محتار بين الهوندا والمازدا

itce83 @user_74525 · 02-09-2008

مرحبا شباب ،،، نخش في الموضوع على طول ،،،

عندي ميزانية 11000 دينار ،ويعني نزيد 500 مو مشكلة،،،،

من أول ما عمل وكيل الهوندا عندنا بالبحرين عروض على MRV2008 رحت وحجزت وحده فل أوبشن سعرها حوالي 10700 دينار ،، يعني راح تطلع علي بالرقم والـتأمين 11150 دينار تقريباً

بس والله كثرة المازدا 2008 CX-9 في شوارعنا شدني وخلاني أروح الوكالة خصوصاً أن MRV كلش ما لها سوق وما حد يعرفها ،،، رحت وذهلت بشكلها الداخلي صراحه ، أكشخ مليون مرة من الهوندا ،،،بس يبغون الفئة الأقل بـ 11200 والفل بـ 12500 (خارج الميزانية) ،،،

بصراحة قاعد أفكر أغير رايي من MRV الى مازدا
مع أني راح أخسر 50 دينار لحجز السيارة :emot114: ،،

بس فيه أشياء مخوفتني وياريت تعطونا رايكم ،،

أولاً : بصراحة أنا عجبتني المازدا فل أوبش بس مثل ما خبرتكم غاليه ،، وما أدري أحصلها أرخص في السعودية أو أني أروح على الفئة العادية .

ثانياًُ ، يقولون المازدا بس كم سنة لها وتبدي الخرابات وتتغربل مع وكيلها الزفت ،، حتى قطع غيار ما عنده ،،

ثالثاً ،، محرك 3.7 يعني صرف بنزين غضب بس ما أعرف أكثر من الهوندا أو لا ،،،والله شرايكم

رابعاً : يتراوالي هيكل السيارة للهوندا أقوى من المازدا ،، باعتبار المازدا تميل للشكل الرياضي .

عموماً هذي كله لموديلات 2008 ،، وأنا بصراحة متعمد أخذ 2008 لأنها راح تكون أرخص بنزول 2009 ،،، يعني مثل ما تعرفون MRV صارت Pilot وسعرها 13800 للفل ،، والمازدا 2009 سعرها للعادي 12500 وللفل تقريبا 13500 إذا مو أكثر ... وهذا كله خارج النطاق :a120(89):

يا ريت تفيدونا ،،،،

أخونا العزيز MRV Honda رايك يهمنا ....... وتحياتي للجميع

itce83 @user_74525 صاحب الموضوع · 08-09-2008

h

hossameyad

انا قررت اشترى سيارة مازدا بس لية سوال اية عيوب السيارة بس بصراحة

أهم عيب أنها تقطع عند سرعة 153 كم ، وإذا حبيت تفك القفل راح يروح عليك الضمان وأصلاً حتى السيارة ما تضمنها يعني لا قدر الله يمكن تنكسر عليك المكينة أو القير إذا راحت السيارة أكثر من هذي السرعة ولهذا السبب حطو عليها قفل ،،، يعني إذا أنته مو راعي سرعة أو خطوط طويلة هذي ما تعتبر مشكلة لك . بس الواحد ما يضمن روحه أن يوم من الأيام ما يتعدى هذي السرعة ..

تصدق يا خوي أنا عندي سيارة لانسر 2001 طلعت فيها 160 على خط الرياض- الكويت شلون إذا كانت عندك هذي المازدا ومسكت هذا الخط ،، صدقني ما راح تحس فيها الا واصلة 180 ...

وعيب آخر بالنسبة لي أن لون مقياس السرعة جداً مشع ويعور العيون ،، أنا ما ارتحت له صراحه ..
ثاني شي الجنوط 18 للعادي يعني السيارة مو كلش رفيعة ...

أنا بصراحة طلعت بنتيجة أن السيارة جداً غاليه وسعرها مو فيها خصوصا ان الوكيل في البحرين والسعودية ما يمدحون فيه .

بس عندك تسارع السيارة جداً محترم والشكل الداخلي ممتاز ...

itce83 @user_74525 صاحب الموضوع · 08-09-2008

ط

طويل الذراع

اخوي itce83
عندي سؤال لك
كم سعر البايلوت 2009 عندكم في البحرين بأنواعه ومواصفاته اذا تكرمت
لأنه عندنا مغليه الوكيل شوي منزل الفل منه بـ 140 الف ولا هو بذاك الزود من المواصفات

هلا خوي مرحبا بك، السيارة عندنا 138 ألف للفل كامل ، ما عندي مواصفاتها الدقيقة بس اللي أعرفه أنها جلد + فتحة + و بدون نفيقيشن

يعني بصراحة غاليه

hossameyad @user_117996 · 07-09-2008

انا قررت اشترى سيارة مازدا بس لية سوال اية عيوب السيارة بس بصراحة

hossameyad @user_117996 · 07-09-2008

ممكن سوال شباب

hossameyad @user_117996 · 07-09-2008

السلاموة عليكم كيف الحال

M S H 3 L @user_50244 · 06-09-2008

اتمى إن الاخوان أفادوك .... وياهلا فيك اخوي
ينقل إلى قسم طلبات وإستفسارات الاعضاء

MRV HONDA @user_69122 · 06-09-2008

i

itce83

هلا بيك خوي ،، بصراحة أنا جربت السيارتين test drive وأرتحت في MRV أكثر من Mazda ،،، يعني MRV تحس أنه جيب ومالك الشارع بس المازدا ما تتعدى كونها سيارة عادية مرتفعه شوي،، وبصراحة سعرها كلش مبالغ فيه ،،، يمكن تتفوق من حيث الشكل الداخلي فقط ولكن كقوة وحتى شكل خارجي MRV متفوقة ،، وعلى هالأساس أتخذت قراري ،، وترى MRV مش بطال من داخل بس يبغي له شوية تعديل ،،

ما أدري أذا أحد من الأعضاء عنده فكره عن تركيب النفيقيشن سيستم لل MRV وترى السيارة تطلع أحلى من المازدا لو تركب فيها

مبارك عليك السيارة الله يعطيك خيرها ويكفيك شرها.
وزين ما أخترت ، مع الأستخدام إن شاء الله تستمتع و تحبها أكثر :a120(104): .

طويل الذراع @user_116255 · 04-09-2008

اخوي itce83
عندي سؤال لك
كم سعر البايلوت 2009 عندكم في البحرين بأنواعه ومواصفاته اذا تكرمت
لأنه عندنا مغليه الوكيل شوي منزل الفل منه بـ 140 الف ولا هو بذاك الزود من المواصفات

itce83 @user_74525 صاحب الموضوع · 03-09-2008

M

MRV HONDA

ولكن من متابعة المقارنة بين الجيبين موديل 2008 ومن تقييم الزبائن (من المواقع الأمريكية) يتضح أن المازدا تتفوق في الشكل والتصميم والأدائية والراحة بينما الهوندا2008 تتفوق في الإعتمادية والجودة والسلامة..

هلا بيك خوي ،، بصراحة أنا جربت السيارتين test drive وأرتحت في MRV أكثر من Mazda ،،، يعني MRV تحس أنه جيب ومالك الشارع بس المازدا ما تتعدى كونها سيارة عادية مرتفعه شوي،، وبصراحة سعرها كلش مبالغ فيه ،،، يمكن تتفوق من حيث الشكل الداخلي فقط ولكن كقوة وحتى شكل خارجي MRV متفوقة ،، وعلى هالأساس أتخذت قراري ،، وترى MRV مش بطال من داخل بس يبغي له شوية تعديل ،،

ما أدري أذا أحد من الأعضاء عنده فكره عن تركيب النفيقيشن سيستم لل MRV وترى السيارة تطلع أحلى من المازدا لو تركب فيها

MRV HONDA @user_69122 · 03-09-2008

أخوي itce83 أشكرك على ثقتك في أعضاء هذا المنتدى الرائع،
بالنسبة لجيب MRV أنا قلت رأي لأني جربت الجيب هوندا MRV موديل 2005 وهو عاجبني وعملي ولا شفت من السيارة أي مشكلة.
بالنسبة لCX9 أنا ما عندي أي سابق خبرة فيه.
ولكن من متابعة المقارنة بين الجيبين موديل 2008 ومن تقييم الزبائن (من المواقع الأمريكية) يتضح أن المازدا تتفوق في الشكل والتصميم والأدائية والراحة بينما الهوندا2008 تتفوق في الإعتمادية والجودة والسلامة.
أما جيب هونداPilot 2009 فهو يتفوق بكل شيء ما عدا الشكل الخارجي.
ولك الخيار ولا خاب من إستخار والله يوفقك لإختيار السيارة المناسبة.
وتقبل الله صيامكم.

fhad2007 @user_69277 · 03-09-2008

الشهر مبارك وكل عام والجميع بخير ان شاء الله

والله عندي الـ CX 9 افضل من جميع النواحي

اما الهونداء مع احترامي الشديد لها ففاشله في الجيوب

وبصراحه الـ CR-V احلى بكثيييير من MRV

ليش ما تشوف الـ تريبيكا من سوبارو ؟ افضل من الاثنين الي ذكرتهم

والله الموفق

itce83 @user_74525 صاحب الموضوع · 03-09-2008

مشكورين يالنشامى ، بس شكلي بأستقر على الهوندا ومثل ما قال أخوي "طويل الذراع" لي وللزمن

طويل الذراع @user_116255 · 03-09-2008

شف وانا اخوك ابقول لك شي وانت بكيفك/
اذا انت رجال يهمك الشكل ولا تهمك المشاكل والخرابات .. خذ المازدا
واذا انت يهمك السيارة تكد معك وتكون عملية ولك وللزمن ولايهمك الشكل .. خذ الهوندا

ابو اياد @user_85495 · 03-09-2008

اتأكد من اسعار قطع الغيار للمازدا لان عندنا مازدا 99 فان قطع غيار توضيب مكينه 23000 الف ريال يعني توضب بهالقيمه 5 مكسيمات مع شغل يد ومخرطه بعد 0

mazda62005 @user_98759 · 03-09-2008

انا اشوف ان المازدا افضل من الهوندا من جميع النواحي شكل افضل من الداخل والخارج مواصفات اعلى من الهوندا افخم تماسك وثبات افضل اقوى من الهوندا
والمازدا تعتبر الافضل في هذه الفئه وماخذا جوائز كثيره منها افضل كروس اف لعام 2008
واذا ناظرت كل التجارب المعموله لهذه الفئه تجد ان المازدا دائما تاخذ المركز الاول منها تجربه مع الهوندا والهوندا راح يتغير شكله قليلا في 2009 وراح يسمى بايلوت على ما اعتقد
ولا تنسى الاستخاره

ZAID ZAID @user_51168 · 02-09-2008

بالنسبة لى ارشحلك cx9

itce83 @user_74525 صاحب الموضوع · 02-09-2008

M

M S H 3 L

ياهلا فيك اخوي وشارك لك ثقتك في اعضاء هذا المنتدى وهذا إن دل دل على حسن المشورة وتحمل
المسؤلية من قبل الاعضاء وهذا بفضل الله ثم بفضل الاعضاء الذين يقدمون النصح والمشورة الطيبة

اخوي itce83 الهوندا ماعليها كلام يعني من جميع النواحي متميزة ..... إقتصادية في صرفية الوقود
هيكل متين .... تهتم بالسلامة ... والسيارة تصميمها جميل لكن مو زي الـ CX-9 .... طبعا ً
لكن اخوي انا في الاخير ارشح واختار لك MRV Honda .... لإن شركة هوندا عملية جدا ً ....
ولا تنى اخوي طلب الخيرة من ربك ..... والله يكتب اللي فيه الخير .... اخوك مشعل :)

بارك الله فيك يا خوي مشعل ،،، ومشكور على رايك الثمين ،، وأنا فعلاً أعتز بأعضاء هذا المنتدى الرائع وآخذ بمشورتهم ،، وليس أدل على ذلك أني يوم بغيت أحجز الهوندا ونصحوني الشباب هنا بارك الله فيهم فيها ما ترددت ورحت حجزتها ، بس أحيانا الانسان يعيد النظر للوصول الى نتيجه افضل

مشكور ياخوي وما قصرت ومبارك عليك الشهر

M S H 3 L @user_50244 · 02-09-2008

ياهلا فيك اخوي وشارك لك ثقتك في اعضاء هذا المنتدى وهذا إن دل دل على حسن المشورة وتحمل
المسؤلية من قبل الاعضاء وهذا بفضل الله ثم بفضل الاعضاء الذين يقدمون النصح والمشورة الطيبة

اخوي itce83 الهوندا ماعليها كلام يعني من جميع النواحي متميزة ..... إقتصادية في صرفية الوقود
هيكل متين .... تهتم بالسلامة ... والسيارة تصميمها جميل لكن مو زي الـ CX-9 .... طبعا ً
لكن اخوي انا في الاخير ارشح واختار لك MRV Honda .... لإن شركة هوندا عملية جدا ً ....
ولا تنى اخوي طلب الخيرة من ربك ..... والله يكتب اللي فيه الخير .... اخوك مشعل :)