السلام عليكم ورحمه الله وبركاته.........
اخواني الاعضاء بطرح هالموضوع وطبعا كل واحد له ارائه وبدون اي تعصب او تحيز او انفعال.
بالبدايه احب اعطي لمحه موجزة عن كيا......
كيا شركه كوريه مثلها مثل هونداي تماما ما تفرق الا الاسم وطبعنا (((الوكيل والسمعه والشهره)))
بس السؤال الي يطرح نفسه ليه الهونداي مبيعاتها اكثر؟ وليش قطعها متوفرة اكثر؟ وليش صيانتها اسرع؟؟
واكثر من سؤال يطرح نفسه هل هو من نفس الشركه الام اقصد هالمشاكل من كيا نفسها ام من الوكيل المستورد لهذي السيارات.
مع انه الملاحظ بين كيا وهونداي تشترك بكل شي بالقاعدة والماكينه واغلب الاكسسوارات
(الازيرا-الاوبرس) و ( السوناتا-الاوبتيما) و (الالنترا-السيراتو) و (الاكسنت-الريو)
و (التوسان-السبوتاج) مثل ( الفورد والميركوري)
بس ليش الهونداي متفوقه من ناحيه المبيعات والخدمات المقدمه انا اقول لكم ليش من واقع التجربه للشركتين.
طبعنا شرينا كيا اوبرس 2008 قبل فترة وقدر الله وصار لها حادث والحمد لله تم التصليح على التأمين
ولاكن بعد المعاناة والتي لا تزال قائمه.
بالبدايه دخلناها الوكاله وتم البدء بألاصلاحات بعد اسبوع
واستلمنا السيارة وكان عليها ملاحضات من الناحيه الميكانيكه الكفر الي جاته الضربه لم يتم اصلاحه ( فيه مقص مضروب) واثر هذا على ممشى السيارة اذا لفيت الطارة يحك الكفر بالرفرف!
وكان باقي بلاستيك الحمايه الي يغطي الرفرف ما حطوه!
وزيق الصدام الامامي ما حطوه.
هذي الملاحظات بعد كذا دخلنا السيارة على صيانه ال3000 وتم عمل كل شي باستثناء زيق الصدام!
ليش؟
يقولون ماهو موجود بجي طلبيه من دبي.......
وننتضر اسبوع والثاني ونروح لهم وبرضه لازال الزيق ما وصل والمسئول عن الموضوع سافر الاخ عنده اجازة.
دخلنا على المدير العام لفرع الخريص (الباكستاني)
وقال ان الزيق بالأصل غير متوفر لا بدبي ولا بجدة ولا اي فرع واح يضطر يجيبه طلبيه من كوريا!!!!
عاد حلها انت!
الحين السيارة كملت ال5000 ووديناها الصيانه ولم يتم الانتهاء من جميع الاصلاحات!
ليش هالممطاله وكل موضف يقول كلام غير!
وليش فيه سوء تعامل بدون اهتمام بالعميل!
ومين المسؤل عن السيارة الي تطلع من الوكاله ولم يتم الانتهاء من جميع الاصلاحات!
بصراحه يا اخوان حاليا الوكاله تعتبر قمة بالفشل وغير مرتبه.
وغير كذا فروعها قليله والمعرض صغير مرة ومو كل السيارات التابعه للشركه معروضه بالله هذي وكاله ولا بوفيه؟
لا احد يقول انهم حاليا يفتحون فروع من البدايه المفروض ما يستلم الا وهو على كامل الاستعداد الواحد
يبدا يدخل السوق بقوة وثقه مو بكسل واهمال!
والكتاب مبين من عنوانه على قولتهم.
والله قدامي احصل هواشات من عملاء كيا.
من الاهمال الي يصير
ما ندري عن مستقبل كيا السعوديه (الجبر)
بس حاليا اعتبرها وكاله فاشله وتخلي العميل يكره سيارات كيا
مع انها في قمة الجمال ومافي شي يعيبها غير وكيلها.
لكم تحياتي ولكم حيرة التعبير عن ارائكم وشكرا.
