السلام عليكم ورحمه الله وبركاته
بعد موضوعين تم طرحهم في اليومين الماضيين وموجه من الشكر والرضا على هذه المواضيع ابدأ بحماس موضوع اخر مهم جدا قد يكون اهم من الموضوعين لكن اتمنى (من الاعضاء محبين فورد انهم يصبرون علي من ناحيه السيارات الثانيه غير ماركيز وفكتوريا اكل العنب حبه حبه هذي بدايات اذا شفت المواضيع تشجع كتبت عن جميع سيارات فورد) .
بسم الله الرحمن الرحيم هذاالموضوع مهم بالنسبه لاصحاب السيارات الجديده ومحبين اضافه الكماليات على السياره واللي يبغون يحافظون عليها مواضيع عامه تتكلم عن انظمه التعليق عن موانع الانزلاق الانبعاث التشييك الدوري على السياره ................ألخ
نظام التعليق ونصائح متعلقه به اولا لأصحاب كراون فكتوريا الهيدروليك الهوائيه :
هو اهم جزء في السياره لتحسين وظيفه واداء السياره على الطريق بحيث المطبات ظروف الطريق الشوارع الناعمه الشوارع الخشنه منحدرات قويه حفريات احجار على الطريق ...............ألخ
البعض يرى ان الهيدروليك حاطينه كذا للزينه وهذا غلط كبيييييييير جدا او هي كما ذكرت في مواضيعي السابقه يحافظ على الجزء الخلفي للسياره بالنسبه للlx s العلاقي وs العلاقي اما الارضي على الكفرات الاربعه . نصيحه للأخوان اللي ما يحركون السياره وهي تحتوي على hydrulic system
يجب ان تتحرك السياره يوميا ولو عشره كيلو ليش لأن الكمبيوتر مب ماسكلك السياره طول ايام الاسبوع لازم تعطيه فرصه انه يبعث اشارات للزنبرك انه يظخ فيه هوا ويطلعه لأن في حال وقوف السياره لمده اسبوع تقريبا تشوف السياره نازله بشكل مو طبيعي من ورا تقول حاط في الموتر طوابيق في شنطه السياره وهذي الحركه تعدم عليك البلونات وسعرها غالي مو رخيص ابدا ابدا توصل للسبع الاف للبلونتين فقط , وحتى في التوكيلات تشوفون الوكاله فاصلين البطاريه وتشوفون السياره انزل و انزل تحت تحت من ورا السياره طايحه وخصوصا القير الارضي هذي الطريقه الصحيحه للحفاظ على الهيدروليك انك اذا بتسافر مثلا شهر تفصل البطاريه وحتى اسبوع السفر لازم تفصل البطاريه .
اما في حال سحب السياره او بنشر او رفع او غرزت عليك السياره لازم تفصله عشان مايروح عليك النظام وتركب جديد حوالي العشره الاف و تبرمجه انتباااااااااااااااااه . على العموم في موضيع تفصيلي الاسبوع القادم عن الهيدروليك انتظروه . معلومه مهمه اذا ازداد عدد التحميل لن يعمل الهيدروليك ابدا الى ان يخف التحميل.
الهيدروليك الزيت ما يشمله الكلام اللي فوق يعني اللي عند spicial edition ينتبه معي مهم جدا
انا اول ماجا السبيشل في الوكاله شفته وقارنته بالسيارات الثانيه شفت انه مرتفع شوي لكن مو زي الستاندرد وكلمت المهندس الامريكي قالي هالكلام :
السبيشل ايدشن تم تطوير نظام هيدروليك الزيت فيه بحيث انه يعمل بشكل اتوماتيكي في حال اطفاء السياره وتشغيلها وسحبها قالي لا يخدعك منظرها حاليا بان السياره مرتفعه لا شفها بعد ما تمشي 4000 الى 5000 كيلو تكون نفس القير الارضي لان نظام انبعاث الهيدروليك الزيتي على الكفرات الاربعه .
لكن بطريقه (زيتيه) يعني الزيت يلين في اجزاء السياره و تكون السياره نازله اتوماتيكي بعد اطفاء السياره وتكون المسافه بين الكفر الخلفي 1 سنتيمتر او اكثر بقليل جدا ومن قدام الفرق 3 سنتيمتر السياره تكون نازله بشكل واضح من الخلف بالظبط . يعني اللي يحبون التهبيط انصحهم بانه لايهبطون شي لأن هذا يسبب له خطر شخصي بان الياي ينفك بعد مايمشي عليه مسافه اما في حال توقفت السياره مده افصل البطاريه للمحافضه على نظام الزيت . وانا عندي سبيشل ايدشن ولاحظت هذا الشي .
مانع النزلاق في الفرود خصوصا ل كراون فكتوريا والماركيز :
انا شخصيا لا احبذ هذا النظام ابدا ابد ابد لانه يعطي ثقل مو طبيعي للسياره ومن هذا الانسان (الطاره ) اللي في حال تعرض للخطر بيضغطه اصلا مو مفكر فيه بالاساس ووضع هذا النظام غلط من البدايه
لان السيارات مثل الكراون والماركيز سيارات الbody ثقيل مايتحمل هذا الtraction control
وعيوبه اكثر من منافعه يعني المنفعه الوحيده هي التغريز اذا غرزت السياره ينزل الهيدروليك ويثقل السياره الى تهتز وتطلع بس. من بيدخل بفكتوريا ولاماركيز بر او ماشابه الا ما ندر وحتى المويه اللي في الشارع مايقدر يتحملها وتزحف السياره وهذي اقدار الله هو اللي يكتبها لو كتب انك بتصدم سواء فيه هذا النظام او غيره بتصدم غصب عني وعنك (نصيحه لأصحاب ال lx s وs لايظغط كل الدعسه الا اذا ظغط هذا النظام لأن الفورد فزتها قويه وانبعاثها قوي جدا يعني بتحوس عليك الى الله اعلم ام اذا فيه مانع الانزلاق اظغط زي ما تبي). في حال تغيير الجنوط مثلا الى جنوط مارودر لن يعمل النظام مطلقا لو وديتها لأطلق مهندس في الدنيا خلها عل الجنوط الرياضيه اجمل
التشييك الدوري ل5000 كيلو للقديم و ال8000 للجديد يهني الفين وثمانيه :
انا اقول من الافضل انك تشييك في الوكاله ولاتشييك في مكان ثاني خصوصا للجديده عشان مايروح عليك الضمان وحتى السيارات القديمه بشكل اقل . والزيت الي يغيرونه شركه فورد افظل زيت تم تصنيعه للسياره هو motorcraft يستمر معك الى 8000 كيلو البعض خايف لا تخاف بالعكس اريحلك وللموتر اما اذا غيرت من ورشه ثانيه يروح عليك الضمان والتشييك وتبدأ تروح لربعنا حبايبنا التشييك الدوري بكيفك الحلوين وتنهبل عندهم :eh_s1:.
ا نشاء الله يكون موضوعي افاد الجميع وانتظروا مواضيعي القادمه مهمه ايضا
لكن لن استبق الاحداث شكرا
السلام عيكم ورحمه الله وبركاته
