي .. التبريد الأمامي كافي ووافي .. والخلفي يساعد بكل الأحوال
لكن عندي تعقيب حول ملاحظة ان اسعار طراز 6سلندر
اختلف معك في هذه النقطة معك يالغالي
انظر للمنافسين وستجد ان سعرها مناسب
هلا وغلا أبو تركي .. مبروك الاشراف أول شي ,, :) وعسـاكـ عالقـوة ,,
ما أدري بصراحة .. بس هل تشوف ان سعر 108000 على التيـما .. سعر واقعي ومناسب ؟!
الفئة هذي ما اتوقع انها تنبـاع أساساً بسبب سعـرها المرتفع ..
حتى المنافسيـن على كلامك لم يلاقـو النجـاح بسبب هالنقـطة ..
الأكـورد والالتيـما الستة سلنـدر يعـانون من قلة المبيـعات بسبب الأسعـار المرتفـعة
الفـئة اللي تحت الفل الكـامل واللي تجـي بمخمل وسعـرها بـ 98 الف ما تفـرق الا شغـلات بسيطة جداً عن الفـئة ذات المقاعد الجلـدية وأنا أشـوفها أفضـل بكثيـر وأوفـر ,,
يعطيك الف عافيـة على مناقـشتك وتعقيبــكـ ,,
